完整藏文原文 · 德格版页 当前仅加载第 93 函德格 272b 版页；藏文 NFD、目录标记与异常页序保留在来源切片中，重复版页行以稳定序号区分。
པར་ཤེས་པ་ལྔ་དང་། རྫུ་འཕྲུལ་ཆེན་པོ་དང་། མཐུ་ཆེན་པོ་དང་ལྡན་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་རྟག་ཏུ་མཐོང་བར་འགྱུར་རོ། །ཀླུ་ཐམས་ཅད་དང་། སྲིན་པོ་ཐམས་ཅད་དང་། གནོད་སྦྱིན་ཐམས་ཅད་དང་། ལྷ་ཐམས་ཅད་དང་།
D724.093.0272b01.01ལྷ་མ་ཡིན་ཐམས་ཅད་དང་། སེམས་ཅན་ཐམས་ཅད་ཀྱང་འདིའི་དབང་དུ་འགྱུར་ཏེ། བཀའ་བཞིན་བྱེད་པ་ལ་བཞག་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་། རང་སངས་རྒྱས་དང་འཕགས་པ་ཉན་ཐོས་རྣམས་འདིའི་སྔགས་གྲུབ་པ་དེ་རྣམས་ཀྱང་འདི་ལ་
D724.093.0272b02.01བྱམས་པའི་བདག་ཉིད་དུ་འགྱུར་རོ། །རྗེས་སུ་འདོད་པར་འགྱུར་རོ། །སེམས་ཅན་ཐམས་ཅད་ཀྱིས་མི་ཚུགས་པར་འགྱུར་རོ། །གཞན་ཡང་ལས་ཀྱི་ཆོ་ག་མཆོག་སྒྲུབ་ཐབས་སུ་འགྱུར་བ་ནི་བིལ་བའི་ཤིང་ལ་གྲུ་བོ་ཆེའི་བཞོན་པ་བྱེད་དུ་གཞུག་སྟེ། ཤིང་གཅིག་གི་བཞོན་
D724.093.0272b03.01པའམ། བསྡུས་པའང་རུང་སྟེ་གནས་ཆེན་པོ་བྱའོ། །གང་གཱའི་དབུས་ཀྱི་གླིང་དེར་གནས་པའི་གྲུའི་བཞོན་པར་སྐྱེས་བུ་བརྒྱ་ཉི་ཤུ་ལག་ན་སྒྲོན་མེ་ཐོགས་པ་རྣམས་གྲུའི་བཞོན་པ་ལ་འཛེགས་ཏེ་གོས་དཀར་པོ་གྱོན་ཞིང་སྲུང་བ་བྱས་པ་རས་རིས་ཀྱི་ཐུ་བོ་སྔར་གྱི་ཆོ་གས་ཀུན་དུ་བཞག་
D724.093.0272b04.01པའི་སྤྱན་སྔར་གཞག་པར་བྱའོ། །དེ་ནས་རས་རིས་ལ་མཆོད་པ་ཆེན་པོ་བྱས་ནས་ནཱ་ག་གེ་སར་གྱི་ཕྱེ་མ་རྣམས་དང་གུར་གུམ་དང་། ཙནྡན་དཀར་པོ་དང་། ག་པུར་བསྲེས་པ་དང་། སེང་ལྡེང་གི་སྲེག་བླུགས་སྟོང་ཕྲག་སུམ་ཅུ་རྩ་དྲུག་སྦྱིན་སྲེག་བྱའོ། །དེ་ནས་སྦྱིན་སྲེག་གི་མཐར་
D724.093.0272b05.01གྲུ་དེ་སྐད་ཅིག་ཙམ་གྱིས་ཚངས་པའི་འཇིག་རྟེན་དུ་འགྲོ་ཞིང་འོང་བར་འགྱུར་ཏེ་ཇི་ལྟར་འདོད་པ་བཞིན་དུ་རྣམ་པར་རྒྱུའོ། །འཕགས་པ་སྤྱན་རས་གཟིགས་དབང་ཕྱུག་མཐོང་བར་བྱེད་དོ། །མཐོང་བ་ཙམ་ལས་ཐོབ་པར་འགྱུར་རོ། །མངོན་པར་ཤེས་པ་ལྔ་དང་ཡུན་རིང་དུ་འཚོ་
D724.093.0272b06.01ཞིང་བསྐལ་པ་ཆེན་པོར་གནས་པར་འགྱུར་རོ། །རིག་པ་འཛིན་པའི་འཁོར་ལོས་སྒྱུར་བའི་རྒྱལ་པོ་ཆེན་པོར་འགྱུར་རོ། །མར་མེ་འཛིན་པ་དེ་རྣམས་ཀྱང་འདིའི་རིག་པ་འཛིན་པ་གྲུབ་པར་འགྱུར་རོ། །ལྷན་ཅིག་སྤྱོད་པ་དེ་རྣམས་དང་། ཐབས་ཅིག་ཏུ་ཇི་ལྟར་
D724.093.0272b07.01