完整藏文原文 · 德格版页 当前仅加载第 93 函德格 290b 版页；藏文 NFD、目录标记与异常页序保留在来源切片中，重复版页行以稳定序号区分。
བྲལ་བའི་ཕྱིར། །དམྱལ་བ་མི་བཟད་མུན་པ་རུ། །བྱིས་པའི་སྐྱེ་བོ་འཚེད་པར་བྱེད། །དམ་པའི་ཆོས་ལ་སྨད་པ་དང་། །མི་ཤེས་མུན་པས་བསྒྲིབས་པ་དང་། །ཡེ་ཤེས་བྱིས་པའི་ངོ་བོ་འམ། །རྨོངས་པ་ལོག་པའི་ང་རྒྱལ་ཅན། །རིག་པའི་རྒྱལ་པོ་བརྙས་བྱེད་པ། །མི་
D724.093.0290b01.01བཟད་དམྱལ་བར་ལྟུང་བར་འགྱུར། །དེ་ཕྱིར་སྡིག་པ་མི་བྱ་ཞིང་། །ལོག་པར་སྨྲ་བའང་སྨད་པ་ཡིན། །དམ་པའི་ཆོས་ལ་བརྙས་པ་དང་། །ལོག་པར་ལྟ་བ་སྨད་པ་ཡིན། །དེ་ཕྱིར་རྟག་ཏུ་དད་གྱུར་ནས། །གསང་སྔགས་ཆོ་ག་རྟག་ཏུ་བསྟེན། །བདེན་པར་སྨྲ་ཞིང་ཆོས་ཤེས་པ། །
D724.093.0290b02.01སེམས་ཅན་རྣམས་ལ་རྟག་ཏུ་ཕན། །སྔགས་ཤེས་སྔགས་ནི་སྟེན་པར་བྱེད། །དེ་ཡི་དངོས་གྲུབ་ངེས་པར་འགྱུར། །མཆོག་དང་འབྲིང་དང་ཐ་མ་ཡིས། །ལས་ནི་རྣམ་པ་སྣ་ཚོགས་བྱེད། །ལས་རྣམས་བྱ་བ་རྣམས་ཀྱིས་བྱེད། །རྟག་ཏུ་ཕན་པའི་བྱ་བ་ཡིས། །བྱ་བའི་
D724.093.0290b03.01ལས་དང་ཡང་དག་ལྡན། །དེ་ལ་རྟག་ཏུ་གྲུབ་པར་འགྱུར། །བྱ་བའི་དོན་དང་དོན་ཀུན་ཕྱིར། །ལས་ནི་རྣམ་པ་སྣ་ཚོགས་བྱ། །བྱ་བའི་དོན་དུ་བྱ་མིན་གང་། །བྱ་བའི་ལས་ལ་སྦྱར་བར་བྱ། །འབྲས་བཅས་ཉིད་ཀྱི་བྱ་དོན་གྱི། །བྱ་བ་ཉིད་དུ་རྟག་ཏུ་བྱ། །བྱ་བ་ལས་དང་འབྲས་
D724.093.0290b04.01བུ་ཉིད། །བྱ་བ་ལས་འབྲས་རྟག་ཏུའོ། །འབྲས་མེད་འབྲས་བུ་ཉིད་འགྱུར་ཞིང་། །འབྲས་བུ་ཉིད་ཀྱང་རྟག་ཏུ་འབྲས། །འབྲས་མེད་འབྲས་བུ་བཅས་པ་ཉིད། །ཐམས་ཅད་ཉིད་ཀྱང་འབྲས་བུ་བཅས། །རྣལ་འབྱོར་སྔགས་ནི་བསྒྲུབ་བྱ་སྟེ། །ཡང་དག་སྦྱོར་དང་བྲལ་
D724.093.0290b05.01བ་ཡང་། །བྲལ་དང་ཡང་དག་ལྡན་སྒྲུབ་པོ། །བསྒྲུབ་བྱ་སྒྲུབ་བྱེད་མེད་པར་ནི། །དེ་ལ་གྲུབ་པ་ཡོད་མ་ཡིན། །གྲུབ་པའི་རྫས་ནི་ཐམས་ཅད་ཀྱང་། །གྲུབ་པའི་རྒྱུ་དང་འགལ་བ་ཡིན། །སྔགས་ཀྱི་དངོས་གྲུབ་མ་གྲུབ་པ། །སྔགས་ནི་སྒྲུབ་པར་བྱེད་པའི་རྒྱུ། །བྱེད་པར་འདོད་
D724.093.0290b06.01པ་དེ་ལས་ཏེ། །འདོད་པའི་ལས་ནི་བྱང་བར་འགྱུར། །ལས་མིན་ལས་ནི་ཐམས་ཅད་ལ། །ལས་ཀྱི་རྒྱུད་ནི་མི་བྱའོ། །སྔགས་དང་རྒྱུད་ཀྱི་དོན་ལྡན་པའི། །ལས་ནི་མཐའ་དག་བརྩམ་པར་བྱ། །བརྩམས་དང་རྩོམ་པའི་འདུད་པ་ཡི། །ལས་ཉིད་བརྩམ་པར་མི་བྱའོ། །
D724.093.0290b07.01