完整藏文原文 · 德格版页 当前仅加载第 71 函德格 224a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་ཡང་དག་པ་ཇི་ལྟ་བ་བཞིན་དུ་ཕྱི་རོལ་ལ་ལྟ་བར་བྱེད་དོ། །གཞན་ཡང་རྣལ་འབྱོར་སྤྱོད་པ་ཕྱི་རོལ་གྱི་ལུས་ཀྱིས་ལུས་ལ་རྗེས་སུ་ལྟ་ཞིང་གནས་ཏེ། ཤར་གྱི་ལུས་འཕགས་པོའི་གླིང་ན་རིའི་རིགས་སུ་གྱུར་པ་གཞན་དག་ཡོད་དམ་ཞེ་ན། དེས་ཐོས་པ་ལས་བྱུང་བའི་
D287.071.0224a01.01ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ། མིག་གི་ཕྲེང་བ་ཞེས་བྱ་བའི་རི་དཔག་ཚད་སྟོང་དང་ལྡན་པ་ཡོད་དེ། ཉེ་འཁོར་ན་ནགས་དང་། ཉེ་བའི་ནགས་དང་། རྫིང་བུ་དང་། འབབ་ཆུ་ཕུན་སུམ་ཚོགས་པར་གྱུར་པ། རྣམ་པ་སྣ་ཚོགས་པའི་{རི་དགས་,རི་དྭགས་}དང་། བྱ་
D287.071.0224a02.01དང་། མེ་ཏོག་དག་འབྲས་བུ་ཕུན་སུམ་ཚོགས་པ་ནི་སྔར་གྱི་བཞིན་ནོ། །མིག་གི་ཕྲེང་བ་ཞེས་བྱ་བའི་རི་དེ་ལས་མི་མཐོང་བའི་ཀླུང་ཞེས་བྱ་བའི་ཆུ་ཀླུང་འབབ་པ་ཡིན་ཏེ། དཔག་ཚད་དུ་ཟབ་པ་ཡིན་ནོ། །མིག་གི་ཕྲེང་བའི་ཉེ་འཁོར་ན་སྐྱེས་བུ་གང་དག་གནས་པ་དེ་དག་རྣམས་
D287.071.0224a03.01ལ་ནི་ཉེ་འཁོར་གྱི་མིག་ཅེས་བྱ་བའི་མིང་དུ་འགྱུར་རོ། །དེ་ལྟར་ཤར་ཕྱོགས་ལུས་འཕགས་པོའི་གླིང་ནི་རི་དྲུག་གིས་ཡོངས་སུ་བསྐོར་བ་ཡིན་ནོ། །དེའི་ནང་ན་གྲོང་ཁྱེར་ཆེན་པོ་གསུམ་ལ་འདི་ལྟ་སྟེ། དགའ་བ་བཟང་པོ་ཞེས་བྱ་བ་དང་། ནགས་མངོན་པར་དགའ་བ་ཞེས་བྱ་བ་དང་།
D287.071.0224a04.01ཉེ་འཁོར་ན་རྩེ་དགའ་བ་ཞེས་བྱ་བའོ། །གྲོང་ཁྱེར་གྱི་རྒྱར་ནི་དཔག་ཚད་གསུམ་ཡིན་ནོ། །ལྷག་མར་གྱུར་པ་བར་མ་དང་ཐ་{ཆུངས་ཀྱི་,ཆུང་གི་}གྲོང་ཁྱེར་རྣམས་ནི་དྲུག་ཅུ་རྩ་གསུམ་ཡིན་ནོ། །བར་མའི་གྲོང་ཁྱེར་ལ་ཕུང་པོའི་གྲོང་ཁྱེར་ཞེས་བྱ་བ་དང་། ཉེ་འཁོར་གྱི་སྒྲ་ཞེས་བྱ་བ་དང་ངོ་། །
D287.071.0224a05.01གྲོང་ཁྱེར་ཆུང་ངུ་ལ་ཐམས་ཅད་འགྲོ་བ་ཞེས་བྱ་བའི་གྲོང་ཁྱེར་དང་། འབྲོག་ཏུ་རྣམ་པར་ཆད་པ་ཞེས་བྱ་བའི་གྲོང་ཁྱེར་ཆེན་པོ་དང་སྟེ། དེ་དག་ནི་བར་མ་དང་ཐ་{ཆུངས་ཀྱི་,ཆུང་གི་}གྲོང་ཁྱེར་རྣམས་ཇི་ལྟར་གཙོ་བོར་གྱུར་པ་རྣམས་ཡིན་ནོ། །གྲོང་ཁྱེར་བྱེ་བ་ཕྲག་གསུམ་དང་། གྲོང་སྟོང་ཕྲག་བརྒྱ་ལྔ་པ་དང་།
D287.071.0224a06.01གྲོང་སྟོང་ཕྲག་གསུམ་དང་། གྲོང་ལྔ་བརྒྱ་དང་དྲུག་གིས་ལྷག་པའི་ལྔ་བཅུ་དང་རྣམས་ཤར་གྱི་ལུས་འཕགས་གླིང་ན་ཡོད་དོ། །དེ་ལ་འདི་དག་རྣམས་ནི་གྲོང་གི་གཙོ་བོ་ཡིན་ཏེ། འདི་ལྟར་ནམ་མཁའི་དྲི་མ་དང་། དབུ་བའི་ཚོགས་དང་། བྲི་ཀྵཱི་རང་དང་། སྐྱེ་བོ་ཐམས་ཅད་པ་དང་། ལོ་འདབ་
D287.071.0224a07.01