完整藏文原文 · 德格版页 当前仅加载第 93 函德格 236b 版页；藏文 NFD、目录标记与异常页序保留在来源切片中，重复版页行以稳定序号区分。
རྨད་བྱུང་བསམ་མི་ཁྱབ་གཟུགས་ཅན། །སྤྱན་རས་གཟིགས་ཀྱིས་གསུངས་པའོ། །དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ཐམས་ཅད་དང་ལྡན་པའི་འཇིག་རྟེན་གྱི་ཁམས་དེ་དང་། འཁོར་གྱི་དཀྱིལ་འཁོར་ཆེན་པོ་
D724.093.0236b01.01དེ་ལ་ཀུན་དུ་གཟིགས་ནས་དམ་ཚིག་ཐམས་ཅད་ཡང་དག་པར་སྐུལ་བར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །གང་དུ་ཏིང་ངེ་འཛིན་ལ་གནས་པས་སེམས་ཅན་མ་ལུས་པའི་སྒྲུབ་པའི་སྤྱོད་པའི་ཡིད། སེམས་ཅན་ཐམས་ཅད་ལ་རབ་ཏུ་གནས་
D724.093.0236b02.01པར་གྱུར་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙོམས་པར་ཞུགས་མ་ཐག་ཏུ་ཐམས་ཅད་དང་ལྡན་པའི་འཁོར་ཆེན་པོ་གནས་རྣམ་པར་བཀྲ་བའི་ཕྱག་ན་རིན་པོ་ཆེའི་སྙིང་པོ་རྒྱན་བཀོད་པའི་དཀྱིལ་འཁོར་བསམ་གྱིས་མི་ཁྱབ་ཅིང་རྨད་དུ་བྱུང་བའི་རྣམ་
D724.093.0236b03.01པར་འཕྲུལ་པ་རང་སངས་རྒྱས་ཐམས་ཅད་དང་། འཕགས་པ་ཉན་ཐོས་དང་། སྤྱོད་པ་ལ་ཞུགས་པའི་བྱང་ཆུབ་སེམས་དཔའ་རྣམས་དང་། ས་བཅུ་དང་ལྡན་པ་ས་བཅུའི་དབང་ཕྱུག་ལ་གནས་པ་རྣམས་ཀྱིས་ཀྱང་། དཀྱིལ་འཁོར་དེ་བྲི་བའམ་འདྲིར་འཇུག་པར་
D724.093.0236b04.01མི་ནུས་ན། སོ་སོའི་སྐྱེ་བོར་གྱུར་པའི་སེམས་ཅན་རྣམས་ཀྱིས་ལྟ་སྨོས་ཀྱང་ཅི་དགོས། འཕགས་པའི་དཀྱིལ་འཁོར་བཟང་པོ་དེའི་དམ་ཚིག་སྒྲུབ་པའི་གནས་ལ་གནས་པ་བྱང་ཆུབ་སེམས་དཔའ་ཆེན་པོས་གཟིགས་ནས། སངས་རྒྱས་བཅོམ་ལྡན་འདས་ཐམས་
D724.093.0236b05.01ཅད་དང་། རང་སངས་རྒྱས་ཐམས་ཅད་དང་། འཕགས་པ་ཉན་ཐོས་ཐམས་ཅད་དང་། བྱང་ཆུབ་སེམས་དཔའ་ས་བཅུ་ལ་གནས་པ་རྒྱལ་ཚབ་ཏུ་མངོན་པར་དབང་བསྐུར་ཞིང་དམ་ཚིག་ཐོབ་པ་ཐམས་ཅད་དང་། སྤྱོད་པ་ལ་ཞུགས་པ་རྣམས་དང་། ཟག་
D724.093.0236b06.01པ་དང་བཅས་པ་དང་། ཟག་པ་མེད་པའི་སེམས་ཅན་ཐམས་ཅད་སྤྱན་རས་གཟིགས་དབང་ཕྱུག་གིས་བྱིན་གྱིས་བརླབས་ཀྱིས་སངས་རྒྱས་དང་བྱང་ཆུབ་སེམས་དཔའི་སྤྱོད་པ་བསམ་གྱིས་མི་ཁྱབ་པའི་རྒྱུ་མཐུན་པ་དང་། ཏིང་ངེ་འཛིན་གྱི་ཁྱད་པར་གྱིས་ཐུགས་
D724.093.0236b07.01