完整藏文原文 · 德格版页 当前仅加载第 71 函德格 36b 版页；藏文 NFD、目录标记与异常页序保留在来源切片中，重复版页行以稳定序号区分。
མཆོག་ཏུ་སྐྱིད་པ་དང་ལས་དེའི་རྒྱུ་འཐུན་པས་ཡུལ་གྱི་མི་རྣམས་ཐམས་ཅད་བྱམས་པར་འགྱུར་རོ། །གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེ་འཐབ་བྲལ་བའི་ལྷ་རྣམས་ཀྱི་ས་རྣམས་ལ་ཀུན་ཏུ་ལྟ་བར་བྱེད་དོ། །དེས་ཐོས་པ་ལས་བྱུང་བའི་ཤེས་རབ་
D287.071.0036b01.01བམ་ལྷའི་མིག་གིས་ཇི་ལྟར་ཡོད་པའི་འཐབ་བྲལ་བ་རྣམས་ཀྱི་ལྷའི་ས་གཅིག་ཏུ་དགའ་བ་ཞེས་བྱ་བ་མཐོང་ངོ་། །དེར་ལས་གང་གིས་སེམས་ཅན་རྣམས་སྐྱེ་བར་འགྱུར་བ་ཡང་། དེས་ཐོས་པ་ལས་བྱུང་བའི་ཤེས་རབ་བམ་ལྷའི་མིག་གིས་མཐོང་ན། ཇི་ལྟར་སྐྱེས་བུ་དམ་པ་
D287.071.0036b02.01གང་གིས་བྱ་བར་གྱུར་པའི་དོན་བྱས་པ་ཚུལ་ཁྲིམས་དང་ལྡན་པར་གྱུར་ནས། སྲོག་གཅོད་པ་དང་མ་བྱིན་པར་ལེན་པ་དག་སྤངས་པར་གྱུར་པ་ནི་སྔ་མ་བཞིན་ནོ། །འདོད་པ་ལ་ལོག་པར་གཡེམ་པ་ཡང་མཆོག་ཏུ་སྤང་བར་དཀའ་བ་དང་ཁྱད་པར་དུ་དོར་བར་དཀའ་བ་རྣམས་ཀྱང་རབ་
D287.071.0036b03.01ཏུ་འགོག་པར་བྱེད་པ་ཡིན་ཏེ། ཇི་ལྟར་བྱ་དང་བྱ་དག་ལྷན་ཅིག་ཏུ་སྤྱོད་པར་གྱུར་པ་རྣམས་དང་། རི་མོ་ལ་ཕན་ཚུན་དུ་གྱུར་པ་རྣམས་དང་། དེ་བཞིན་དུ་ཕན་ཚུན་དུ་གྱུར་པ་མཐོང་བ་དེ་དག་རྣམས་ཀྱང་ཡོངས་སུ་སྤོང་བར་བྱེད་དོ། །ཡིད་ཀྱིས་ཀྱང་ཀུན་ཏུ་རྟོག་པར་མི་བྱེད་དོ། །
D287.071.0036b04.01ཉེ་བར་སྒོམ་པར་མི་བྱེད་དེ། འདོད་པ་ལ་ལོག་པར་གཡེམ་པའི་རྣམ་པར་སྨིན་པའི་ཕྱིར་རྒོལ་བ་རྣམས་ཀྱི་འཇིགས་པས་ཐམས་ཅད་ཀྱང་གནས་སྐབས་རྣམས་ཐམས་ཅད་དུ་སྤོང་བར་བྱེད་དོ། །གཞན་དག་རྣམས་བྱེད་པར་གྱུར་པ་ན་ཡང་རབ་ཏུ་འགོག་པར་བྱེད་དོ། །ཆོས་འདུལ་
D287.071.0036b05.01བ་ལ་རབ་ཏུ་འགོད་པར་བྱེད་ཅིང་འདོད་པ་ལ་ལོག་པར་གཡེམ་པའི་ལས་ཀྱི་འབྲས་བུ་རྣམ་པར་སྨིན་པ་རྣམས་སྟོན་པར་བྱེད་དོ། །རྣམ་པ་དུ་མར་ཡང་ལོག་པར་ལྟུང་བར་གྱུར་པའི་ཆོས་རྣམས་སྟོན་པར་བྱེད་དེ། ཇི་ལྟར་འདོད་པ་ལ་ལོག་པར་གཡེམ་པས་ནི་ཐམས་ཅད་དུ་ཡང་མི་
D287.071.0036b06.01འདོད་པ་མི་སྡུག་པ་ཡིད་དུ་མི་འོང་བ་དམྱལ་བ་ཀུན་ནས་འཕེལ་བར་བྱེད་པའི་འབྲས་བུ་རྣམ་པར་སྨིན་པ་ཅན་དུ་འགྱུར་རོ། །དེ་བདག་ཉིད་ཀྱིས་ཀྱང་མི་བྱེད་དོ། །གཞན་དག་རྣམས་བྱེད་པ་ན་ཡང་རབ་ཏུ་འགོག་པར་བྱེད་དོ། །རང་དང་གཞན་ལ་ཕན་པའི་ཡོན་ཏན་ལ་རབ་ཏུ་
D287.071.0036b07.01