完整藏文原文 · 德格版页 当前仅加载第 71 函德格 113a 版页；藏文 NFD、目录标记与异常页序保留在来源切片中，重复版页行以稳定序号区分。
པར་གྱིས་དེ་དག་རྣམས་ལ་མི་འཆི་བའི་བར་དུ་ནད་ཀྱང་མེད་པ་ཡིན་ལ། དུས་གང་གི་ཚེ་ཉི་མ་ལྔ་ན་འཆི་བ་འབྱུང་བར་འགྱུར་བའི་དུས་དེའི་ཚེ་ན་ནད་འོང་བ་ཡིན་ནོ། །གཞན་ཡང་རྣལ་འབྱོར་སྤྱོད་པ་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། ཇི་ལྟར་འཛམ་བུའི་གླིང་པ་རྣམས་
D287.071.0113a01.01དང་བྱང་གི་སྒྲ་མི་སྙན་པའི་མི་རྣམས་ཀྱི་ལུས་ཡིན་པ་དེ་ཁོ་ན་བཞིན་དུ་ཤར་གྱི་ལུས་འཕགས་པོའི་མི་རྣམས་ཀྱི་ཡང་ཡིན་ནམ་ཅི། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ། ཤར་གྱི་ལུས་འཕགས་པོའི་མི་རྣམས་ཀྱི་ལུས་ནི་ནྱ་གྲོ་དྷ་དང་ཆ་འདྲ་བའི་ཉེ་འཁོར་
D287.071.0113a02.01ཀུན་ནས་ཡོངས་སུ་འགྲིབས་པ་ཡིན་ནོ། །གཞན་ཡང་རྣལ་འབྱོར་སྤྱོད་པ་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། མིའི་གནས་གསུམ་པོ་རྣམས་ཡང་དག་པར་སོ་སོར་བརྟགས་ནས། སྐྱེས་བུའི་གནས་བཞི་པར་གྱུར་པ་བ་ལང་སྤྱོད་ཅེས་བྱ་བ་ལ་སོ་སོར་ཀུན་ནས་རྟོག་པར་བྱེད་དོ། །ཇི་
D287.071.0113a03.01ལྟར་བ་ལང་སྤྱོད་པ་རྣམས་ཀྱི་མིག་འཇུག་པར་འགྱུར་བ་ཡིན་ན། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ། བ་ལང་སྤྱོད་པའི་མི་རྣམས་ནི་ནམ་མཁའ་མེད་པར་ཡང་མིག་གིས་རྣམ་པར་ཤེས་པ་འཇུག་པ་ཡིན་ཏེ། རིས་ཀྱང་སྒྲིབ་པར་མི་འགྱུར་ཏེ། ཇི་
D287.071.0113a04.01ལྟར་འཛམ་བུའི་གླིང་པའི་མི་རྣམས་ཀྱིས་ཤེལ་གྱིས་བསྒྲིབས་པའི་གཟུགས་རྣམས་མཐོང་བར་འགྱུར་བ་དེ་བཞིན་དུ་ཆོས་ཉིད་ཀྱི་ཁྱད་པར་གྱིས་བ་ལང་སྤྱོད་པ་རྣམས་ཀྱིས་རིས་བསྒྲིབས་པའི་གཟུགས་རྣམས་ཀྱང་མཐོང་བར་འགྱུར་རོ། །གཞན་ཡང་རྣལ་འབྱོར་སྤྱོད་པ་ལུས་ལ་ལུས་ཀྱི་རྗེས་སུ་ལྟ་ཞིང་
D287.071.0113a05.01གནས་ཏེ། ཇི་ལྟར་འཛམ་བུའི་གླིང་པའི་མི་རྣམས་དང་བྱང་གི་སྒྲ་མི་སྙན་པ་རྣམས་དང་། ཤར་གྱི་ལུས་འཕགས་པོ་རྣམས་ཀྱི་སོ་སོར་རྣ་བའི་རྣམ་པར་ཤེས་པ་རབ་ཏུ་འཇུག་པ་དེ་ཁོ་ན་བཞིན་དུ་བ་ལང་སྤྱོད་པའི་མི་རྣམས་ཀྱི་ཡང་ཡིན་ནམ་ཅི། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་
D287.071.0113a06.01གིས་མཐོང་བར་གྱུར་པ་དེ་ནི་མིག་ཉིད་ཀྱིས་ཐོས་པ་ཡིན་ཏེ། ཇི་ལྟར་འཛམ་བུའི་གླིང་པ་རྣམས་ཀྱི་མིག་གིས་ཐོས་པ་སྦྲུལ་ཡིན་པ་དེ་བཞིན་དུ་བ་ལང་སྤྱོད་པའི་མི་རྣམས་ཀྱི་མིག་ཉིད་ཀྱིས་ཐོས་པ་ཡིན་ཞིང་། ཇི་ལྟར་རིས་བསྒྲིབས་པའི་གཟུགས་རྣམས་ཉིད་མཐོང་བ་དེ་བཞིན་དུ་སྒྲ་རིས་བསྒྲིབས་པར་
D287.071.0113a07.01