完整藏文原文 · 德格版页 当前仅加载第 71 函德格 26b 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་ན། འདི་ལྟ་སྟེ་ཆོག་ཤེས་པས་སོ། །འདོད་པ་ཆེ་བ་ཞེས་བྱ་བ་ནི་ཁྱིམ་པ་རྣམས་དང་རབ་ཏུ་བྱུང་བ་རྣམས་ཀྱང་བདེ་བར་རྒྱུ་བ་མ་ཡིན་ཏེ། གང་གི་ཕྱིར་འདོད་པ་ཆེ་བར་གྱུར་པ་རྣམས་ནི་ཁྱིམ་པའམ་རབ་ཏུ་བྱུང་བ་ཡང་རུང་སྟེ། ཉིན་མོ་དང་མཚན་མོར་ཡང་དེ་དག་རྣམས་
D287.071.0026b01.01བདེ་བར་མི་འགྱུར་རོ། །རྫས་རྣམས་ཐོབ་པར་གྱུར་པས་ཀྱང་ཞི་བ་ཐོབ་པར་མི་འགྱུར་རོ། །ནོར་གང་རྙེད་པར་གྱུར་ཡང་དེས་མཐར་ཐུག་པའི་ཚིམ་པ་འབྱུང་བར་མི་འགྱུར་རོ། །འདོད་པ་ཆེ་བར་གྱུར་པ་དེ་ཡང་ཁྱིམ་གྱི་གནས་ནས་ངེས་པར་འབྱུང་བའི་རབ་ཏུ་བྱུང་བ་རྣམས་ལ་ཇི་
D287.071.0026b02.01ལྟ་བར། དེ་ལྟར་ཁྱིམ་པ་རྣམས་ཀྱི་བར་ཆད་བྱེད་པར་ནི་མི་འགྱུར་རོ། །གང་གི་ཕྱིར་རབ་ཏུ་བྱུང་བ་འདོད་པ་ཆེ་བར་གྱུར་པ་གང་ཡིན་པ་དེ་ནི་ཁྱིམ་པ་ཡིན་གྱི་རབ་ཏུ་བྱུང་བ་ནི་མ་ཡིན་ནོ། །རབ་ཏུ་བྱུང་བ་ཞེས་བྱ་བ་ནི་རྒྱགས་པ་དང་ང་རྒྱལ་དང་འགྱིང་བ་དང་རྨོངས་པ་དང་ཕྲག་དོག་
D287.071.0026b03.01རྣམས་བཅོམ་པ་དང་འདོད་པ་ཆེ་བ་དང་ཡང་རྣམ་པར་བྲལ་བ་ཡིན་ནོ། །སྤྱིར་སྐྱོན་དེ་དག་རྣམས་ཉིད་ལས་ཀྱང་དགེ་སློང་འདོད་པ་ཆེ་བའི་མིང་ཅན་རྣམས་ལ་ནི་གཞན་ཐམས་ཅད་འཕྱ་བར་འགྱུར་རོ། །གང་ཡང་འདོད་པ་ཆེ་བའི་བློ་ཅན་གྱི་དགེ་སློང་ནི། རྟག་ཏུ་བློ་ནོར་ལ་སོང་བར་གྱུར་
D287.071.0026b04.01པས་ཉིན་མཚན་མེད་པར་དེའི་སེམས་དགེ་བའི་ཆོས་རྣམས་ལ་ལེགས་པར་རབ་ཏུ་དང་བར་མི་འགྱུར་རོ། །དེའི་བློ་རབ་ཏུ་མ་དང་བ་དང་དབང་པོ་རབ་ཏུ་མ་དང་བ་དང་བྱ་བ་རྣམས་རབ་ཏུ་མ་དང་བ་གང་ཡིན་པའི་གོམ་པ་འབོར་བར་གྱུར་པའམ་དགེ་འདུན་གྱི་ས་ལ་འཆག་པར་བྱེད་ཀྱང་དེར་དམྱལ་བར་
D287.071.0026b05.01ཉེ་བར་འགྱུར་ན། གནས་མལ་དང་ནད་ཀྱི་རྐྱེན་སྨན་དང་ཡོ་བྱད་རྣམས་ཀྱིས་ནི་དང་པོ་ཁོ་ནར་བར་ཆད་བྱེད་པ་འབྱུང་བར་འགྱུར་བ་ཡིན་ནོ། །དེ་དམྱལ་བ་འབའ་ཞིག་ཏུ་འཚེད་པར་བྱེད་དེ། གང་ཚུལ་ཁྲིམས་འཆལ་བར་གྱུར་པ་འདོད་པ་ཆེ་བ་སྡིག་པའི་ཆོས་ཅན། དགེ་སྦྱོང་
D287.071.0026b06.01མ་ཡིན་པར་དགེ་སྦྱོང་དུ་ཁས་འཆེས་པ། སེང་གེའི་པགས་པ་ཀུན་ནས་གྱོན་པའི་ཅེ་སྤྱང་སྒྱུ་མའི་ཟོང་དང་མཚུངས་པ། དུང་གི་སྒྲ་དང་མཚུངས་པར་སྤྱོད་པ་མཆོག་ཏུ་སྟོང་པ་ཤིན་ཏུ་སླུ་བ་ཤིན་ཏུ་ཆད་པར་གྱུར་པ་ཡིན་ནོ། །གང་འགའ་ཞིག་འདོད་པ་ཆེ་བར་གྱུར་པ་ཇི་ལྟར་ང་ནི་
D287.071.0026b07.01