完整藏文原文 · 德格版页 当前仅加载第 93 函德格 220b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་མ་དང་། ནོར་སྦྱིན་མ་དང་། ཆོས་སྦྱིན་མ་དང་། ལེགས་སྦྱིན་མ་དང་། རབ་ཟ་མ་དང་། ཨ་མྲ་མ་དང་། གྲགས་པ་འཇུག་མ་དང་། ཡིད་ལྡན་མ་དང་། རབ་བཞད་མ་དང་། སྲིད་གསུམ་མཐར་བྱེད་མ་དང་། འཁོར་གསུམ་མཐར་བྱེད་མ་དང་།
D724.093.0220b01.01སྡུག་བསྔལ་བ་མོ་དང་། ཡིད་འབྱུང་མ་དང་། ལོ་མ་གསུམ་པ་དང་། པདྨའི་ལོ་མ་དང་། པདྨ་ལྡན་མ་དང་། པདྨའི་འོད་མ་དང་། དཀའ་ཟློག་རྐང་སྤྱོད་མ་དང་། དཀའ་ཟློག་རྐང་སྤྱོད་ལྡན་མ་དང་། འདབ་གསུམ་མ་དང་། འདབ་བདུན་མ་དང་། ཨུཏྤ་ལའི་
D724.093.0220b02.01མདོག་མ་ཞེས་པ་འདི་དག་དང་། གཞན་ཡང་གནས་བརྟན་མ་ཆེན་མོ། །ཉན་ཐོས་མ་ཆེན་མོ་རྣམས། བཅོམ་ལྡན་འདས་ཀྱི་ཞབས་དྲུང་དུ་ཕྱག་འཚལ་བའི་ཕྱིར་ཉེ་བར་ལྷགས་པར་གྱུར་ཏོ། །འཁོར་གྱི་དཀྱིལ་འཁོར་དེ་རྣམས་ཉིད་བྱང་ཆུབ་སེམས་དཔའ་ཆེན་པོའི་
D724.093.0220b03.01རྣམ་པར་འཕྲུལ་པའི་མཐུ་མཐོང་བར་འདོད་ནས་འདུས་ཤིང་འཁོད་པར་གྱུར་ཏེ་ཆོས་ཉན་པའི་ཕྱིར་དང་། སྔགས་ཀྱི་སྤྱོད་པའི་དོན་བསྒྲུབ་པ་ལ་བརྩོན་པར་འདོད་པར་གྱུར་ཏོ། །དེ་ནས་བཅོམ་ལྡན་འདས་ཤཱཀྱ་ཐུབ་པས་བཅོམ་ལྡན་འདས་ཀྱི་འཁོར་གྱི་དཀྱིལ་འཁོར་ལ་
D724.093.0220b04.01གཟིགས་ནས་ལྷག་པའི་བསམ་པ་རིག་པ་དང་། དངོས་པོ་མེད་པའི་རང་བཞིན་ནམ་མཁའི་ངོ་བོ་སེམས་ཅན་གྱི་ཁམས་གསུམ་ལས་ཡང་དག་པར་འདས་པ་མཁྱེན་ནས་སེམས་དཔའ་ཆེན་པོ་ལ་བཀའ་སྩལ་ཏོ། །སེམས་དཔའ་ཆེན་པོ་སེམས་ཅན་གྱི་དོན་གྱི་སྤྱོད་པ་
D724.093.0220b05.01ལ་སོ་སོར་སོམས་ཤིག །བསམ་པ་ཇི་ལྟ་བ་བཞིན་དུ་མངོན་པར་འདོད་པའི་ལས་ཀྱི་འབྲས་བུ་ལ་དད་པ་དང་ལྡན་པ། སྔགས་ཀྱི་སྤྱོད་པའི་དོན་ཡང་དག་པར་ཐོབ་པ་ཞེས་བྱ་བའི་ཆོས་ཀྱི་ཚིག་དང་། ཞི་བའི་ཚིག་དང་། ཐར་པའི་ཚིག་དང་། རྟོག་པའི་སྒྲུབ་པ་
D724.093.0220b06.01དང་། རྣམ་པར་རྟོག་པའི་མཉམ་པ་ཉིད་ཐོབ་པར་བྱེད་པ། དེ་བཞིན་གཤེགས་པའི་སྟོབས་བཅུ་ཀུན་གྱི་སྟོབས་དང་། བདུད་ཀྱི་སྟོབས་ཐམས་ཅད་ཟིལ་གྱིས་གནོན་པར་བྱེད་པ་ཞེས་བྱ་བའི་བྱང་ཆུབ་སེམས་དཔའི་ཏིང་ངེ་འཛིན་སྒོམས་ཤིག །དེ་ནས་བཅོམ་
D724.093.0220b07.01