完整藏文原文 · 德格版页 当前仅加载第 93 函德格 214a 版页；藏文 NFD、目录标记与异常页序保留在来源切片中，重复版页行以稳定序号区分。
སྔགས་ཀྱི་གཞི་རྗེས་སུ་འཛིན་པར་བྱེད་པ་སྨན་གྱི་ཆ་བྱད་ཀྱི་གཟུགས་འཛིན་པ་རྣམས་དང་། འདབ་ཆགས་ཀྱི་ཚོགས་རྣམ་པ་སྣ་ཚོགས་པ་དང་། གནོད་སྦྱིན་དང་། སྲིན་པོ་དང་། ནོར་བུ་དང་། སྔགས་དང་རིན་པོ་ཆེའི་རྒྱལ་པོ་དང་། སེམས་
D724.093.0214a01.01ཅན་དང་། སེམས་ཅན་མ་ཡིན་པ་གྲངས་མེད་པ་ཐམས་ཅད་ཀུན་དུ་འཇུག་ཅིང་སེམས་ཅན་གྱི་སྤྱོད་པའི་རྗེས་སུ་འཇུག་པ་རྣམས་དང་། བསམ་པ་ཇི་ལྟ་བས་སེམས་ཅན་འདུལ་བ་དེ་ལྟ་བུའི་རྗེས་སུ་འཇུག་པ་རྣམས་དང་། དེ་དག་སོ་སོའི་ཁྱད་པར་དུ་འཕགས་པའི་རྗེས་སུ་
D724.093.0214a02.01འཇུག་པ་རྣམས་དང་། རིག་པའི་རྒྱལ་པོའི་ཉེ་བར་བསྟན་པ་ཇི་ལྟ་བ་བཞིན་དུ་ཆོས་ངེས་པར་འབྱུང་བ་དེ་བཞིན་གཤེགས་པ་དང་། པདྨ་དང་། རྡོ་རྗེ་དང་། འཇིག་རྟེན་དང་འཇིག་རྟེན་ལས་འདས་པ་ཐམས་ཅད་ལ་ཀུན་དུ་འཇུག་པའི་དམ་ཚིག་གི་རིམ་པ་ལས་འདའ་བར་
D724.093.0214a03.01མི་བྱ་བར་ཚིག་གི་ལམ་ལ་རབ་ཏུ་གནས་པར་བྱེད་ཅིང་། དཀོན་མཆོག་གསུམ་གྱི་གདུང་མི་འཆད་པར་བྱེད་པ་རྣམས་ཏེ། འདི་ལྟ་སྟེ། གཙུག་ཏོར་མངོན་པར་འཕགས་པ་དང་། གདུགས་དཀར་མངོན་པར་འཕགས་པ་དང་། ལོ་མ་མཐའ་ཡས་དང་། ལོ་མ་
D724.093.0214a04.01བརྒྱ་པ་དང་། གཙུག་ཏོར་རྒྱལ་བ་དང་། མངོན་པར་འཕགས་པའི་གཙུག་ཏོར་དང་། པདྨའི་འོད་ཟེར་དང་། གསེར་གྱི་འོད་ཟེར་དང་། འོད་ཟེར་དཀར་པོ་དང་། གཙུག་ཏོར་བཀོད་པ་དང་། གསེར་གྱི་ཕུང་པོ་དང་། དཀར་པོའི་ཕུང་པོ་དང་། གཟི་
D724.093.0214a05.01བརྗིད་ཕུང་པོ་དང་། ནོར་བུའི་ཕུང་པོ་དང་། ཀུན་ནས་ཕུང་པོ་དང་། རྣམ་པར་གྲགས་པའི་ཕུང་པོ་དང་། འབྱུང་བའི་ཕུང་པོ་དང་། བདེན་པའི་ཕུང་པོ་དང་། དངོས་པོ་མེད་པའི་ཕུང་པོ་དང་། མ་ནོར་བ་དེ་བཞིན་ཉིད་ཀྱི་ཕུང་པོ་སྟེ། འདི་རྣམས་དང་།
D724.093.0214a06.01གཞན་ཡང་གཙུག་ཏོར་གྱི་རྒྱལ་པོ་ཆོས་ཀྱི་དབྱིངས་མཐའ་ཡས་པ་ལ་རབ་ཏུ་ཞུགས་པ་སེམས་ཅན་རྣམས་ཀྱི་བསམ་པ་ཇི་ལྟ་བ་བཞིན་དུ་མངོན་པར་འདོད་པ་ཡོངས་སུ་སྐོང་བར་བྱེད་པ། སྐྱེ་བོ་ཐམས་ཅད་ཀྱི་ཡིད་ཀྱི་བསམ་པ་རྟོགས་པ་བསྐལ་པ་བྱེ་བ་ཁྲག་ཁྲིག་བརྒྱ་སྟོང་
D724.093.0214a07.01