完整藏文原文 · 德格版页 当前仅加载第 93 函德格 287a 版页；藏文 NFD、目录标记与异常页序保留在来源切片中，重复版页行以稳定序号区分。
རས་རིས་དང་། སངས་རྒྱས་ཐམས་ཅད་ལ་མངོན་པར་ཕྱག་བྱས་ནས། དམ་པའི་ཆོས་ཀྱི་གླེགས་བམ་བཀླག་པར་བྱའོ། །འཕགས་པ་ཤེས་རབ་ཀྱི་ཕ་རོལ་དུ་ཕྱིན་པ་དང་། འཕགས་མ་ཟླ་བ་སྒྲོན་མའི་ཏིང་ངེ་འཛིན་དང་། འཕགས་པས་བཅུ་པ་
D724.093.0287a01.01དང་། འཕགས་པ་གསེར་འོད་དམ་པ་དང་། འཕགས་པ་རྨ་བྱ་ཆེན་མོ་དང་། འཕགས་པ་རིན་པོ་ཆེ་ཏོག་གི་གཟུངས་ཏེ་འདི་རྣམས་ལས་གཞན་དང་གཞན་གང་ཡང་རུང་བ་བཀླག་པར་བྱའོ། །ཉི་མའི་དུས་ཀྱི་ཚད་བཞི་ཆ་ཙམ་དུའོ། །དེ་ནས་ཡོངས་སུ་ཞི་ནས་
D724.093.0287a02.01ཇི་ལྟར་འདོད་པ་བཞིན་དུ་བཀླག་པར་བྱ་སྟེ་གླེགས་བམ་བརྟུལ་ནས་གོས་གཙང་མ་བགོས་ཏེ་དམ་པའི་ཆོས་ལ་ཕྱག་བྱས་ནས་དེ་ནས་ཁྲུས་ཀྱི་ཆེད་དུ་ཆུ་ཀླུང་གི་འགྲམ་མམ་མཚོ་ཕྲན་ཆེན་པོར་འཇུག་པས་སོང་ནས། སྲོག་ཆགས་མེད་པའི་ཆུ་བླངས་ཏེ་ལན་བདུན་མངོན་པར་
D724.093.0287a03.01བསྔགས་པར་བྱས་ནས་རིག་པ་འདིས་ཆུ་ལ་གདབ་བོ། །གང་ཞེ་ན། ན་མཿ ས་མནྟ་བུད་དྷཱ་ནཱཾ་ཨ་པྲ་ཏི་ཧ་ཏ་ཤཱ་ས་ནཱ་ནཱཾ། ཏདྱ་ཐཱ། ཨོྃ་སརྦ་དུཥྚ་སྟཾ་བྷ་ཡ་ཧཱུྃ། ན་དཱི་བ་ར་དྷ་རི་ཎེ། ས་མ་ཡ་མ་ནུ་སྨ་ར་ཕཊ་ཕཊ་སྭཱ་ཧཱ། འདིས་སྲུང་བ་བྱས་ནས་ཕྱོགས་རྣམས་བཅིང་བ་
D724.093.0287a04.01དང་། གྲོགས་རྣམས་དང་། དཀྱིལ་འཁོར་བཅིང་བ་དང་། ཁ་བཅིང་བ་དང་། གདུག་པ་དང་། རབ་ཏུ་གདུག་པ་རྣམས་ཐམས་ཅད་འགུགས་པར་བྱེད་པ་དང་། བགེགས་བཅིང་བ་ལ་ཡང་སྲད་བུ་ལ་ལན་བདུན་བཟླས་ནས་རྐེད་པའི་ཕྱོགས་སུ་བཅིངས་པས་ཐམས་
D724.093.0287a05.01ཅད་ཡོངས་སུ་འཆགས་པ་དང་། བཟླས་པའི་དུས་ཐམས་ཅད་དང་། ཁྲུས་ཀྱི་དུས་ཐམས་ཅད་དང་། གདུག་པའི་བགེགས་རྣམ་པར་གཞོམ་པ་དང་། རབ་ཏུ་ཞི་བའི་དོན་དུ་སྔགས་འདི་སྟོང་ཕྲག་གཅིག་བཟླས་པར་བྱའོ། །དེ་ནས་ལས་ཐམས་ཅད་བྱེད་དོ། །པདྨའི་
D724.093.0287a06.01གདན་ལ་ཕྱག་རྒྱ་ཆེན་པོ་དང་ལྡན་པ་དགོད་པར་བྱའོ། །ལས་རྣམས་ཐམས་ཅད་དུ་ཐམས་ཅད་ཀྱི་རྣམ་པ་གཞན་དུ་མི་འགྱུར་རོ། །དེ་ནས་སྒྲུབ་པ་པོས་ས་ལས་བྱུང་བའི་ཕྱེ་མ་ལ་སོགས་པ་རྣམས་བླངས་ནས་ཇི་ལྟར་བདེ་བར་ཁྲུས་བྱ་ཞིང་སྲོག་ཆགས་མེད་པའི་
D724.093.0287a07.01