完整藏文原文 · 德格版页 当前仅加载第 93 函德格 269b 版页；藏文 NFD、目录标记与异常页序保留在来源切片中，重复版页行以稳定序号区分。
པའམ། རྩ་བ་དང་། སྔགས་དང་། སྨན་དང་། མཛའ་བ་དང་། མི་མཛའ་བའི་སྦྱོར་བ་བྱས་པ་ལ། མར་རྙིང་པ་དང་། རྨ་བྱའི་མདོངས་གཅིག་ཏུ་བྱས་ནས་བཏགས་ལ། ཤ་ཁ་ར་དང་ལྷན་ཅིག་སྦྱར་ཏེ། ལན་ཉི་ཤུ་རྩ་བདུན་མངོན་པར་བསྔགས་ནས། ཨ་རུ་ར་ཙམ་
D724.093.0269b01.01བཟའ་བར་བྱ་སྟེ། ཉིན་ཞག་བདུན་གྱི་བར་དུ་ཤ་ཁ་ར་དང་ལྡན་པའི་འོ་མ་བསྐོལ་བ་བཏུང་བར་བྱ་ཞིང་ཡང་དང་ཡང་དུ་སྔགས་ཀྱང་བཟླས་སོ། །ཀླད་པ་ན་བ་ལ་བྱ་རོག་གི་གཤོག་པ་ལ་ལན་བདུན་མངོན་པར་བསྔགས་ཏེ་དེས་བྱ་བས་ན་བདེ་བར་གནས་པར་འགྱུར་རོ། །བུད་མེད་ལ་ཆེས་
D724.093.0269b02.01སྤྱད་པ་ལ་སོགས་པའི་ནད་རྣམས་ལ་ཨ་ལམ་བུ་ཤའི་རྩ་བ་འོ་མ་དང་ལྷན་ཅིག་བཏགས་ནས་ནི་ལི་ཀའི་རྩ་བ་དང་ལྡན་པ་ལ་བརྒྱ་རྩ་བརྒྱད་དུ་མངོན་པར་བཟླས་ནས་འོ་མས་སྐྱོ་མར་སྦྱར་ནས་བཏུང་བར་བྱའོ། །དེ་བཞིན་དུ་རིམས་ཉིན་བཞི་པ་དང་། ཉིན་གཅིག་པ་དང་། ཉིན་གཉིས་
D724.093.0269b03.01པ་དང་། ཉིན་གསུམ་པ་དང་། རྒྱུན་པ་དང་། རྟག་པའི་རིམས་དང་། རིམས་དྲག་པོ་ལ་སོགས་པ་རྣམས་ལ་འོ་ཐུག་མར་དང་སྦྱར་ལ་བརྒྱ་རྩ་བརྒྱད་མངོན་པར་བསྔགས་ཏེ་འཐུང་དུ་བཅུག་ན་བདེ་བར་གནས་པར་འགྱུར་རོ། །དེ་བཞིན་དུ་མཁའ་འགྲོ་མའི་གདོན་གྱིས་ཟིན་པ་ལ།
D724.093.0269b04.01བདག་ཉིད་ཀྱི་གདོང་ལ་ལན་བརྒྱ་རྩ་བརྒྱད་མངོན་པར་བསྔགས་ནས་བལྟས་ན་བདེ་བར་གནས་པར་འགྱུར་རོ། །དེ་བཞིན་དུ་མ་མོ་དང་། བྱིས་པ་དང་། སྲུལ་པོ་དང་། རོ་ལངས་དང་། གྲུལ་བུམ་གྱི་གདོན་ལ་སོགས་པ་རྣམས་དང་། མི་ཐམས་ཅད་གདུག་པ་ཅན་དྲག་པོས་
D724.093.0269b05.01མངོན་པར་ཟིན་པ་ལ་བདག་ཉིད་ཀྱི་ལག་པ་ལ་བརྒྱ་རྩ་བརྒྱད་མངོན་པར་བསྔགས་ཏེ། ཟིན་པ་དེའི་མགོ་བོ་ལ་རེག་ན་བདེ་བར་གནས་པར་འགྱུར་རོ། །ལན་ཅིག་བཟླས་པས་བདག་ཉིད་སྲུང་ངོ་། །གཉིས་བཟླས་པས་གྲོགས་པོ་སྲུང་ངོ་། །གསུམ་བཟླས་པས་ཁྱིམ་སྲུང་
D724.093.0269b06.01ངོ་། །བཞི་བཟླས་པས་གྲོང་སྲུང་ངོ་། །ལྔ་བཟླས་པས་གྲོང་གི་སྤྱོད་ཡུལ་དུ་གྱུར་པ་སྲུང་བར་འགྱུར་རོ། །དེ་བཞིན་དུ་ཇི་སྲིད་སྟོང་ཕྲག་གི་བར་དུ་བཟླས་པས་དམག་གི་ཚོགས་སྲུང་བ་བྱས་པར་འགྱུར་རོ། །འདི་རྣམས་སམ་གཞན་ཡང་ལས་ཕྲ་མོ་རྣམས་མ་བསྒྲུབས་
D724.093.0269b07.01