完整藏文原文 · 德格版页 当前仅加载第 93 函德格 266b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ཡང་བྱང་ཆུབ་སེམས་དཔས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་གིས་འབྱོར་བ་བསྟན་པར་མཛད་ཅིང་སྔགས་ཀྱི་སྤྱོད་པའི་ཡོན་ཏན་སྒྲུབ་པའི་མཐུ་གསལ་བར་མཛད་པ་ལེགས་པར་གསུངས་པ་ནི་ལེགས་སོ། །བཅོམ་ལྡན་འདས་གང་ད་
D724.093.0266b01.01ལྟ་དེའི་དུས་ལ་བབ་པར་དགོངས་ནས་བདག་ཅག་ལ་ཐུགས་བརྩེ་བའི་སླད་དུ་བཀའ་སྩལ་དུ་གསོལ། དེ་ནས་བཅོམ་ལྡན་འདས་ཤཱཀྱ་ཐུབ་པས་ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་ལ་གཟིགས་ནས་འཛུམ་པ་མཛད་དོ། །དེ་ནས་བཅོམ་ལྡན་འདས་ཤཱཀྱ་ཐུབ་པའི་ཞལ་གྱི་སྒོ་
D724.093.0266b02.01ནས་འོད་ཟེར་སྔོན་པོ་དང་། སེར་པོ་དང་། དཀར་པོ་དང་། བཙོད་དང་། ཤེལ་གྱི་ཁ་དོག་ལ་སོགས་པ་བྱུང་བར་གྱུར་ཏོ། །འོད་ཟེར་དེ་བྱུང་མ་ཐག་ཏུ་ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་སྣང་བར་བྱས་ནས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་
D724.093.0266b03.01གནས་ཐམས་ཅད་སྤ་བཀོད་པར་མཛད་ནས། རྒྱུ་སྐར་གྱི་འོད་དང་། རིའི་ལྷའི་ཚོགས་ཀྱི་འོད་དང་། གང་དུ་ཟླ་བ་དང་ཉི་མ་འདི་ལྟར་མཐུ་ཆེ་ཞིང་རྫུ་འཕྲུལ་ཆེ་བ་དེ་དག་གི་འོད་ཀྱང་སྤ་བཀོད་པར་མཛད་ནས་དེ་རྣམས་མི་གསལ་ཞིང་འོད་མེད་པར་གྱུར་ཏེ་རྣམ་པར་སྣང་བར་མི་
D724.093.0266b04.01འགྱུར་ཞིང་སྤ་བཀོང་བར་མཛད་དེ་ནོར་བུ་དང་སྔགས་དང་སྨན་དང་རིན་པོ་ཆེའི་འོད་ཐམས་ཅད་མེད་པར་བྱས་ནས་སླར་ཡང་བཅོམ་ལྡན་འདས་ཤཱཀྱ་ཐུབ་པའི་ཞལ་གྱི་སྒོར་ནུབ་པར་གྱུར་ཏོ། །དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་འཁོར་གྱི་དཀྱིལ་
D724.093.0266b05.01འཁོར་དེ་ཉིད་ན་འདུས་ཤིང་འཁོད་པར་གྱུར་པ་དེ་སྟན་ལས་ལངས་ནས། རིངས་པའི་ཚུལ་གྱིས་བཅོམ་ལྡན་འདས་ཀྱི་ཞབས་གཉིས་ལ་ཕྱག་འཚལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །སངས་རྒྱས་བཅོམ་ལྡན་འདས་རྣམས་ནི་རྒྱུ་མ་མཆིས་རྐྱེན་མ་མཆིས་པར་
D724.093.0266b06.01འཛུམ་པ་མི་མཛད་ན། བཅོམ་ལྡན་འདས་འཛུམ་པ་མཛད་པའི་རྒྱུ་གང་ལགས་རྐྱེན་གང་ལགས། དེ་སྐད་ཅེས་གསོལ་བ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་དེ་དེ་བཞིན་ནོ། །དེ་
D724.093.0266b07.01