完整藏文原文 · 德格版页 当前仅加载第 93 函德格 209b 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་ནས་མེ་ཏོག་ལྡན་ཞེས་བྱ་བའི་སངས་རྒྱས་ཀྱི་ཞིང་དུ་གྱུར་བ་དེར། བདེ་བ་ཅན་ཞེས་བྱ་བའི་འཇིག་རྟེན་གྱི་ཁམས་གང་ན་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་
D724.093.0209b01.01གཤེགས་པ། འཇིག་རྟེན་མཁྱེན་པ། བླ་ན་མེད་པ། སྐྱེས་བུ་འདུལ་བའི་ཁ་ལོ་སྒྱུར་བ། ལྷ་དང་མི་རྣམས་ཀྱི་སྟོན་པ། ཚེ་དཔག་ཏུ་མེད་པ་བཞུགས་ཏེ། དེ་ཆོས་སྟོན་པར་མཛད་པ་ནི། ཐོག་མར་དགེ་བ། བར་དུ་དགེ་བ། ཐ་མར་དགེ་བ།
D724.093.0209b02.01དོན་བཟང་པོ་ཚིག་འབྲུ་བཟང་པོ་མ་འདྲེས་པ། ཡོངས་སུ་དག་པ། ཡོངས་སུ་བྱང་བའི་ཚངས་པར་སྤྱོད་པ། ཡང་དག་པར་སྟོན་པར་མཛད་ཅིང་དེ་འདི་ལྟར་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་པར་མཛད་དོ། །རིག་སྔགས་དང་གསང་སྔགས་ཀྱི་དོན་གྱི་
D724.093.0209b03.01སྤྱོད་པ་རྣམས་དང་། བྱང་ཆུབ་སེམས་དཔའི་སྡེ་སྣོད་དང་། ལམ་གསུམ་གྱི་སྤྱོད་པའི་རྗེས་སུ་འཇུག་པའི་ལམ་དང་། སྐྱོབ་པ་དང་། གནས་དང་། སྐྱབས་དང་། དཔུང་གཉེན་དང་། བདེ་བ་དང་། ཤིན་ཏུ་མཐར་ཐུག་པ་དང་། ཤིན་ཏུ་ཡོངས་སུ་
D724.093.0209b04.01མཐར་གཏུགས་པས་སེམས་ཅན་ཐམས་ཅད་ལ་སྟོན་ཏེ། བཅོམ་ལྡན་འདས་དེ་ཉིད་ཀྱི་མཛད་པས་རྗེས་སུ་གནང་ནས་བཅོམ་ལྡན་འདས་ཀྱི་ཞབས་དྲུང་དང་། ཉེ་བ་འདིར་འོངས་ཏེ་བཅོམ་ལྡན་འདས་དེ་བཞིན་གཤེགས་པ་འོད་དཔག་མེད་དེ་བཅོམ་ལྡན་འདས་ལ་
D724.093.0209b05.01གནོད་པ་ཆུང་ངམ། ཉམ་ང་བ་ཆུང་ངམ། ལྡང་བ་ཡང་ངམ། བསྙུན་མི་མངའ་འམ། བདེ་བ་ལ་རེག་པར་གནས་སམ་ཞེས་ཡོངས་སུ་འདྲི་བར་བྱེད་དེ། འདི་སྐད་ཅེས་ཀྱང་གསུང་ངོ་། །གང་རྣམ་པ་འདི་ལྟ་བུའི་སྙིགས་མའི་དུས་གང་དུ་བཅོམ་ལྡན་
D724.093.0209b06.01འདས་ཤཱཀྱ་ཐུབ་པའི་སྐུ་དེ་ཡང་ཆོས་སྟོན་པར་མཛད་ཅིང་རྗེས་སུ་རྟོགས་པར་བྱ་བའི་སྐྱེ་བོ་ལ་ལམ་གསུམ་གྱི་བྱང་གྲོལ་དང་། ལྷ་དང་། མི་རྣམས་ཀྱི་སྐྱེ་བ་རྙེད་པར་མཛད་པ་དེ་ནི་ངོ་མཚར་རོ། །བཅོམ་ལྡན་འདས་ཤཱཀྱ་ཐུབ་པ་དེའི་བརྩོན་འགྲུས་ཀྱིས་གང་དུ་སྐལ་བ་
D724.093.0209b07.01