完整藏文原文 · 德格版页 当前仅加载第 93 函德格 278b 版页；藏文 NFD、目录标记与异常页序保留在来源切片中，重复版页行以稳定序号区分。
ངལ་བར་བྱས། །གཞུང་དང་བསྟན་བཅོས་དོན་འཛིན་པ། །ནད་མེད་ནུས་པ་མེད་མིན་པ། །རྒ་དང་ནད་ནི་རྣམ་པར་སྤངས། །དེ་བཞིན་བཤེས་གཉེན་ཅན་སྔགས་གྲུབ། །ཀུན་ནས་མྱུར་དུ་བྱེད་པ་དང་། །མཐའ་ཡི་རིང་མིན་ཞིང་དེ་བཞིན། །ཚངས་པར་སྤྱོད་ཅིང་ཤེས་
D724.093.0278b01.01རབ་ཆེ། །ཁྱད་པར་དུ་ནི་ཤེས་པ་དང་། །གཅིག་ཏུ་འདུ་འཛི་མེད་པ་དང་། །དཔའ་ཞིང་དབང་བསྐུར་ཐོབ་པ་དང་། །དེ་འདིར་བྱང་ཆུབ་ཕ་རོལ་སོན། །སྲིད་པ་ཞི་བར་བྱེད་ལ་བརྩོན། །དེ་བཞིན་ཉིད་དུ་རིག་སྔགས་བྱ། །མཐུ་ཆེན་འཇིག་རྟེན་ཤེས་པ་དང་། །
D724.093.0278b02.01འགྲོ་བ་སེམས་ཅན་རྗེས་སེམས་པ། །དཔལ་ཉིད་དང་ནི་རབ་ཏུ་ལྡན། །སྦྱིན་དང་འབྱུང་པོ་ཕན་ལ་དགའ། །དེ་བཞིན་ཁྱད་འཕགས་སློབ་དཔོན་ལ། །རྟག་ཏུ་གསོལ་བ་གདབ་པར་བྱ། །དེས་ནི་དཀྱིལ་འཁོར་བྲིས་པ་ཡི། །སྔགས་ཀྱི་དངོས་གྲུབ་སྟེར་བར་བྱེད། །དེ་ཉིད་
D724.093.0278b03.01ཀྱིས་ནི་དབང་བསྐུར་གྱིས། །འབྲས་བུ་ཆེན་པོ་སྦྱིན་པར་འགྱུར། །དངོས་གྲུབ་འདོད་པའི་སློབ་མས་ཀྱང་། །ཐུབ་པ་བཞིན་དུ་རྟག་ཏུ་མཆོད། །དེ་ཡི་གསུང་ནི་མི་འགོམ་པ། །སློབ་མས་འབད་པས་བྱ་བ་ཡིན། །ཇི་ལྟར་འབྱོར་ཅིང་བདོག་པ་ཡི། །ལོངས་སྤྱོད་དེ་
D724.093.0278b04.01ལ་དབུལ་བར་བྱ། །ཉུང་ངུ་ཙམ་མམ་མང་ཡང་རུང་། །གང་གིས་མཉེས་པར་འགྱུར་བ་དང་། །ལུས་ནི་འཚོ་བའི་རྒྱུ་ཡི་ཕྱིར། །ཕ་ལ་ནོར་ནི་སྟེར་བ་ལྟར། །དེ་བཞིན་སློབ་མ་ཆོས་ཤེས་པས། །སློབ་དཔོན་ལ་ནི་ནོར་དབུལ་བྱ། །མཐའ་ཡི་དབང་ཕྱུག་དངོས་གྲུབ་
D724.093.0278b05.01ཐོབ། །ཚེ་དང་དེ་བཞིན་ནད་མེད་དང་། །རྒྱས་པའི་འགྲོ་བ་ཐོབ་པར་འགྱུར། །སློབ་མས་བླ་མ་དེ་མཆོད་ན། །དེ་ཡི་སྔགས་རྣམས་འགྲུབ་པར་འགྱུར། །ལམ་དང་ཆོ་ག་ཉེར་མཐོང་དང་། །བསྙེན་པ་ལས་ཀྱང་བརྟེན་པ་ལས། །དེ་བཞིན་རི་མོར་བྱས་
D724.093.0278b06.01མཆོད་ལས། །སངས་རྒྱས་ཐམས་ཅད་དགྱེས་པར་འགྱུར། །དེ་བཞིན་རྒྱལ་མཆོག་སྲས་རྣམས་དང་། །ལྷ་རྣམས་ཐམས་ཅད་དགྱེས་པར་འགྱུར། །བླ་མ་རྟག་ཏུ་བསྙེན་བཀུར་ན། །བླ་མ་སྔགས་རྣམས་མཐོང་བ་ཡིས། །འདི་དག་ཐམས་ཅད་བརྟན་པར་
D724.093.0278b07.01