完整藏文原文 · 德格版页 当前仅加载第 93 函德格 249b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་རྫུ་འཕྲུལ་ཆེན་པོ་དང་ལྡན་པ་ཐམས་ཅད་ཀྱིས་འཇིག་རྟེན་དང་འཇིག་རྟེན་ལས་འདས་པ་ཐམས་ཅད་ཀྱི་རིག་པའི་སྔགས་རྣམས་དང་། དཀྱིལ་འཁོར་འདྲི་བ་དང་། ཉེ་བར་སྟོན་པ་དང་། རྒྱུད་དང་རྒྱུད་ཀྱི་ཕྱག་རྒྱ་དང་སྤྱད་པ་ངེས་པར་སྟོན་པ་དང་། རང་གི་ཆོ་ག་ངེས་པར་
D724.093.0249b01.01སྟོན་པར་རྗེས་སུ་གནང་ངོ་ཞེས་བརྗོད་པར་བྱའོ། །སྐྱེ་བ་འདི་ཉིད་དམ་གང་ཕྱི་མ་གཞན་དང་གཞན་རྣམས་སུ་སངས་རྒྱས་ཉིད་ངེས་པར་ཐོབ་བོ། །དེ་བཞིན་དུ་རྒྱལ་བ་དང་རྣམ་པར་རྒྱལ་བའི་མངོན་པར་དབང་བསྐུར་བ་དང་སྔར་ངེས་པར་བསྟན་པའི་ཆོ་གས་བཅོམ་ལྡན་འདས་ལ་
D724.093.0249b02.01སྔར་ཕུལ་བའི་བུམ་པ་གང་བ་དང་། བྱང་ཆུབ་སེམས་དཔའ་ལ་ཕུལ་བའི་བུམ་པ་གང་བས་དེ་བཞིན་དུ་ཁོ་ནར་མངོན་པར་དབང་བསྐུར་རོ། །དེ་བཞིན་དུ་ཡང་ཁྱོད་ལ་སངས་རྒྱས་བཅོམ་ལྡན་འདས་རྣམས་དང་། བྱང་ཆུབ་སེམས་དཔའ་ཆེན་པོ་རྣམས་དང་། ཉན་ཐོས་རྣམས་
D724.093.0249b03.01ཀྱིས་འབྱུང་པོ་ཐམས་ཅད་ཀྱིས་མི་ཚུགས་པ་དང་། ལུས་ཅན་ཐམས་ཅད་ཀྱིས་མི་ཐུབ་ཅིང་རྣམ་པར་རྒྱལ་བ་དང་། ཁྱོད་སྔགས་རྣམས་ཐམས་ཅད་ཇི་ལྟར་འདོད་པ་བཞིན་དུ་སྒྲུབས་ཤིག་ཅེས་རྗེས་སུ་གནང་ངོ་ཞེས་བརྗོད་པར་བྱའོ། །དེ་ནས་དཀྱིལ་འཁོར་གྱི་སློབ་དཔོན་གྱིས་
D724.093.0249b04.01སེམས་ཅན་ལྔ་པོ་ཉིད་རེ་རེ་ལ་ཇི་ལྟར་འདོད་པ་བཞིན་དུ་མངོན་པར་དབང་བསྐུར་པ་སྦྱིན་པར་བྱའོ། །དེ་ནས་དེ་དག་རིམ་གྱིས་དཀྱིལ་འཁོར་དུ་བཅུག་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕུལ་ཏེ། དཀྱིལ་འཁོར་ལ་བསྐོར་བ་ལན་གསུམ་བྱས་ནས་གཤེགས་
D724.093.0249b05.01སུ་གསོལ་བར་བྱའོ། །དེ་ནས་ཉི་མ་གཞན་ལ་རིམ་གྱིས་རིག་པ་དང་གསང་སྔགས་ཀྱི་སྤྱོད་པ་རྣམས་ལ་བསླབ་པར་བྱ་ཞིང་། རྣམ་པར་སྦྱར་བར་བྱའོ། །སྐད་ཅིག་དེ་ཉིད་ལ་སོང་ནས་སྔར་བརྟེན་པར་ཕུལ་བ། བྱང་ཆུབ་སེམས་དཔའ་ཆེན་པོ་ལ་སྔར་ཕུལ་བའི་ཆུ་བུམ་པ་གང་
D724.093.0249b06.01བ་བླངས་ནས། དཀྱིལ་འཁོར་དུ་ཞུགས་པ་དེ་རྣམས་ལ་ཆུ་ཁྱོར་བ་གསུམ་ཤར་དུ་མངོན་པར་ཕྱོགས་པར་བྱས་ནས་འཐུང་དུ་གཞུག་པར་བྱའོ། །འདི་སྐད་བརྗོད་པར་བྱ་སྟེ། ཀྱེ་བྱང་ཆུབ་སེམས་དཔའ་ཆེན་པོ་གསང་བའི་དམ་ཚིག་གང་གིས་འདའ་བར་བྱེད་པ་བསོད་
D724.093.0249b07.01