完整藏文原文 · 德格版页 当前仅加载第 71 函德格 206a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་བ་འདི་བྱང་ཕྱོགས་སྒྲ་མི་སྙན་པའི་མི་རྣམས་ཀྱིས་གོ་བ་ཡང་མ་ཡིན་ནོ། །ཡང་ཇི་ལྟ་ཇི་ལྟར་མཚན་མོ་ཆར་བབ་པར་གྱུར་ན་ཆུ་ཀླུང་རྣམས་ཕུན་སུམ་ཚོགས་པར་འགྱུར་ཏེ། ཆར་བབ་པའི་དབང་གིས་ངོས་གཉི་གར་ཡང་མང་དུ་འབབ་པར་འགྱུར་རོ། །ཕུན་སུམ་
D287.071.0206a01.01ཚོགས་པར་གྱུར་པ་རྣམས་ཀྱང་སྟོན་ཀ་ཟད་པ་དང་འགྲིབ་པའི་སྒོ་ནས་ཆུ་ཆུང་བར་འགྱུར་རོ། །དེ་ཁོ་ན་བཞིན་དུ་དབྱར་གྱི་མཚན་མོ་ཆར་འབབ་པར་གྱུར་པ་དང་མཚུངས་པ་ནི་ཕུན་སུམ་ཚོགས་པ་རྣམས་ཡིན་ནོ། །དབྱར་གྱི་ཆར་འགགས་པར་གྱུར་ནས་སྟོན་གྱི་དུས་ན་ཆུ་ཀླུང་རྣམས་ཟད་ཅིང་
D287.071.0206a02.01འགྲིབ་པའི་སྒོ་དང་མཚུངས་པ་ནི་རྒུད་པ་རྣམས་ཡིན་ནོ། །འདི་ལྟ་སྟེ། ཕྱི་རོལ་གྱི་དངོས་པོ་པད་མ་རྣམས་ཀྱང་སོས་ཀའི་དུས་སུ་རྒྱས་པར་འགྱུར་ཞིང་ནད་མེད་པ་དང་། བུང་བ་རྣམས་ཀྱིས་ཀྱང་སྟེན་པར་བྱེད་དོ། །དགུན་གྱི་དུས་ན་ནི་ཁ་བ་དང་བད་དག་གིས་བུང་བ་རྣམས་ཀྱང་ན་བས་མི་
D287.071.0206a03.01སྟེན་ནོ། །སོས་ཀའི་དུས་ཀྱི་པད་མ་དེ་ཁོ་ན་བཞིན་དུ་ནད་མེད་པ་ཡིན་ནོ། །དགུན་གྱི་དུས་དང་མཚུངས་པར་གྱུར་པ་ནི་ནད་མེད་པ་མ་ཡིན་པའོ། །དགུན་གྱི་དུས་ན་ནད་མེད་པ་མ་ཡིན་པས་བུང་བ་རྣམས་དང་མཚུངས་པ་ནི་ཕུན་སུམ་ཚོགས་པ་རྣམས་ཡིན་ནོ། །དེ་བཞིན་དུ་སེམས་ཅན་འདི་
D287.071.0206a04.01དག་རྣམས་ཀྱང་སྲེད་པས་ཤིན་ཏུ་རྣམ་པར་ཉམས་པར་གྱུར་ནས་བདག་ཉིད་ཀྱི་རྒུད་པ་རྣམས་ནི་གཏན་རིག་པར་མི་འགྱུར་རོ། །དེས་མཐོ་བར་བརྩེགས་པའི་རིའི་ནགས་དང་། ཉེ་བའི་ནགས་དང་། ལྗོན་ཤིང་དང་། འབབ་ཆུ་དང་། ཁྲུས་ཀྱི་རྫིང་བུ་དང་། ནེའུ་གསིང་དང་། རིག་པ་
D287.071.0206a05.01འཛིན་པ་དང་། {རི་དགས་,རི་དྭགས་}དང་། བྱ་དང་། རི་ཁྲོད་དང་། ཆུ་གཤལ་དང་བཅས་པ་རྣམས་ལ་ལེགས་པར་བལྟས་པར་གྱུར་པས་ཀྱང་ཡང་དག་པར་ཇི་ལྟ་བ་བཞིན་དུ་ཕྱི་རོལ་ལ་ཡང་དག་པར་ལྟ་བར་བྱེད་དོ། །གཞན་ཡང་རྣལ་འབྱོར་སྤྱོད་པ་ཕྱི་རོལ་གྱི་ལུས་ཀྱིས་ལུས་ལ་རྗེས་སུ་ལྟ་ཞིང་
D287.071.0206a06.01གནས་པ་ན། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་བྱང་ཕྱོགས་སྒྲ་མི་སྙན་ན་དགའ་བ་དང་། དགའ་བའི་རིགས་སུ་གྱུར་པ་དང་། དགའ་བར་གྱུར་པ་རིའི་ཕྲེང་བ་འཛིན་པ་ཞེས་བྱ་བ་གཞན་ཡོད་པ་མཐོང་ངོ་། །རི་བོ་དེ་ནི་རྣམ་པར་བཀྲ་བའི་ཕྲེང་བ་རྣམས་འཛིན་པ་ཡིན་
D287.071.0206a07.01