完整藏文原文 · 德格版页 当前仅加载第 93 函德格 210a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པའི་སེམས་ཅན་གྱི་ཚོགས་སྲིད་པ་གསུམ་ཡང་དག་པར་འཇོམས་པའི་ལམ་དུ་མཐར་ཐུག་པར་འཇུག་པར་བྱེད་གཏན་དུ་གྲུབ་པ་དང་། བདེ་བའི་རྗེས་སུ་མཐུན་པའི་མྱ་ངན་ལས་འདས་པ་ལ་སེམས་ཅན་རྣམས་རབ་ཏུ་འགོད་པར་མཛད་པ་ནི་
D724.093.0210a01.01ངོ་མཚར་རོ། །བཅོམ་ལྡན་འདས་འོན་ཀྱང་སངས་རྒྱས་བཅོམ་ལྡན་འདས་ཀྱི་ཐུགས་ནི་སངས་རྒྱས་བཅོམ་ལྡན་འདས་ཁོ་ནས་མཁྱེན་གྱིས། བདག་གིས་སངས་རྒྱས་བཅོམ་ལྡན་འདས་རྣམས་ཀྱི་ངོ་མཚར་རྨད་དུ་བྱུང་བ་བསམ་གྱིས་མི་ཁྱབ་
D724.093.0210a02.01པའི་རྣམ་པར་འཕྲུལ་པ་རྣམས། སངས་རྒྱས་ཀྱི་རྣམ་འཕྲུལ་དུ་ཤེས་པར་འདོད་པའམ། ཐུགས་ཀྱི་སྤྱད་པ་སྤྱོད་པ་ལ་རབ་ཏུ་འཇུག་པའི་སྒྲུབ་པ་དང་། སེམས་པ་ཤེས་པར་འདོད་པའམ། མཐའ་དག་ངེས་པར་སྟོན་པ་ནི་བསྐལ་པ་བྱེ་བ་ཁྲག་ཁྲིག་བརྒྱ་སྟོང་
D724.093.0210a03.01ཕྲག་རྣམས་ཀྱིས་ཀྱང་བརྗོད་པར་ཡང་ག་ལ་ནུས། གང་ཡང་དེ་བཞིན་གཤེགས་པ་རྣམས་ཀྱིས་དེ་བཞིན་གཤེགས་པ་རྣམས་སྒྲུབ་པ་བསྡུས་པ་དང་། སོ་སོ་བ་མ་ལུས་པའི་ངོ་བོ་འདུས་མ་བྱས་པའི་ཆོས་ཉིད་དུ་བལྟ་བར་བྱ་སྟེ། མཐོང་བས་སྤང་བར་བྱ་བ་སྤོང་
D724.093.0210a04.01བ་དང་། རིང་པོར་མི་ཐོགས་པར་སྤྱོད་པ་སྨྲ་བར་འདོད་པ་འམ། ཡོན་ཏན་སྟོན་པར་འདོད་པ་ནི་དེ་བཞིན་གཤེགས་པ་བཅོམ་ལྡན་འདས་ཁོ་ནས་མཁྱེན་གྱིས། བདག་གིས་ནི་མ་ཡིན་ནོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་
D724.093.0210a05.01གཟིགས་དབང་ཕྱུག་གིས་རྫུ་འཕྲུལ་གྱི་རྣམ་པར་འཕྲུལ་པ་སྤྲུལ་ཏེ། རིན་པོ་ཆེ་ཆེན་པོའི་པདྨ་ལ་བཅོམ་ལྡན་འདས་ཤཱཀྱ་ཐུབ་པ་ལ་བལྟ་བཞིན་དུ་བཞུགས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་བྱང་ཆུབ་སེམས་དཔའ་སེམས་
D724.093.0210a06.01དཔའ་ཆེན་པོ་སྤྱན་རས་གཟིགས་དབང་ཕྱུག་ལ་རྣམ་པ་སྣ་ཚོགས་པའི་གཏམ་གྱི་རྗེས་སུ་འབྲངས་པའི་དེ་བཞིན་གཤེགས་པའི་གཏམ་གྱིས་མཐར་གྱི་དྲི་བ་སྔོན་དུ་འགྲོ་བས་ཕན་ཚུན་ཆོས་བསྟན་པའི་མཐར་རིགས་ཀྱི་བྱང་ཆུབ་སེམས་དཔའི་སྤྱོད་པ་སྒྲུབ་པའི་དོན་དུ་
D724.093.0210a07.01