完整藏文原文 · 德格版页 当前仅加载第 71 函德格 29a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་དེ་དག་གི། །ཁྱད་པར་འདི་ཉིད་ཁོ་ན་ཡིན། །བདེ་བ་འདོད་པ་ཆུང་ལ་མཐོང་། །སྡུག་བསྔལ་འདོད་ཆེན་མི་རྣམས་ཡིན། །བདེ་སྡུག་མཚན་ཉིད་འདི་ཡིན་པར། །ཡོངས་སུ་རྟོག་པར་བྱེད་པས་བཤད། །རྟག་ཏུ་འདོད་ཆེན་མི་རྣམས་ཀྱི། །མེ་ནི་
D287.071.0029a01.01སྙིང་གནས་རང་བཞིན་ཡིན། །གང་དུ་འདོད་མེད་ཁྲུས་བྱེད་པའི། །འདོད་པ་ཆུང་བ་བསིལ་བའི་མཚོ། །ཇི་ལྟར་མེ་ནི་བུད་ཤིང་གིས། །རབ་ཏུ་ཞི་བར་འགྱུར་མ་ཡིན། །དེ་བཞིན་འདོད་ཆེན་མི་རྣམས་ནི། །ནོར་གྱིས་གང་བར་འགྱུར་མ་ཡིན། །འདོད་པ་ཅན་ལ་ཉིན་
D287.071.0029a02.01དང་ནི། །མཚན་མོ་མེད་པར་བདེ་མི་འགྱུར། །སྐྱེས་བུ་འདོད་པ་ཆེ་བ་གང་། །སྲེད་པའི་ཟུག་རྔུས་རྣམ་པར་གནས། །རྒྱལ་པོ་ནོར་གྱིས་ངོམས་མེད་པར། །བྱེ་བ་ཕྲག་ཏུ་ཤི་ཞིང་སོང་། །གཞན་ཡང་མང་པོར་འགྲོ་བར་འགྱུར། །དེ་ཕྱིར་འདོད་པ་ཆུང་བ་བདེ། །
D287.071.0029a03.01དེ་ལྟར་འཐབ་བྲལ་གྱི་མངའ་བདག་དེ་པད་མའི་སྙིང་པོ་ལ་ལེགས་པར་གནས་ཏེ། །དུས་{བཟངས་,བཟང་}དེ་དང་སྨྲ་བ་པོའི་ངང་པ་དེ་དག་རྣམས་ལ་འཆད་པར་བྱེད་དོ། །གཞན་ཡང་འཐབ་བྲལ་གྱི་བདག་པོ་དེ་ཉིད་ཀྱིས་བག་མེད་པ་དེའི་སྐྱོན་རྣམས་གཟུང་བར་བྱ་བའི་དོན་དུ་སྨྲ་བ་པོའི་བྱ་དེ་
D287.071.0029a04.01དག་རྣམས་ཀྱི་མདུན་དུ་དང་དུས་{བཟངས་,བཟང་}དེའི་སྔོན་དུ་ཡང་། བཅོམ་ལྡན་འདས་འོད་སྲུང་གིས་གསུངས་པའི་མདོ་སྔོན་གྱི་ལྷའི་དྲུང་ནས་ཐོས་པ་རྣམས་འཆད་པ་ནི་ཇི་ལྟར་ཆོས་དྲི་མ་ཅན་རྣམས་བསྟན་པ་གང་ཡིན་པ་དེ་ནི་དཀར་པོའི་ཆོས་རྣམས་ཀྱིས་རབ་ཏུ་གཞོམ་པར་བྱའོ། །དེ་ལ་དྲི་མ་
D287.071.0029a05.01ཅན་གྱི་ཆོས་བདུན་པ་བསྟན་པར་བྱ་བ་རྣམས་དང་། དཀར་པོའི་ཆོས་རྣམས་ཀྱིས་གཞོམ་པར་བྱ་བ་དང་། འདི་དག་ཀྱང་གང་དག་ཞེ་ན། འདི་ལྟ་སྟེ་གཉེན་བཤེས་བལྟ་བ་ལ་མངོན་པར་དགའ་བ་ནི་བྱེས་སུ་ཡུན་རིང་པོར་གནས་པས་སོ། །དེ་ལྟར་ཡང་གཉེན་བཤེས་དང་གྲོགས་པོ་
D287.071.0029a06.01དང་། རང་གི་སྐྱེ་བོ་རྣམས་དང་ཕྲད་པ་ལ་མངོན་པར་དགའ་བའི་དགེ་སློང་ནི། བློ་དེ་ལ་སོང་བར་གྱུར་པ་དང་དེ་རྗེས་སུ་སྒྲུབ་པར་བྱེད་པ་དང་དེ་ལས་རབ་ཏུ་འབྱམས་པར་གྱུར་པ་དང་དེས་བྲེལ་དོག་ཏུ་གྱུར་ནས། ཉིན་མོ་དང་མཚན་མོ་མེད་པར་ཡང་བསམ་གཏན་བློ་ལ་བྱེད་པ་ཡང་མ་ཡིན་ནོ།
D287.071.0029a07.01