完整藏文原文 · 德格版页 当前仅加载第 71 函德格 106a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཁོ་ན་འབད་པ་མེད་ཅིང་ངལ་བ་མེད་པའི་ཕུན་སུམ་ཚོགས་པར་ལྷན་ཅིག་ཉིད་དུ་འབྱུང་བར་འགྱུར་རོ། །དེ་ལྟར་ལྷ་གསར་དུ་སྐྱེས་པ་དེ་སྲེད་པའི་ཚོགས་དྲུག་གིས་རྣམ་པར་འབྱེད་པར་བྱེད་དོ། །དེ་ནས་ལྷ་གསར་དུ་སྐྱེས་པ་ལྷ་དེ་དག་རྣམས་དང་ལྷན་ཅིག་ཏུ། གང་ན་ལྷ་གཞན་དག་
D287.071.0106a01.01འདོད་པའི་ཡོན་ཏན་ལྔ་དང་བཅས་ཤིང་ཡང་དག་པར་ལྡན་པར་གྱུར་པས་དགའ་བར་བྱེད་པ་འདོད་པ་རྣམས་ཐམས་ཅད་རྗེས་སུ་འཐུན་པའི་ནགས་ཞེས་བྱ་བའི་ནགས་དེར་ལྷ་འདི་ཉེ་བར་འདྲེ་བར་བྱེད་དོ། །དེ་ནས་ལྷ་གསར་དུ་སྐྱེས་པར་གྱུར་པ་དེ་ལྷ་དེ་དག་གིས་ཡོངས་སུ་བསྐོར་བ་ཉིད་ཀྱིས་རྣམ་པ་
D287.071.0106a02.01སྣ་ཚོགས་པའི་རྩེད་མོ་རྣམས་ཀྱིས་རྩེ་བར་གྱུར་པའི་ལྷ་དེ་དག་རྣམས་ཉིད་མཐོང་བ་ལ། ཁ་ཅིག་ནི་པད་མའི་རྫིང་བུ་རྣམས་ན་རྩེ་བར་བྱེད་དོ། །ཁ་ཅིག་ནི་འཁྲི་ཤིང་གི་གསེབ་ཏུ་སོང་ནས་རྩེ་བར་བྱེད་དོ། །ཁ་ཅིག་ནི་རིའི་རྩེ་མོ་རྣམས་ཀྱི་གསེབ་ཏུ་སོང་ནས་རྔ་སྐད་ཡན་ལག་ལྔ་དང་ལྡན་པ་རྣམས་ཀྱིས་
D287.071.0106a03.01རྩེ་བར་བྱེད་དོ། །ལྷ་གཞན་ཁ་ཅིག་ནི་སྲེད་པ་དྲུག་གི་ཚོགས་རྣམས་ཀྱིས་རྣམ་པར་འབྱེད་དོ། །དེ་ནས་ལྷ་གསར་དུ་སྐྱེས་པར་གྱུར་པ་དེ་ལྷ་དེ་དག་རྣམས་དང་ལྷན་ཅིག་ཏུ་གྱུར་པས། གང་ན་ལྷ་གཞན་དག་ལྷ་མོའི་ཚོགས་རྣམས་ཀྱིས་ཡོངས་སུ་བསྐོར་ཅིང་ནམ་མཁའི་དཀྱིལ་ན་ཁང་
D287.071.0106a04.01བུའི་རྒྱབ་ཏུ་སོང་ནས་སྣ་ཚོགས་པའི་རིན་པོ་ཆེ་རྣམས་ཀྱིས་རྣམ་པར་བརྒྱན་པའི་ལུས་ཅན་རྣམས་རྩེ་བར་བྱེད་པ་དང་། ལྷ་གཞན་དག་ཁ་ཅིག་ནི་ལྗོན་ཤིང་གི་ཡལ་ག་ལ་ཀུན་དུ་བབས་ནས་ལྷ་མོའི་ཚོགས་རྣམས་ཀྱིས་ཡོངས་སུ་བསྐོར་ཏེ་གར་དག་བྱེད་པ་དང་རྒོད་པར་ཡང་
D287.071.0106a05.01བྱེད་པ་དང་རྔ་སྐད་ཡན་ལག་ལྔ་པས་འགྱིང་བར་ཡང་བྱེད་དོ། །དེ་ནས་ལྷ་གསར་དུ་སྐྱེས་པ་དེས་ལྷ་དེ་དག་རྣམས་མངོན་པར་མཐོང་བར་གྱུར་ནས་རབ་ཏུ་ཆེས་དགའ་བར་གྱུར་པའི་ཡིད་ཀྱིས། ལྷ་དེ་དག་རྣམས་ཉིད་ཁོ་ནས་ཡོངས་སུ་བསྐོར་ནས་རྣམ་པར་འདྲེ་བར་འགྱུར་རོ། །ལྷ་དེ་རྣམས་
D287.071.0106a06.01དང་ལྷ་དེ་དག་ཀྱང་ཕན་ཚུན་དུ་ལྷན་ཅིག་ཏུ་གྱུར་ཅིང་ལྷ་དེ་དག་རྣམས་དང་ལྷན་ཅིག་ཏུ་གྱུར་པ་གང་ཡིན་པའི་ལྷ་དེ་དག་རྣམས་དང་ལྷ་གསར་དུ་སྐྱེས་པ་དེ་དང་བཅས་པ་རྣམས་ནགས་དེར་རྗེས་སུ་ཞུགས་པར་གྱུར་ཏོ། །དེ་དེ་ལ་བདེ་བར་རྣམ་པར་རྒྱུ་བར་གྱུར་པས་རྔ་སྐད་ཡན་ལག་ལྔ་དང་ལྡན་
D287.071.0106a07.01