完整藏文原文 · 德格版页 当前仅加载第 71 函德格 123a 版页；藏文 NFD、目录标记与异常页序保留在来源切片中，重复版页行以稳定序号区分。
ཅི་ཙམ་ཡིན་ཞེས་དེས་ཐོས་པ་ལས་བྱུང་བའི་ཤེས་རབ་བམ་ལྷའི་མིག་གིས་མཐོང་བར་གྱུར་པ། རང་གི་སྙིམ་པའི་ཚད་ཀྱི་ངའི་ཆུ་ནི་སྙིམ་པ་དག་བཅུ་ཡིན་ནོ། །དེ་འཇིམ་པར་གྱུར་པའི་སྒོ་ནི་བ་སྤུའི་ཁུང་བུ་རྣམས་སོ། །རྔུལ་དུ་གྲགས་པ་རྣམས་ནི་ལུས་ཀྱི་བ་སྤུའི་
D287.071.0123a01.01སྒོ་ནས་འབྱུང་ངོ་། །ཆུ་སེར་དུ་གྲགས་པ་རྣམས་ནི་རྨའི་སྒོ་ནས་སོ། །མྱ་ངན་སྐྱེས་པའི་དུས་ན་ནི་མིག་དག་ནས་མཆི་མ་འབྱུང་བར་འགྱུར་རོ། །ས་གཞི་ལ་རྒྱུ་བའི་སྲོག་ཆགས་རྣམས་ཉམས་པར་འགྱུར་རོ། །དེ་ནི་ངའི་རླན་གྱིས་ཟས་རྣམས་ཡོངས་སུ་སྨིན་པར་གྱུར་པའི་ཁུ་བ་རྣམས་
D287.071.0123a02.01འཕེལ་བའི་རྡུལ་ཕྲ་རབ་གང་དག་འབྱུང་བ་ཡིན་ནོ། །གཞན་ཡང་རྣལ་འབྱོར་སྤྱོད་པ་ནང་གི་བདག་ཉིད་ཀྱི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། ངའི་བཤང་བའི་ཚད་ནི་ཅི་ཙམ་ཡིན་ན། དེས་ཐོས་པ་ལས་བྱུང་བའི་ཤེས་རབ་བམ་ལྷའི་མིག་གིས་མཐོང་བར་གྱུར་པ། བདག་ཉིད་
D287.071.0123a03.01ཀྱི་སྙིམ་པ་བདུན་ནི་བཤང་བ་ཡིན་ལ། དྲུག་ནི་བད་ཀན་ཡིན་ནོ། །གཞན་ཡང་རྣལ་འབྱོར་སྤྱོད་པ་ནང་གི་བདག་ཉིད་ཀྱི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། ངའི་མཁྲིས་པ་དང་གཅིན་གྱི་ཚད་ཀྱང་ཇི་ཙམ་ཡིན་ན། དེས་ཐོས་པ་ལས་བྱུང་བའི་ཤེས་རབ་བམ་ལྷའི་མིག་གིས་མཐོང་
D287.071.0123a04.01བར་གྱུར་པ། མཁྲིས་པ་ནི་སྙིམ་པ་ལྔ་ཡིན་ལ་བཞི་ནི་གཅིན་ཡིན་ཏེ། འཕེལ་བ་དང་འགྲིབ་པར་འགྱུར་བ་ནི་མ་གཏོགས་སོ། །ནད་མེད་པ་དང་ནད་ཀྱིས་བྱས་པ་ཡང་མ་གཏོགས་པ་ཡིན་ནོ། །གཞན་ཡང་རྣལ་འབྱོར་སྤྱོད་པ་ནང་གི་བདག་ཉིད་ཀྱི་ལུས་ལ་ལུས་ཀྱི་རྗེས་སུ་ལྟ་ཞིང་གནས་
D287.071.0123a05.01ཏེ། དྲོད་དང་། ཁུ་ཆུ་དང་། སྟོབས་ཀྱི་ཚད་ཇི་ཙམ་ཡིན་ན། དེས་ཐོས་པ་ལས་བྱུང་བའི་ཤེས་རབ་བམ་ལྷའི་མིག་གིས་མཐོང་བར་གྱུར་པ། དྲོད་ནི་སྙིམ་པ་གཉིས་སོ། །ཁུ་ཆུ་ནི་གཅིག་གོ། །སྟོབས་ནི་སྙིམ་པ་གཅིག་གོ། །གཞན་ཡང་རྣལ་འབྱོར་སྤྱོད་པ་ནང་གི་བདག་ཉིད་ཀྱི་
D287.071.0123a06.01ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། བདག་གི་རླུང་གི་ཚད་ནི་ཇི་ཙམ་ཅིག་ཡིན་ན་དེས་ཐོས་པ་ལས་བྱུང་བའི་ཤེས་རབ་བམ་ལྷའི་མིག་གིས་མཐོང་བར་གྱུར་པ། ཆུང་བའི་ཚད་ནི་སྙིམ་པ་གསུམ་ཡིན་ནོ། །གཞན་ཡང་རྣལ་འབྱོར་སྤྱོད་པ་ནང་གི་བདག་ཉིད་ཀྱི་ལུས་ལ་ལུས་ཀྱི་རྗེས་
D287.071.0123a07.01