完整藏文原文 · 德格版页 当前仅加载第 71 函德格 166b 版页；藏文 NFD、目录标记与异常页序保留在来源切片中，重复版页行以稳定序号区分。
སུ་ངར་སྣབས་ཟ་བའི་སྲིན་རྣམས་ནི་སྤྲོ་བ་འཕེལ་བའི་རླུང་གིས་འཇོམས་པར་བྱེད་དོ། །རབ་ཏུ་སྐྱུག་པར་བྱེད་པའི་སྲིན་རྣམས་ནི་ཁུ་བ་རྒྱུ་བ་བཅུའི་རྩ་རྣམས་ཀྱི་ནང་ན་རྒྱུ་བར་གྱུར་པ་དེ་འདྲ་བའི་འགྲོ་བ་རྣམ་པར་ཟློག་པར་བྱེད་པའི་རླུང་གིས་འཇོམས་པར་བྱེད་དོ། །མངར་མྱོས་ཀྱི་སྲིན་
D287.071.0166b01.01རྣམས་ནི་ཚིགས་རྣམ་པར་དཀྲུག་པའི་རླུང་གིས་འཇོམས་པར་བྱེད་དོ། །རོ་དྲུག་ལ་དགའ་བའི་སྲིན་རྣམས་ནི་སྤུ་དང་སེན་མོ་དང་བཤང་བ་དང་རྣམས་འབྱེད་པར་བྱེད་པའི་རླུང་གིས་འཇོམས་པར་བྱེད་དོ། །གྷུར་གྷུར་བའི་སྲིན་རྣམས་ནི་ཁུ་ཆུ་རྣམ་པར་རླུག་བྱེད་ཀྱི་རླུང་གིས་འཇོམས་པར་
D287.071.0166b02.01བྱེད་དོ། །རོ་ལ་རབ་ཏུ་སྡང་བའི་སྲིན་རྣམས་ནི་རྒན་གོག་ཏུ་བྱེད་པའི་རླུང་གིས་འཇོམས་པར་བྱེད་དོ། །ཉལ་བ་ལ་ཤིན་ཏུ་མངོན་པར་དགའ་བའི་སྲིན་རྣམས་ནི་ལྒང་པག་རིངས་པར་བྱེད་པའི་རླུང་གིས་འཇོམས་པར་བྱེད་དོ། །ཁྲག་ལས་སྐྱེས་པར་གྱུར་པའི་སྲིན་གྱི་རིགས་བཅུ་འདི་
D287.071.0166b03.01ལྟ་སྟེ། ལུས་ལ་སྤུ་ཟ་བའི་སྲིན་རྣམས་ནི་བཤང་བ་ཀུན་དུ་སྐམ་བྱེད་ཀྱི་རླུང་གིས་འཇོམས་པར་བྱེད་དོ། །སླུབས་ཅན་གྱི་སྲིན་རྣམས་ནི་ལོགས་ན་བར་བྱེད་པའི་རླུང་གིས་འཇོམས་པར་བྱེད་དོ། །ཛན་ཏུ་མཱན་ད་རའི་སྲིན་རྣམས་ནི་བུ་ག་དགུ་ལ་གནས་པའི་ནད་ཅེས་བྱ་བའི་རླུང་གིས་
D287.071.0166b04.01འཇོམས་པར་བྱེད་དོ། །ཨཽ་དུམ་བ་རའི་སྲིན་རྣམས་ནི་ཡན་ལག་དང་། ཉིང་ལག་དང་། ཐུང་བར་བྱེད་པའི་རླུང་གིས་འཇོམས་པར་བྱེད་དོ། །ཛན་ཏུ་མཱན་ད་ར་དང་། ཀུན་དུ་འཛག་པའི་སྲིན་རྣམས་ནི་མེ་དྲོད་ཀུན་དུ་སུན་འདོན་པའི་རླུང་གིས་འཇོམས་པར་བྱེད་དོ། །སྤུའི་གླིང་
D287.071.0166b05.01གི་སྲིན་རྣམས་ནི་ཡན་ལག་དང་ཉིང་ལག་རྣམས་ཐམས་ཅད་གྲང་བར་བྱེད་པའི་རླུང་གིས་འཇོམས་པར་བྱེད་དོ། །ཁྲག་ཟ་བའི་སྲིན་རྣམས་ནི་བརྟན་པ་འཇིག་པར་བྱེད་པའི་རླུང་གིས་འཇོམས་པར་བྱེད་དོ། །སྐྱུར་པོ་པའི་སྲིན་རྣམས་ནི་སྲེག་པར་བྱེད་པའི་རླུང་གིས་འཇོམས་པར་བྱེད་དོ། །
D287.071.0166b06.01རྐང་པ་མེད་པ་དང་། དབྱིབས་ཐུང་བར་གྱུར་པ་དང་། ཁྲག་ལས་སྐྱེས་པའི་སྲིན་ཤིན་ཏུ་ཕྲ་བ་དང་། མིག་མེད་པ་དང་། གཡན་པ་དང་། འབིགས་བྱེད་ཀྱི་མཚན་ཉིད་དོ། །དེ་ལ་དེ་དག་རྣམས་ནི་གང་གི་ཚེ་འཆི་བའི་ཡུལ་དང་དུས་སུ་གྱུར་པ་ན་དེའི་ཚེ་རླུང་རྣམས་ཀྱིས་སྲིན་དེ་དག་
D287.071.0166b07.01