完整藏文原文 · 德格版页 当前仅加载第 93 函德格 253a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཀུ་ཤའི་ཁྲེས་ལ་ཆོ་ག་དེ་ཉིད་ཀྱིས་རས་བལ་འཁལ་དུ་གཞུག་པར་བྱའོ། །དོག་པ་དེ་འཇམ་པ་དང་། ལེགས་པར་བསྒྲིམས་པ་སྔར་བརླབས་པའི་བུ་མོས་ཡང་དག་པར་བླངས་ཏེ། གཅིག་དང་ལྔ་དང་བརྒྱད་ལ་སོགས་པ་ནས་ཇི་སྲིད་བཅུ་དྲུག་
D724.093.0253a01.01ཙམ་གྱི་བར་དུ་ཀཱ་ར་ཥཱའི་སྲང་གྲངས་ལེགས་པར་བགྲངས་པ་དང་ལྡན་པའི་གཞོན་ནུ་མས་བྱའོ། །དེ་ལ་རབ་ནི་བཅུ་དྲུག་བྱ། །དེ་བཞིན་འབྲིང་ནི་བརྒྱད་པ་སྟེ། །ཕྲན་ཚེགས་ལས་རྣམས་བསྒྲུབ་པ་ལ། །ལྔ་དང་གཅིག་ནི་ཐ་མའོ། །སྔགས་རྣམས་ཀུན་ལ་སྔགས་རིག་པས། །
D724.093.0253a02.01ཇི་ལྟར་ནུས་པ་བཞིན་དུ་བྱ། །དེ་ནས་བརྩམས་ཏེ་གང་ཅུང་ཟད། །སྡིག་པའི་ལས་རྣམས་སྔོན་བྱས་པ། །དོག་པ་ལ་དམིགས་སེམས་ཀྱིས་ནི། །དེ་ཡི་སྐད་ཅིག་ཉིད་ལ་འཇིག །དོག་པ་འདི་ནི་བླངས་ནས་སུ། །གཙང་མའི་སྣོད་དུ་གཞུག་པར་བྱ། །ཕྱོགས་སུ་གྱུར་པར་
D724.093.0253a03.01བཞག་བྱས་ནས། །ག་པུར་གྱི་ནི་བདུག་པས་བདུག །སྲོག་ཆགས་ཡན་ལག་མིན་འབྱུང་བའམ། །གུར་གུམ་ཙནྡན་ལ་སོགས་སམ། །ཙམ་པ་ཀ་སོགས་མཱ་ལི་ཀ། །དྲི་ཞིམ་མེ་ཏོག་རྣམས་ཀྱིས་བསྒོས། །གཙང་མའི་ཕྱོགས་སུ་བཞག་ནས་ནི། །སྲུང་བའི་ཆོ་ག་
D724.093.0253a04.01བྱས་ནས་ནི། །སྔགས་རིག་ལས་ཀུན་ཤེས་པ་ཡིས། །ཤིན་ཏུ་མཉམ་བཞག་བཟླས་པར་བྱ། །དེ་ནས་ཐ་ག་པར་སོང་ནས། །ཇི་ལྟར་འདོད་པའི་གླ་བྱིན་ཏེ། །ཡན་ལག་བྲལ་མིན་སྐེམས་མིན་ཉིད། །དཀར་པོའི་ཆོས་ལ་རྟག་ཏུ་དགའ། །ནད་ཀྱིས་གདུངས་མིན་རྒན་པོ་
D724.093.0253a05.01མིན། །ལུད་པ་དབུགས་མི་བདེ་ལས་གྲོལ། །མ་ནིང་མཚན་གཉིས་མིན་པ་དང་། །དེ་ནི་དམན་པ་མིན་ཉིད་དང་། །ངན་པར་ལྟུང་བ་སྤངས་པ་ནི། །ཀུན་ནས་མཚན་ཉིད་ཡང་དག་ལྡན། །རབ་བསྔགས་བལྟ་ན་སྡུག་པ་དང་། །བློ་ཡིས་ཀུན་དུ་སྤྱོད་པ་དགེ། །འཇིག་རྟེན་པ་
D724.093.0253a06.01ཡི་འཇུག་པར་བརྟེན། །དངོས་གྲུབ་འདོད་པ་དེ་ལ་ནི། །རས་མཆོག་འཐག་པ་བྱེད་པ་ལ། །རབ་བསྔགས་དགེ་བའི་སྟོབས་ལྡན་ནམ། །བློ་ལྡན་བཟོ་ནི་ཤིན་ཏུ་མཁས། །ཤིན་ཏུ་མཁས་པར་མཆོག་གྱུར་པའི། །རས་ནི་འཐག་བྱེད་མཆོག་གིས་ནི། །རས་ཀྱི་རབ་
D724.093.0253a07.01