完整藏文原文 · 德格版页 当前仅加载第 71 函德格 216a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ལ་སྲོག་གི་སྦྱིན་པ་བྱིན་པ་ཡིན་ནོ། །རྒྱུ་དེ་དང་རྐྱེན་དེ་ལས་ཀྱང་ལུས་ཞིག་པར་གྱུར་པ་ན་བདེ་འགྲོ་མཐོ་རིས་ཀྱི་འཇིག་རྟེན་པ་ལྷ་རྣམས་ཀྱི་ནང་དུ་སྐྱེ་བར་འགྱུར་ཏེ། རྒྱལ་ཆེན་རིས་བཞི་དང་། སུམ་ཅུ་རྩ་གསུམ་དང་། འཐབ་བྲལ་བ་རྣམས་སུའོ། །གཞན་
D287.071.0216a01.01ཡང་རྣལ་འབྱོར་སྤྱོད་པ་པ་ཕྱི་རོལ་གྱི་ལུས་ཀྱིས་ལུས་ལ་རྗེས་སུ་ལྟ་ཞིང་གནས་ཏེ། སེམས་ཅན་དེ་དག་རྣམས་ཀྱིས་ལེགས་པར་བྱས་པའི་ལས་གང་གིས་སེམས་ཅན་དེ་དག་རྣམས་ཆེས་ཁྱད་པར་དུ་འཕགས་པ་དང་། མཆོག་ཏུ་ཁྱད་པར་དུ་གྱུར་པའི་དགའ་བ་དང་། གཟུགས་བཟང་བ་
D287.071.0216a02.01དང་། རྫུ་འཕྲུལ་ཆེ་བའི་མཆོག་ཏུ་གྱུར་པ་དང་། སྐྱེ་བོ་རྣམས་ཐམས་ཅད་ཀྱིས་མཆོད་པར་བྱེད་པ་ཡིན་ཞེ་ན། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ། སེམས་ཅན་དེ་དག་རྣམས་ནི་སྔོན་ཐེག་པ་ཆེན་པོ་ལ་དད་པའི་ནོར་དང་ལྡན་པའི་ངང་ཚུལ་
D287.071.0216a03.01ཅན་དང་། ཐེག་པ་ཆེན་པོ་སྒྲོགས་པ་ལ་དགའ་བར་གྱུར་པས་ཡིན་ནོ། །གཞན་ཡང་སངས་རྒྱས་ཀྱིས་གསུངས་པའི་ཉན་ཐོས་ཀྱི་ཆོས་འདུལ་བ་དག་ཉན་པར་བྱེད་ཅིང་། སངས་རྒྱས་ཀྱིས་གསུངས་པའི་གཏམ་རྒྱུད་རྣམས་ཀྱང་འཛིན་པར་བྱེད་དོ། །རྗོད་པར་བྱེད་དོ། །དེ་སངས་
D287.071.0216a04.01རྒྱས་ཀྱིས་གསུངས་པའི་ཆོས་ཀྱི་ཚིག་གཅིག་ཐོས་པར་གྱུར་པའི་རྒྱུ་དེ་དང་རྐྱེན་དེ་ལས་ཀྱང་རྒྱལ་པོར་འགྱུར་བ་ཡིན་ཏེ། གླིང་བཞི་ལ་ལོངས་སྤྱོད་པར་བྱེད་པའི་འཁོར་ལོས་སྒྱུར་བར་འགྱུར་རོ། །དེ་ལས་ཤི་བར་གྱུར་ནས་ཀྱང་ལྷ་རྣམས་སུ་སྐྱེ་བར་འགྱུར་ཏེ། གཅིག་གཉིས་གསུམ་བཞི་
D287.071.0216a05.01ལྔ་དྲུག་བདུན་བལྡབས་ཤིང་གླིང་བཞི་ལ་ལོངས་སྤྱོད་པར་ཡང་འགྱུར་རོ། །དེ་ལས་ཤི་འཕོས་ནས་ཀྱང་ལྷ་རྣམས་སུ་སྐྱེ་བར་འགྱུར་ཏེ། འདོད་པ་ན་སྤྱོད་པའི་ལྷ་རྣམས་ཀྱི་ནང་དུ་སྐྱེ་བར་འགྱུར་རོ། །འདི་ལྟ་སྟེ། རྒྱལ་ཆེན་རིས་བཞི་དང་། སུམ་ཅུ་རྩ་གསུམ་པ་དང་། མཚེ་མ་དང་།
D287.071.0216a06.01དགའ་ལྡན་དང་། འཕྲུལ་དགའ་དང་། གཞན་འཕྲུལ་དབང་བྱེད་དོ། །ལྷའི་རིས་དེ་དག་རྣམས་ལས་ཤི་འཕོས་པར་གྱུར་ནས་འདིར་སྐྱེ་བ་ཡིན་ཏེ། འདི་ན་ཡང་བྱེད་པ་དང་ལྡན་པ་ཡིད་ཀྱི་སྒྲ་དང་། རེག་བྱ་དང་། རོ་དང་། གཟུགས་དང་། དྲི་རྣམས་ཉམས་སུ་མྱོང་བར་བྱས་ནས་
D287.071.0216a07.01