完整藏文原文 · 德格版页 当前仅加载第 93 函德格 236a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཆོ་ག་འདི། །སེམས་ཅན་ས་སྟེངས་གནས་པ་ལ། །སྔོན་ནི་ཞི་བའི་རྒྱུད་དུ་བསྟན། །ཡོན་ཏན་སྣ་ཚོགས་རྒྱ་ཆེ་བ། །ཞི་བའི་རྒྱུད་ཀྱིས་ཀྱང་བརྗོད་དོ། །ན་མཿས་མནྟ་བུདྡྷཱ་ནཱཾ། ཨ་པྲ་ཏི་ཧ་ཏ་ཤཱ་ས་ནཱ་ནཾ། ཏདྱ་ཐཱ། ཨོྃ་ཤ་ཀུ་ནི་པ་ཏ་ཏ་
D724.093.0236a01.01པཀྵི་ཎ། ཤ་ཀ་ཁ་ཁ། ཁཱ་ཧི་ཁཱ་ཧི་ས་མ་ཡ་མ་ནུ་སྨ་ར་ཧཱུྃ་ཏིཥྛ་བོ་དྷི་སཏྭ་ཨཱཛྙཱ་པ་ཡ་ཏི་སྭཱ་ཧཱ། སྔགས་འདི་བརྩོན་འགྲུས་ཆེན་པོ་སྟེ། །ནམ་མཁའ་ལྡིང་ཞེས་རྣམ་པར་གྲགས། །གདུལ་དཀའ་འདུལ་བ་རྣམས་ཀྱི་མཆོག །གདེངས་ཀ་ཅན་གྱི་དུག་རྣམས་འཇོམས། །
D724.093.0236a02.01ཕྱག་རྒྱ་ཆེ་དང་ཡང་དག་ལྡན། །ཕུང་ཁྲོལ་མི་བཟད་བཅས་པ་འཇོམས། །བརྟན་དང་གཡོ་བའི་དུག་རྣམས་ནི། །གསོ་བར་བྱེད་པར་ཐེ་ཚོམ་མེད། །གདུལ་བྱའི་སེམས་ཅན་ལ་བརྩེ་བས། །བྱང་ཆུབ་སེམས་དཔའི་ཡང་དག་བཀའ། །ནམ་མཁའ་ལྡིང་གི་
D724.093.0236a03.01གཟུགས་ཀྱིས་སྤྱོད། །འདབ་ཆགས་རྒྱལ་པོ་འོད་ཆེན་ལྡན། །ཇི་སྲིད་ནམ་མཁའ་ལྡིང་རྒྱུད་དུ། །བསྟན་པའི་ཆོ་ག་རྒྱས་དེ་རྣམས། །སེམས་ཅན་ཀུན་ལ་ཕན་པའི་རྒྱུད། །བདག་གིས་ཀྱང་ནི་བརྗོད་པ་ཡིན། །མཁའ་ལྡིང་མངོན་པར་བརྗོད་རྒྱུད་དུ། །ཁྲོ་
D724.093.0236a04.01བོའི་རྒྱལ་པོ་མ་བསྟན་ན། །གདེངས་ཅན་དུག་ནི་གཞོམ་པའི་ཕྱིར། །འདབ་ཆགས་གཟུགས་ཀྱིས་རྣམ་པར་རྒྱུ། །ཇི་སྲིད་འཇིག་རྟེན་པ་ཡི་སྔགས། །དེ་རྣམས་ཆོ་ག་དཔེར་བརྗོད་པ། །གདུལ་བྱའི་སེམས་ཅན་དོན་དུ་ནི། །དེ་ལྟ་དེ་ལྟར་རྣམ་པར་སྤྱོད། །གང་
D724.093.0236a05.01ཡང་དེ་བཞིན་གཤེགས་སྔགས་དང་། །རྡོ་རྗེ་པདྨའི་རིགས་དག་ཀྱང་། །དེ་རྣམས་ཆོ་ག་རབ་འབྱམ་འདིར། །སྔ་མ་ཁོ་ནར་གསུངས་པས་ཡིན། །ཇི་ལྟར་མ་མ་རྣམ་མང་པོ། །བྱིས་པ་འབད་པས་སྲུང་བྱེད་པ། །དེ་བཞིན་བྱིས་མཐའི་བློ་ཅན་ལ། །ང་ནི་རིག་
D724.093.0236a06.01སྔགས་གཟུགས་ཀྱི་རྒྱུ། །སྟོབས་བཅུ་ལྡན་པས་སྔོན་གསུངས་པ། །ད་ལྟའང་ང་ཡིས་བསྟན་པ་ཡིན། །སྔགས་རྒྱུད་དོན་ནི་མ་ལུས་པ། །རྟོགས་པས་རབ་གསུངས་འོད་ཆེན་པོ། །རྒྱལ་བ་མཆོག་གིས་གང་གསུངས་པ། །སྟོབས་བཅུ་ལྡན་པའི་སྲས་ཀྱིས་གསུངས། །
D724.093.0236a07.01