完整藏文原文 · 德格版页 当前仅加载第 93 函德格 224a 版页；藏文 NFD、目录标记与异常页序保留在来源切片中，重复版页行以稳定序号区分。
ཉེ་བར་ཕྱིན་ཏེ་བཅོམ་ལྡན་འདས་ཤཱཀྱ་ཐུབ་པ་ལ་ཕྱག་འཚལ་ནས་གསང་སྔགས་སྤྱོད་པའི་དོན་དང་། བྱང་ཆུབ་སེམས་དཔའི་སྡེ་སྣོད་མཉན་ཅིང་རྗེས་སུ་ཡི་རང་བར་འདོད་པས་འཁོད་པར་གྱུར་ཏོ། །གང་ཡང་ལྟོ་འཕྱེ་ཆེན་པོའི་རྒྱལ་པོ་དེ་རྣམས་ཀྱང་འཁོར་གྱི་
D724.093.0224a01.01དཀྱིལ་འཁོར་ཆེན་པོ་དེར་རབ་ཏུ་ཞུགས་ཤིང་འཁོད་པར་གྱུར་པ་འདི་ལྟ་སྟེ། བྷེ་རཎྜ་དང་། བྷུ་རུཎྜ་དང་། མ་རུཎྜ་དང་། འོད་ཟེར་དང་། འོད་ཟེར་འབར་བ་ཞེས་པའོ། །གང་ཡང་ནམ་མཁའ་ལྡིང་གི་རྒྱལ་པོ་དེ་རྣམས་ཀྱང་ནམ་མཁའ་ལྡིང་བརྒྱ་སྟོང་ཕྲག་དུ་མས་
D724.093.0224a02.01ཡོངས་སུ་བསྐོར་ཏེ་འཁོར་གྱི་དཀྱིལ་འཁོར་དེར་འདུས་པར་གྱུར་པ་འདི་ལྟ་སྟེ། འདབ་བཟང་དང་། འདབ་དཀར་དང་། ཀླུ་དང་། འདབ་འགྲོ་དང་། འདབ་བཟང་སྐྱེས་དང་། ཡིད་མགྱོགས་དང་། ཀླུ་འཇོམས་དང་། རྣམ་འདུད་བུ་དང་། བྷ་ར་དྷྭ་ཛ་དང་། དགེ་
D724.093.0224a03.01མཚན་དང་། དགེ་མཚན་ཆེན་པོ་དང་། འདབ་ཆགས་རྒྱལ་པོ་སྟེ། དེ་རྣམས་ཀྱང་འཁོར་གྱི་དཀྱིལ་འཁོར་ཆེན་པོ་དེར་འདུས་པར་གྱུར་ཏོ། །གང་ཡང་མི་འམ་ཅིའི་རྒྱལ་པོ་མི་འམ་ཅི་བརྒྱ་སྟོང་ཕྲག་དུ་མས་བསྐོར་བ་དེ་རྣམས་ཀྱང་འདི་ལྟ་སྟེ། ལྗོན་པ་དང་། ཉེ་
D724.093.0224a04.01བའི་ལྗོན་པ་དང་། ལེགས་པའི་ལྗོན་པ་དང་། མཐའ་ཡས་ལྗོན་པ་དང་། འཇིག་རྟེན་ལྗོན་པ་དང་། ལྗོན་པ་གསལ་བ་དང་། བྲང་རྒྱས་དང་། བྲང་རྒྱས་ཆེན་པོ་དང་། ཡིད་ཀྱི་གཟི་བརྗིད་དང་། གཟི་བརྗིད་ཆེན་པོ་དང་། རྫུ་འཕྲུལ་ཆེན་པོ་དང་།
D724.093.0224a05.01རྣམ་པར་སྒྲོགས་པ་དང་། དབྱངས་བཟང་པོ་དང་། ཡིད་འོང་དང་། སེམས་སྐྱེད་པར་བྱེད་པ་དང་། སྨྱོ་བྱེད་དང་། ད་ན་དྷཱ་ཏ་དང་། བཏང་སྙོམས་དང་། སྙིང་རྗེ་དང་། སྙིང་རྗེ་མེད་པ་ཞེས་པ་འདི་རྣམས་དང་། གཞན་ཡང་མི་འམ་ཅིའི་རྒྱལ་པོ་སྟོང་
D724.093.0224a06.01ཕྲག་གིས་ཡོངས་སུ་བསྐོར་བ་རྣམས་ཆོས་མཉན་པའི་ཕྱིར་འདུས་པར་གྱུར་ཏོ། །དེ་བཞིན་དུ་མི་མཇེད་ཀྱི་བདག་པོ་ཚངས་པ་དང་། ཚངས་པ་ཆེན་པོ་དང་། ཀུན་དུ་འོད་གསལ་དང་། རབ་ཏུ་འོད་གསལ་དང་། དགའ་བའི་འོད་དང་། བསོད་ནམས་འོད་དང་། མི་
D724.093.0224a07.01