完整藏文原文 · 德格版页 当前仅加载第 71 函德格 82b 版页；藏文 NFD、目录标记与异常页序保留在来源切片中，重复版页行以稳定序号区分。
ཡལ་གས་ཡོངས་སུ་གང་བའི་ཤིང་ལྗོན་པ་རྣམས་ཀྱིས་ཉེ་འཁོར་ཡོངས་སུ་གང་བ། དཔག་ཚད་ལྔ་བརྒྱར་གྱུར་པའི་རྫིང་བུ་པད་མ་རྣམས་ཀྱིས་ཡང་ཉེ་འཁོར་ཀུན་ཏུ་གང་བ་རྣམས་ལ་བཻ་ཌཱུརྱའི་ཡུ་བ་ཅན་རྣམས་ལ་ནི་གསེར་གྱི་འདབ་མ་རྣམས་སོ། །གསེར་གྱི་ཡུ་བ་ཅན་རྣམས་ལ་ནི་
D287.071.0082b01.01བཻ་ཌཱུརྱའི་ཟེ་བ་རྣམས་སོ། །པད་མ་གཞན་འགའ་ཞིག་ནི་རིན་པོ་ཆེ་བདུན་གྱི་རང་བཞིན་ཡིན་ཏེ། རྣམ་པ་སྣ་ཚོགས་ཤིང་རྣམ་པར་བཀྲ་བའི་པད་མ་རྣམས་ཀྱིས་ཀྱང་ཐམས་ཅད་ནས་ཡོངས་སུ་ཁྱབ་པར་གྱུར་པའོ། །རྫིང་བུ་དེའི་ཉེ་འཁོར་རྣམས་ན་ཡང་བྱ་ཁ་དོག་རྣམ་པ་སྣ་ཚོགས་
D287.071.0082b02.01པ་དང་ལྡན་པར་གྱུར་པ། རིན་པོ་ཆེ་བདུན་དང་ཆ་འདྲ་བའི་ཁ་དོག་གི་ལུས་ཅན་གྱི་བྱ་རྣམས་ཀྱིས་ཀུན་ནས་ཉེ་བར་མཛེས་པ་མཆོག་ཏུ་སྙན་པར་འགྱུར་བའི་དབྱངས་ཀྱིས་ཀུན་ཏུ་གང་བ་ཡིན་ཏེ། རཱ་ཛ་ནི་ནའི་རྫིང་བུ་དེ་ཡང་ལྷ་བརྒྱ་སྟོང་གིས་ཡོངས་སུ་བསྐོར་བར་གྱུར་པ་ཡིན་ཏེ། འདི་
D287.071.0082b03.01གང་ཡིན་པ་ལ་ལྷ་ཉིད་བརྒྱ་ཕྲག་དུ་མ་རྣམས་ཀྱིས་ཀྱང་ཡོངས་སུ་མ་བསྐོར་བའི་ལྷ་རྣམས་ནི་མེད་དོ། །ལྷ་མོ་དེ་དག་རྣམས་དང་ལྷ་དེ་དག་རྣམས་ཀྱང་ལྷན་ཅིག་ཏུ་རྔ་སྐད་ཡན་ལག་ལྔ་དང་ལེགས་པར་ལྡན་པས་རྫིང་བུ་དེ་ན་དགའ་དགུར་སྤྱོད་ཅིང་རྩེ་བར་བྱེད་པས་རང་གི་ལས་ཀྱི་འབྲས་བུ་
D287.071.0082b04.01རྣམས་ཟ་བར་བྱེད་དོ། །གཞན་ཡང་རྫིང་བུ་དེ་ཉིད་ཀྱི་འགྲམ་ན་ཡོངས་སུ་བསྐོར་བའི་ཉེ་འཁོར་རྣམས་ན་མཆོག་ཏུ་དགའ་བར་གྱུར་པའི་རིན་པོ་ཆེ་བདུན་གྱི་རང་བཞིན་གྱི་ལྗོན་ཤིང་རྣམས་ཀྱིས་ཡོངས་སུ་བསྐོར་ནས་ཡིད་དགའ་བ་ཞེས་བྱ་བའི་ནགས་ཀུན་ཏུ་གནས་སོ། །དེ་ན་ཡང་
D287.071.0082b05.01དགའ་བར་གྱུར་པའི་བྱའི་ཚོགས་རྣམས་ཀྱིས་མངོན་པར་དགའ་བར་གྱུར་པའི་འབབ་ཆུ་བརྒྱ་སྟོང་ཕྲག་དུ་མས་ཀུན་ཏུ་བརྒྱན་པ། རིན་པོ་ཆེའི་ཁམས་རྣམས་ཀྱིས་རྣམ་པར་བརྒྱན་པར་གཞན་དག་ལྷན་ཅིག་སྤྱོད་པ་རྣམས་ཀྱིས་ཡོངས་སུ་བསྐོར་ནས་དཔེ་མེད་པའི་ལྷ་རྫས་ཀྱི་དབང་པོ་
D287.071.0082b06.01ལྔ་མངོན་པར་དགའ་བའི་ཡུལ་རྣམས་དང་ཡང་དག་པར་ལྡན་པས་ཡིད་དགའ་བའི་ནགས་དེ་ན་ལྷ་རྣམས་དགའ་བར་བྱེད་དོ། །ལྷ་དེ་དག་རྣམས་ཀྱང་རཱ་ཛ་ནི་ནའི་རྫིང་བུར་ཡང་རྩེད་མོ་སྣ་ཚོགས་པ་རྣམས་ཀྱིས་ལྷན་ཅིག་ཏུ་རྩེ་བར་བྱེད་དོ། །དེ་ནས་ལྷ་གང་དག་ལེགས་པར་བྱས་པའི་
D287.071.0082b07.01