完整藏文原文 · 德格版页 当前仅加载第 93 函德格 239b 版页；藏文 NFD、目录标记与异常页序保留在来源切片中，重复版页行以稳定序号区分。
བླངས་ནས་བཅོམ་ལྡན་འདས་མའི་ཕྱག་རྒྱ་ཆེན་པོ་བཅིངས་ཏེ་རྩ་བའི་རིག་པས་ཕྱེ་མ་ལ་ཕྱག་རྒྱས་གདབ་པར་བྱའོ། །གཞན་ཞི་བ་སྒྲུབ་པའི་སློབ་དཔོན་གྱིས་དཀྱིལ་འཁོར་གྱི་ཕྱི་རོལ་ལྷོ་ཤར་གྱི་ཕྱོགས་སུ་ལས་ཀྱི་ཆོ་ག་མཐོང་བས་མེ་ཐབ་བྱའོ། །ཁྲུ་གཉིས་
D724.093.0239b01.01ཀྱི་ཚད་ལ་དཔངས་ཁྲུ་གང་ཙམ་ཁོ་ར་ཁོར་ཡུག་ཏུ་པདྨའི་ཟེ་བའི་རྣམ་པར་ཤིང་པ་ལཱ་ཤའི་ཡམ་ཤིང་རྣམས་ཀྱིས་མེ་རབ་ཏུ་སྦར་ཏེ། ཤིང་དཔལ་འབྲས་ཀྱི་ཡམ་ཤིང་མཐོ་གང་ཙམ་གྱི་ཚད་ལ་རླན་དང་བཅས་པ། ཞོ་དང་སྦྲང་རྩི་དང་། མར་ལ་བཏགས་པ་རྣམས་
D724.093.0239b02.01ཀྱིས་རྩ་བའི་སྙིང་པོས་སམ། ཕྱག་རྒྱ་དང་། རྩ་བའི་རིག་སྔགས་ཀྱིས་མེ་ལྷ་སྤྱན་དྲང་བར་བྱའོ། །སྤྱན་དྲངས་ནས་ཀྱང་སྔར་བརྗོད་པའི་ཡི་གེ་གཅིག་པ་ཉིད་ཀྱི་རིག་པའམ། རྩ་བའི་རིག་པའི་སྙིང་པོས་སླར་ཡང་བརྒྱ་རྩ་བརྒྱད་སྦྱིན་སྲེག་བྱའོ། །དེ་ནས་དཀྱིལ་
D724.093.0239b03.01འཁོར་གྱི་སློབ་དཔོན་གྱིས་གཙུག་ཏོར་གཙང་ཞིང་ཡོ་བྱད་ཚོགས་པར་བྱས་ནས་བདག་ཉིད་དང་རི་མོ་མཁན་ཆེས་མཁས་པའམ། སློབ་མ་བྱེད་དུ་གཞུག་གོ། །དེ་ནས་དཀྱིལ་འཁོར་གྱི་སློབ་དཔོན་གྱིས་སངས་རྒྱས་དང་། བྱང་ཆུབ་སེམས་དཔའ་
D724.093.0239b04.01རྣམས་ཡིད་ལ་བྱས་ནས་སྔར་བརྗོད་པའི་བདུག་པའི་རིག་པས་བསྲེག་གོ། །ཐལ་མོ་སྦྱར་བ་བྱས་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་བྱས་ནས་
D724.093.0239b05.01ཕྱེ་མ་བླངས་ཏེ། གཟུགས་ཀྱི་རྣམ་པར་བྱ་ཞིང་། རི་མོ་མཁན་མཁས་པས་རྫོགས་པར་བྱའོ། །ཆོ་ག་འདི་དག་གིས་དང་པོ་ཁོ་ནར་རེ་ཞིག་སངས་རྒྱས་བཅོམ་ལྡན་འདས་ཤཱཀྱ་ཐུབ་པ་རྣམ་པ་ཐམས་ཅད་ཀྱི་མཆོག་དང་ལྡན་པ་རིན་པོ་ཆེ་སེངྒེའི་ཁྲི་ལ་བཞུགས་པ་གནས་
D724.093.0239b06.01གཙང་མའི་གནས་ན་ཆོས་སྟོན་པར་མཛད་བཞིན་པ་ཀུན་དུ་བྲིའོ། །དཀྱིལ་འཁོར་གྱི་སློབ་དཔོན་གྱིས་ཀུན་དུ་བྲིས་ནས་རྗེས་སུ་སྒྲུབ་པ་པོས་བདག་ཉིད་སྲུང་བའི་ཆོ་ག་དང་། རིག་པ་བྱས་ནས་འབྱུང་པོ་ཐམས་ཅད་པའི་གཏོར་མ་སྦྱིན་པར་བྱ་སྟེ། དཀྱིལ་འཁོར་
D724.093.0239b07.01