完整藏文原文 · 德格版页 当前仅加载第 93 函德格 256a 版页；藏文 NFD、目录标记与异常页序保留在来源切片中，重复版页行以稳定序号区分。
གང་བཅོམ་ལྡན་འདས་ཀྱི་རྩ་བའི་པདྨའི་སྡོང་བུ་དང་། འདབ་མ་དེ་ཉིད་ལ་རྣམ་པར་འཕྲོས་པའི་པདྨའི་མེ་ཏོག་དུ་མ་རྣམས་རིམ་གྱིས་མཐོ་བའོ། །གཡོན་གྱི་གཞོགས་སུ་པདྨའི་མེ་ཏོག་བརྒྱད་དེ། དེ་རྣམས་ལ་ཡང་པདྨ་རྣམས་ལ་བཞུགས་པའི་བྱང་
D724.093.0256a01.01ཆུབ་སེམས་དཔའ་ཆེན་པོ་བརྒྱད་ཀྱི་སྐུ་མངོན་པར་བྲི་བར་བྱའོ། །དང་པོ་རེ་ཞིག་འཕགས་པ་སྤྱན་རས་གཟིགས་དབང་ཕྱུག་པདྨའི་ཟེ་བ་ལྟར་ཅུང་ཟད་དཀར་བའི་གུར་གུམ་དང་། གསེར་གྱི་མདོག་ཅན་འོད་དཔག་ཏུ་མེད་པའི་ཅོད་པན་གྱིས་དབུ་ལ་རྣམ་པར་བརྒྱན་པ། ཕྱག་
D724.093.0256a02.01ན་ཨུཏྤ་ལ་སྔོན་པོ་འཛིན་པ་གཡས་ཀྱི་ཕྱག་གིས་དེ་བཞིན་གཤེགས་པ་ལ་ཕྱག་འཚལ་བར་བྱེད་བཞིན་པ། སྐུ་མཛེས་པ་དེ་བཞིན་གཤེགས་པ་ལྟ་བ་ཞི་བའི་རྣམ་པ། བཞིན་ཅུང་ཟད་འཛུམ་པ། ཀུན་ནས་འབར་བས་འཁྲིགས་པས་དཀྱིལ་འཁོར་གྱི་དབུས་སུ་གནས་
D724.093.0256a03.01པའོ། །པདྨ་གཞན་ལ་ནི་འཕགས་པ་ཟླ་འོད་གཞོན་ནུ་དེ་བཞིན་དུ་མངོན་པར་བྲི་བར་བྱའོ། །གསུམ་པ་ལ་ནོར་{བཟངས་སོ,བཟང་ངོ་}། །བཞི་པ་ལ་སྒྲིབ་པ་ཐམས་ཅད་རྣམ་པར་སེལ་བའོ། །ལྔ་པ་ལ་ནམ་མཁའ་མཛོད་དོ། །དྲུག་པ་ལ་སའི་སྙིང་པོའོ། །བདུན་པ་ལ་འཇམ་
D724.093.0256a04.01དཔལ་ལོ། །བརྒྱད་པ་ལ་སྤྱན་བཟང་སྟེ། འདི་དག་ཐམས་ཅད་གཞོན་ནུའི་ཆ་བྱད་ཅན། །གཞོན་ནུ་རྒྱན་གྱིས་མངོན་པར་བརྒྱན་པ་མངོན་པར་བྲི་བར་བྱའོ། །བཅོམ་ལྡན་འདས་ཀྱི་གཡས་ཀྱི་གཞོགས་སུ་བྱང་ཆུབ་སེམས་དཔའ་ཆེན་པོ་བརྒྱད་ལ། བྱམས་པ་མ་
D724.093.0256a05.01གཏོགས་པ་རྒྱན་ཐམས་ཅད་ཀྱིས་རྣམ་པར་བརྒྱན་པ་སྟེ། བཅོམ་ལྡན་འདས་ཀྱི་ཉེ་ལོགས་སུ་འཕགས་པ་བྱམས་པ་ཚངས་པར་སྤྱོད་པའི་ཆ་བྱད་འཛིན་པ། དབུ་ལ་རལ་པའི་ཅོད་པན་བཅིངས་པ། གསེར་མདོག་ངུར་སྨྲིག་དམར་པོ་གསོལ་བ། དར་ལ་དམར་པོའི་སྟོད་
D724.093.0256a06.01གཡོགས་བྱས་པ། ཚོམ་བུ་གསུམ་གྱི་མཚན་མ་བྱས་པ། གཟུགས་མཛེས་པ་དབྱིག་པ་དང་། རིལ་བ་སྤྱི་བླུགས་གཡོན་གྱི་ཕྱག་ཏུ་བཀོད་པ། ཀྲྀཥྞ་སཱ་རའི་པགས་པ་ཕྲག་པ་གཡོན་དུ་བགོས་པ། ཕྱག་གཡས་པ་བགྲང་ཕྲེང་བཟུང་ནས་དེ་བཞིན་གཤེགས་པ་ལ་
D724.093.0256a07.01