完整藏文原文 · 德格版页 当前仅加载第 93 函德格 208a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ཀྱིས་མི་ནུས་ཏེ། བྱང་ཆུབ་སེམས་དཔའི་སྤྱོད་པ་ལ་རབ་ཏུ་ཞུགས་པ་ས་བཅུ་ལ་རབ་ཏུ་བཞུགས་པ་རྣམས་ཀྱིས་ཀྱང་སྙོམས་པར་འཇུག་པར་མི་ནུས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་འོད་དཔག་མེད་སངས་རྒྱས་བཅོམ་ལྡན་
D724.093.0208a01.01འདས་དེ་རྣམས་ཀྱིས་ཐབས་ཅིག་བྱམས་པ་དང་བཅས་པ་བཅོམ་ལྡན་འདས་མ་འཕགས་མ་སྒྲོལ་མའི་མཆོག་གི་སྙིང་པོ་མཆོག་གསང་བ་དོན་ཐམས་ཅད་སྒྲུབ་པར་བྱེད་པ་ཡི་གེ་གཅིག་པ་ཞེས་བྱ་བ་མཆོག་ཏུ་གསང་བའི་སེམས་ཅན་ཐམས་ཅད་ཀྱི་ལས་ཐམས་ཅད་བྱེད་མ།
D724.093.0208a02.01རིག་སྔགས་གཞན་རྣམས་ཀྱིས་ཀྱང་རིག་སྔགས་དང་གསང་སྔགས་ཀྱི་སྤྱོད་པའི་ཁྱད་པར་གྱིས་སྒྲུབ་པར་བྱེད་པ་དང་མཐུན་པའི་རིག་སྔགས་གསུང་བར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཚེ་དཔག་མེད་ཡུད་ཙམ་ཞིག་ཅི་ཡང་མི་གསུང་བར་གྱུར་ཏོ། །
D724.093.0208a03.01ཐམས་ཅད་དུ་ཐམས་ཅད་དང་ལྡན་པའི་འཇིག་རྟེན་ལ་སངས་རྒྱས་ཀྱི་སྤྱན་གྱིས་ཀུན་དུ་གཟིགས་ནས་སངས་རྒྱས་བཅོམ་ལྡན་འདས་རྣམས་ཀྱི་དགོངས་པ་བྱམས་པའི་བདག་ཉིད་ཀྱི་སེམས་ཀྱིས་རིག་སྔགས་གསུངས་པར་གྱུར་ཏོ། །ན་མཿསརྦ་བུདྡྷ་ནཱཾ། ཨོཾ་གཱིཿ
D724.093.0208a04.01འདི་ནི་བཅོམ་ལྡན་འདས་མའི་མཆོག་གི་སྙིང་པོ་ལས་ཐམས་ཅད་བྱེད་པའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ཏིང་ངེ་འཛིན་དེ་ལས་ལངས་ནས་འདི་ལྟ་སྟེ། སྐྱེས་བུ་སྟོབས་དང་ལྡན་པ་ཞེས་བྱ་བ་དེ་ལག་པ་བསྐུམ་པ་ལས་རྐྱོང་
D724.093.0208a05.01བའམ། བརྐྱང་པ་ལས་སྐུམ་པ་དང་སེ་གོ་ལ་གཏོགས་པ་ཙམ་གྱིས་ཀྱང་མིག་འབྱེད་འཛུམས་པ་སྐད་ཅིག་ཙམ་གྱིས་ཏིང་ངེ་འཛིན་རྫུ་འཕྲུལ་གྱི་སྟོབས་མགྱོགས་པའི་བློ་ཞེས་བྱ་བའི་ཏིང་ངེ་འཛིན་གྱི་ཁྱད་པར་རྣམ་པར་འཕྲུལ་པ་ཉིད་ཅེས་བྱ་བ་ལ་སྙོམས་པར་ཞུགས་ཏེ་མི་མཇེད་ཀྱི་འཇིག་རྟེན་
D724.093.0208a06.01གྱི་ཁམས་སུ་འོངས་ནས་ཀྱང་སླར་འཁོད་དེ་སྟེང་གི་ནམ་མཁའི་མཐིལ་དུ་ནོར་བུ་རིན་པོ་ཆེ་ཆེན་པོ་ལ་སོ་སོར་འཁོད་པའི་འཁོར་གྱི་དཀྱིལ་འཁོར་ཆེན་པོའི་ནང་དུ་འཁོད་ནས་ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་དུ་འོད་ཟེར་ཆེན་པོའི་ཀུན་དུ་སྣང་བས་ཀུན་དུ་སྣང་བར་བྱས་ནས་
D724.093.0208a07.01