完整藏文原文 · 德格版页 当前仅加载第 93 函德格 283b 版页；藏文 NFD、目录标记与异常页序保留在来源切片中，重复版页行以稳定序号区分。
སླར་ཡང་ལྷུང་བཟེད་བླང་། །ལྷུང་བཟེད་ས་ལ་ལོ་མ་འམ། །དངུལ་ལམ་དེ་བཞིན་གསེར་ཉིད་དང་། །ཟངས་སམ་ཤིང་ཤུན་དག་ཀྱང་རུང་། །སྟོན་པ་ལ་ནི་ལྷ་བཤོས་དབུལ། །སྟོན་ལ་ལྷ་བཤོས་ཕུལ་ནས་ནི། །སླར་ཡང་རིག་སྔགས་རྒྱལ་ལའོ། །འགྲོན་
D724.093.0283b01.01པོ་གཅིག་ནི་འོངས་གྱུར་དང་། །སྡུག་བསྔལ་ཅན་ལའང་ཅི་ནུས་སྦྱིན། །བཤོས་ཉིད་ཀྱང་ནི་ཐམས་ཅད་དུ། །ཀུན་ནས་ངེས་པར་བཟའ་བ་ཉིད། །ཧ་ཅང་མང་པོ་སྦྱིན་མི་བྱ། །སྔགས་ཤེས་འདིར་ནི་གདུང་མི་བྱ། །ཀུན་ནས་རིག་པ་ལྡན་པར་བྱ། །ལྟོ་བའི་ཚད་ཙམ་
D724.093.0283b02.01བཞག་ནས་ནི། །གཞན་པའི་ཟན་ནི་རྟག་ཏུའོ། །བཀྲེས་དང་སྐོམ་པས་ཉེན་པ་ཡིས། །སྔགས་དོན་སྒྲུབ་པར་མི་ནུས་ཏེ། །ཧ་ཅང་ཉུང་དང་མང་ཟོས་ན། །སྔགས་དོན་བསྙེན་པར་མི་ནུས་སོ། །དེ་ཉིད་ཕྱིར་ན་རྒྱལ་དབང་གིས། །སེམས་ཅན་ཟས་ཀྱིས་གནས་སོ་ཞེས། །
D724.093.0283b03.01ལུས་ཅན་ཀུན་ལ་གསུངས་པ་ཡིན། །གང་གིས་མི་རྣམས་འཚོ་བ་དང་། །ལྷ་དང་ལྷ་མིན་དྲི་ཟ་དང་། །ཀླུ་དང་གནོད་སྦྱིན་མིའམ་ཅི། །སྲིན་པོ་{ཡི་དགས་,ཡི་དྭགས་}ཤ་ཟ་དང་། །འབྱུང་པོ་སྐར་མ་གཟའ་དག་ནི། །གང་ཞིག་ཟས་ལ་མི་ལྟོས་པ། །དེ་ནི་འགའ་ཡང་ཡོད་
D724.093.0283b04.01མ་ཡིན། །རྟག་ཏུ་ཁ་ཟས་རགས་པ་ནི། །ཁམ་གྱི་ཟས་ཞེས་གྲགས་པའོ། །སེམས་ཅན་ཕྲ་མོའི་ཟས་ཅན་སྤང་། །དེ་བཞིན་གཤེགས་པས་གསུངས་པ་ནི། །བསམ་གཏན་ཟས་ཅན་རྟག་པར་ནི། །གཟུགས་ནི་སྤྱོད་ཅིང་གཡོ་བ་སྟེ། །གཟུགས་མེད་ཉིད་ཀྱི་ལྷ་
D724.093.0283b05.01རྣམས་ཀྱང་། །ཏིང་འཛིན་འབྲས་བུ་ཟ་བའོ། །སྲིད་པ་བར་མའི་སེམས་ཅན་ཡང་། །དྲི་ཟ་བར་ནི་རབ་ཏུ་གྲགས། །དེ་བཞིན་འདོད་ཁམས་སེམས་ཅན་རྣམས། །ཟས་ནི་རྣམ་པ་སྣ་ཚོགས་ཟ། །འདོད་དང་ལྡན་པའི་ལྷ་དང་མི། །ཁམ་གྱི་ཟས་ནི་ཟ་བར་བྱེད། །
D724.093.0283b06.01དེ་ཉིད་ཕྱིར་ན་ཐུབ་དབང་གིས། །སེམས་ཅན་ཟས་ཀྱིས་གནས་པ་ཞེས། །ཆོས་ཀྱི་རྒྱུ་རུ་བསྟན་པ་ཡིན། །གང་དེ་རྣམས་ནི་རབ་ཏུ་གྲགས། །ཟློས་པོ་རྟག་ཏུ་བརྩོན་པ་ནི། །ཟས་ཀྱི་ཚོད་ནི་རིག་པར་བྱ། །གང་ཕྱིར་རིག་པ་བསྙེན་པ་ནི། །ཟས་འདི་ལ་ནི་རབ་ཏུ་གནས། །
D724.093.0283b07.01