完整藏文原文 · 德格版页 当前仅加载第 71 函德格 47a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ནས་ངེས་པར་གནས་སོ། །ཉོན་མོངས་པ་གཞོམ་པ་ལ་བརྩོན་པ་དང་ལྡན་པའི་དགེ་སྦྱོང་དང་བྲམ་ཟེ་དེ་དག་རྣམས་ནི། མཉན་བྱ་དང་རེག་བྱ་དང་རོ་དང་བསྣམ་པ་དང་བལྟ་བར་བྱ་བ་དེ་དག་རྣམས་ལས་བརྩོན་འགྲུས་དང་ལྡན་པར་གྱུར་ནས་ཡིད་ངེས་
D287.071.0047a01.01པར་ཟློག་པར་བྱེད་དོ། །དེ་རྐྱེན་རྣམས་ལས་སྐྱེས་པར་གྱུར་ན་ཡང་ཡིད་ཀྱི་རྣམ་པར་དཔྱོད་པར་བྱེད་ཅིང་སྡོམ་པར་བྱེད་དོ། །གྲོགས་གཉིས་པ་བརྩོན་འགྲུས་དང་ལྡན་པར་གྱུར་པས། ཡུལ་རྣམས་ཐམས་ཅད་ལས་སེམས་ངེས་པར་ཟློག་པར་བྱེད་དོ། །ཆེས་
D287.071.0047a02.01ཤིན་ཏུ་མྱུར་བར་སེམས་ཀྱི་ཤུགས་འབྱུང་ཞིང་འབྱུང་བར་གྱུར་པ་རྣམས་དགེ་བའི་བརྩོན་འགྲུས་ཀྱིས་སོ་སོར་རྣམ་པར་སྤོང་བར་བྱེད་དོ། །ཀུན་ཏུ་སྡུད་པར་བྱེད་ཅིང་རབ་ཏུ་འགོག་པར་བྱེད་དོ། །ངེས་པར་སྡོམ་པར་བྱེད་དོ། །གང་གི་ཕྱིར་བརྩོན་འགྲུས་ནི་ཆོས་
D287.071.0047a03.01རྣམས་ཐམས་ཅད་ཀྱི་རྩེ་མོར་གྱུར་པའི་ཆོས་ཡིན་ནོ། །དེ་དང་འགྲོགས་པའི་དགེ་བའི་ཆོས་གང་ཡིན་པ་རྣམས་ནི་ཤིན་ཏུ་བརྟན་པ་དང་ཉམས་པ་མེད་པ་དང་། འབྲས་བུ་དང་བཅས་པར་འགྱུར་རོ། །བརྩོན་འགྲུས་མདུན་དུ་བདར་བའི་དགེ་བའི་སེམས་ཀྱི་ཡོན་ཏན་ནི།
D287.071.0047a04.01ཡང་དག་པར་རྫོགས་པའི་བྱང་ཆུབ་ཀྱི་མཐར་ཐུག་པར་འགྱུར་རོ། །དེས་ན་ཡོན་ཏན་རྣམས་རྟོགས་པར་བྱས་ལ་ཐེག་པ་ཆེན་པོ་ལ་ཡང་དག་པར་གནས་ནས། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་བྱང་ཆུབ་པར་འདོད་པའི་དགེ་
D287.071.0047a05.01སྦྱོང་ངམ་བྲམ་ཟེ་དེ་དག་རྣམས་ཀྱིས་ཀྱང་དེ་རྗེས་སུ་འཐུན་པའི་བརྩོན་འགྲུས་ལ་གོམས་པར་བྱའོ། །འཇིག་རྟེན་པ་དང་འཇིག་རྟེན་ལས་འདས་པའི་དོན་རྣམས་ལ་ཡང་བརྩོན་འགྲུས་ཉིད་ལྷག་པར་འགྱུར་རོ། །སྐྱེས་བུ་འཇིག་རྟེན་པའི་དོན་གང་དག་རྩོམ་པར་བྱེད་པ་ན་
D287.071.0047a06.01ཡང་དེ་དག་རྣམས་ཐམས་ཅད་ཀྱང་ཤིན་ཏུ་བརྟན་པའི་བརྩོན་འགྲུས་ཀྱིས་བརྩམས་པར་བྱས་ནས་ནི་འབྲས་བུ་མེད་པར་མི་འགྱུར་རོ། །དུས་རིང་དུ་གནས་པ་དང་གཞན་རྣམས་ཀྱིས་ཉེ་བར་མི་ཆོམས་པ་དང་འཆི་བའི་མཐར་ཐུག་པར་བྱེད་པའི་འཇིག་རྟེན་པའི་འཇིགས་པ་ཆེན་པོ་དང་
D287.071.0047a07.01