完整藏文原文 · 德格版页 当前仅加载第 71 函德格 191b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་གླིང་དཔག་ཚད་བརྒྱ་པ་ཡོད་དོ། །དེ་ལ་ཟངས་མ་ཅན་ཞེས་བྱ་བའི་སྲིན་མོ་རབ་ཏུ་གནས་པ་ཡིན་ཏེ། ཉའི་ཟས་དང་ལྡན་པའི་ཤིན་ཏུ་འཇིགས་པར་གྱུར་པ་ཡིན་ནོ། །དེ་ལས་རིང་དུ་འདས་ནས་ཉི་ཚེ་བའི་དམྱལ་བ་དམར་པོ་ཞེས་བྱ་བ་ཡོད་དེ། གང་ལ་ཉི་ཚེ་བའི་སེམས་ཅན་
D287.071.0191b01.01དམྱལ་བ་པ་རྣམས་འཚེད་པར་བྱེད་པའོ། །དེ་ལ་གཞན་ཀཽ་ཤི་ཀ་ཞེས་བྱ་བའི་ཆུ་བོ་དང་། དམར་པོ་རྣམ་པར་ཞུ་ཞེས་བྱ་བའི་ཆུ་དང་། རྡོ་བའི་ཉི་ཚེ་བའི་སེམས་ཅན་དམྱལ་བ་རྣམས་ཀྱང་གང་ལ་དཔག་ཚད་ལྔ་བརྒྱར་དྲག་པ་དང་། ཚ་བ་དང་། རྩུབ་པའི་ཚོར་བ་རྣམས་ཉམས་
D287.071.0191b02.01སུ་མྱོང་བར་བྱེད་པ་ཡིན་ནོ། །ཉི་ཚེ་བའི་སེམས་ཅན་དམྱལ་བར་སྐྱེས་པ་དེ་ལས་འདས་པར་གྱུར་ནས་དཔག་ཚད་སྟོང་ཕྲག་བཅུར་ནམ་མཁའ་མཐིང་ག་དང་འདྲ་བའི་སྨག་ཏུ་གྱུར་པ་ཡིན་ཏེ། དེ་ལ་ནི་ཀླུ་ཡང་མེད་ལ། གནོད་སྦྱིན་ཡང་མེད། དྲི་ཟ་ཡང་མེད་པ་ཡིན་ནོ། །དེ་ལས་
D287.071.0191b03.01འདས་པར་གྱུར་ནས་རིན་པོ་ཆེ་རྣམས་ཀྱིས་གང་བར་གྱུར་པའི་རྒྱ་མཚོ་དགའ་བའི་རི་རྣམས་ཀྱིས་རབ་ཏུ་དགའ་བར་གྱུར་པ་ཆུ་ཀླུང་དང་། ལྗོན་ཤིང་དང་། ལྷ་ཤིང་དང་། ཙན་དན་དང་། ཤུག་པ་རྣམས་ཀྱིས་ཀུན་དུ་ཁྱབ་པར་གྱུར་ཅིང་འདོད་པ་རྣམས་ཐམས་ཅད་ཀྱང་ལྗོན་ཤིང་གི་དྲུང་ནས་
D287.071.0191b04.01ཕུན་སུམ་ཚོགས་པ་ཡིན་ནོ། །རྒྱ་མཚོ་དེ་ལས་འདས་པར་གྱུར་ནས་ཨུད་ཏ་ར་ཞེས་བྱ་བ་མན་དཱ་ར་བའི་རི་དཔག་ཚད་ལྔ་སྟོང་པ་ཀེ་ཏ་ཀ་དང་། ནི་ཙུ་ལ་དང་། ནཱ་ལི་ཀེ་རའི་ནགས་ཀྱིས་ཉེ་བར་མཛེས་པར་གྱུར་པ་འབྲས་བུ་དང་། ལྗོན་ཤིང་དང་། འདོད་པ་རྣམ་པ་ཐམས་ཅད་ཕུན་
D287.071.0191b05.01སུམ་ཚོགས་པ། ཆུ་ཀླུང་རབ་ཏུ་མང་པོ་རྣམས་ཀྱང་ཕུན་སུམ་ཚོགས་པ་ལ་ངང་པ་དང་། ཙཀྲ་པཱ་ཀ་དང་། བྱ་ཁྱུང་དང་། ཀ་ད་མྤ་རྣམས་ཀྱིས་ཉེ་བར་མཛེས་པ། གྲུབ་པ་ཐོབ་པ་རྣམས་རྒྱུ་བར་བྱེད་པའི་ཚོགས་ཀྱིས་གང་བར་གྱུར་པ་སྟེ། རི་འདི་ནི་མགོ་བོ་སྟོང་ལ་རིན་པོ་ཆེ་རྣམས་
D287.071.0191b06.01སྣ་ཚོགས་ཀྱིས་མཛེས་པར་གྱུར་པ་རྣམ་པ་སྣ་ཚོགས་པ་སྤ་བའི་ནགས་གསེར་གྱིས་ཉེ་བར་མཛེས་པར་གྱུར་པ་ཡིན་ནོ། །དྲི་སྣ་ཚོགས་དང་ལྡན་པའི་ཨུད་ཏ་ར་མན་དཱ་རའི་རི་དེ་ལས་རྒལ་བར་གྱུར་ནས་རྡོ་སྦྱིན་པར་བྱེད་པ་ཞེས་བྱ་བའི་ཆུ་བོ་ཡོད་དེ། ཆུ་དེར་ནི་རྩྭའི་རིགས་སུ་གྱུར་པ་
D287.071.0191b07.01