完整藏文原文 · 德格版页 当前仅加载第 71 函德格 170a 版页；藏文 NFD、目录标记与异常页序保留在来源切片中，重复版页行以稳定序号区分。
པས་བྱིས་པ་སོ་སོའི་སྐྱེ་བོ་འདི་དག་རྣམས་ཐམས་ཅད་འཆི་བ་ཡིན་ཞེ་ན། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ། གལ་ཏེ་བདག་གི་ཆུའི་ཁམས་རྣམས་འཁྲུགས་པར་གྱུར་ན་དེས་བདག་གི་ཡན་ལག་དང་། ཉིང་
D287.071.0170a01.01ལག་རྣམས་ཐམས་ཅད་ཀྱང་རྒྱུས་པའི་སྦུབས་རྣམས་ཐམས་ཅད་དང་། ཁམས་རྣམས་ཐམས་ཅད་དང་། པགས་པ་དང་། ཁྲག་དང་། ཤ་དང་། ཚིལ་དང་། རུས་པ་དང་། རྐང་མར་དང་། ཁུ་ཆུ་དང་རྣམས་ཀུན་དུ་སྐུ་བར་བྱེད་ཅིང་ཀུན་ནས་བཞུ་བར་འགྱུར་བ་ནི་འཆི་བའི་
D287.071.0170a02.01དུས་ན་བདག་དང་སོ་སོའི་སྐྱེ་བོ་འདི་དག་རྣམས་ཐམས་ཅད་ལ་ཡང་ངེས་པར་འབྲེལ་པར་འགྱུར་རོ། །ཕན་ཚུན་དུ་ཀུན་ནས་སྐུ་བར་བྱེད་ཅིང་སྐྱོད་པར་བྱེད་དོ། །འདི་ལྟ་སྟེ། རི་གཉིས་ནི་སྔོན་བཞིན་ནོ། །དེ་ལ་མར་སར་གྱི་གོང་བུ་རྒྱ་མཚོར་བཅུག་པར་གྱུར་ཅིང་དུས་ཀྱི་རླུང་གིས་
D287.071.0170a03.01རྣམ་པར་བཅོམ་པར་གྱུར་པ་ལ་ནི་གནས་པ་མེད་དོ། །སྐྱོབ་པ་མེད་དོ། །སྙིང་པོར་གྱུར་པ་གང་ཡང་མེད་ཅིང་དེ་ལ་ནི་བརྟན་པ་ཡང་ཡོད་པ་མ་ཡིན་ནོ། །བདག་ཆུའི་ཁམས་ཀྱིས་མནར་བར་གྱུར་པའི་སྡུག་བསྔལ་རྣམས་ནི་དེ་ལྟ་བུ་ཡིན་ནོ། །སངས་རྒྱས་རྗེས་སུ་དྲན་
D287.071.0170a04.01པའམ། ཆོས་རྗེས་སུ་དྲན་པའམ། དགེ་འདུན་རྗེས་སུ་དྲན་པ་ཡང་རུང་སྟེ། སྲིད་པ་ཐ་མ་པ་རྣམས་ཀྱི་ཡང་དག་པའི་བློས་དམིགས་པ་རྒྱུན་མ་ཆད་པར་གྱུར་ན་སོ་སོའི་སྐྱེ་བོ་འདི་དག་རྣམས་ཐམས་ཅད་ལ་ཡང་རྒྱུད་ལ་དམིགས་པའི་རྒྱའི་རྗེས་དང་ཆ་འདྲ་བའི་སྐྱེ་བ་འབྱུང་
D287.071.0170a05.01བར་འགྱུར་རོ། །རྒྱའི་ཆ་རྣམས་ཅི་འདྲ་བར་གྱུར་པ་ཡིན་པའི་རྣམ་པ་དེ་སྲིད་ཀྱི་རྒྱས་བཏབ་པའི་སྐྱེ་བ་འབྱུང་ངོ་། །དཔེ་དེ་བཞིན་དུ་འཆི་བའི་དུས་ཀྱི་ཚེ་ན་སྲིད་པ་ཐ་མ་པ་རྣམས་ཀྱི་སེམས་ཀྱི་རྒྱན་རྣམས་ཇི་སྲིད་དུ་གྱུར་པ་དེ་བཞིན་དུ་སྐྱེ་བ་རྣམས་འབྱུང་བར་འགྱུར་རོ། །གང་གི་ཕྱིར་
D287.071.0170a06.01སེམས་སྤྲེའུའི་དབང་གིས་རྒ་ཤིའི་དུས་ན་སྐྱེ་བའི་གནས་ཡིན་ནོ། །གཞན་ཡང་རྣལ་འབྱོར་སྤྱོད་པ་ནང་གི་བདག་ཉིད་ཀྱི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། ཇི་ལྟར་བདག་འཆི་བར་གྱུར་པའི་དུས་ན་མེའི་ཁམས་འཁྲུགས་པས་འཆི་བར་འགྱུར་བ་ཡིན་ཞེ་ན། དེས་ཐོས་
D287.071.0170a07.01