完整藏文原文 · 德格版页 当前仅加载第 71 函德格 160a 版页；藏文 NFD、目录标记与异常页序保留在来源切片中，重复版页行以稳定序号区分。
སོར་རིག་པར་བྱེད་དོ། །གཞན་ཡང་རྣལ་འབྱོར་སྤྱོད་པ་ནང་གི་བདག་ཉིད་ཀྱི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། བདག་གི་རླུང་གང་དག་འཁྲུགས་པར་གྱུར་པ་དང་འཁྲུགས་པར་མ་གྱུར་པ་ན་ལས་ཅི་ཞིག་བྱེད་པ་ཡིན་ན། དེས་ཐོས་པ་ལས་བྱུང་བའི་ཤེས་རབ་
D287.071.0160a01.01ཀྱིས་སམ་ལྷའི་མིག་གིས་མཐོང་བར་གྱུར་པ། ཟ་མ་ཏོག་ལ་གནས་པ་ཞེས་བྱ་བའི་རླུང་ལུས་ལ་རབ་ཏུ་གནས་པ་ཡིན་ཏེ། དེ་འཁྲུགས་པ་དང་མ་འཁྲུགས་པ་ན་བདག་ལ་ལས་ཅི་ཞིག་བྱེད་པ་ཡིན་པ་ཡང་། དེས་ཐོས་པ་ལས་བྱུང་བའི་ཤེས་རབ་ཀྱིས་སམ། ལྷའི་མིག་གིས་
D287.071.0160a02.01མཐོང་བར་གྱུར་པ་ནི་ཟ་མ་ཏོག་ལ་གནས་པའི་རླུང་གལ་ཏེ་འཁྲུགས་པར་གྱུར་པ་ན། དེས་བདག་གི་རྒྱུས་པ་མང་པོ་ལག་པའི་གནད་ལ་གནས་པ་རྣམས་དང་། རྐང་པ་ལ་གནས་པའི་རྒྱུས་པ་མང་པོ་རྣམས་དང་། རྒྱབ་ལ་གནས་པའི་རྒྱུས་པ་མང་པོ་རྣམས་དང་། གསང་བ་
D287.071.0160a03.01ལ་གནས་པའི་རྒྱུས་པ་མང་པོ་རྣམས་དང་། ལུས་ཐམས་ཅད་ལ་གནས་པའི་རྒྱུས་པ་མང་པོ་རྣམས་ཀུན་དུ་འཁུམ་པར་བྱེད་དོ། །ཀུན་ནས་འབྲེལ་པར་བྱེད་དོ། །ཀུན་དུ་སྒོ་བར་བྱེད་དོ། །སེམས་དང་བྲལ་བར་ཡང་བྱེད་དོ། །རྒྱུས་པའི་ཚོགས་ཆེན་པོ་དེ་ལ་ཡང་ལུས་པོ་ཞེས་
D287.071.0160a04.01ཀྱང་རྗོད་པར་བྱེད་དོ། །དེས་ཟ་མ་ཏོག་ལ་གནས་པའི་རླུང་ལ་སོ་སོར་བརྟགས་པར་གྱུར་པས་ཀྱང་ཡང་དག་པ་ཇི་ལྟ་བ་བཞིན་དུ་ལུས་སོ་སོར་རིག་པར་བྱེད་དོ། །གཞན་ཡང་རྣལ་འབྱོར་སྤྱོད་པ་ནང་གི་བདག་ཉིད་ཀྱི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། རླུང་གཞན་གང་དག་
D287.071.0160a05.01བདག་གི་ལུས་ལ་རབ་ཏུ་གནས་པ་ཡིན་ན། དེས་སྤུ་འབྱེད་པར་བྱེད་པ་ཞེས་བྱ་བའི་རླུང་བདག་གི་ལུས་ལ་རབ་ཏུ་གནས་པར་འགྱུར་བ་མཐོང་བར་གྱུར་ཏོ། །དེ་འཁྲུགས་པར་གྱུར་པ་དང་འཁྲུགས་པར་མ་གྱུར་པ་ན་བདག་ལ་ལས་ཅི་ཞིག་བྱེད་པ་ཡིན་པ་ཡང་། དེས་ཐོས་པ་ལས་བྱུང་
D287.071.0160a06.01བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ་ནི། གལ་ཏེ་སྤུ་འབྱེད་པ་ཞེས་བྱ་བའི་རླུང་བདག་གི་ལུས་ལ་འཁྲུགས་པར་གྱུར་ན་ནི་དེས་བདག་གི་ཡན་ལག་དང་ཉིང་ལག་རྣམས་ཐམས་ཅད་ལ་གནས་པའི་སྤུ་རྣམས་འཇོམས་པར་བྱེད་དོ། །སེར་སྐྱར་ཡང་བྱེད་པ་དང་།
D287.071.0160a07.01