完整藏文原文 · 德格版页 当前仅加载第 71 函德格 154b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་པར་འགྱུར་རོ། །ཉིན་མཚན་མེད་པར་ཡང་རུས་པའི་གསེབ་རྣམས་ལས་གྱུར་པའི་བདག་གི་ཚོར་བ་རྣམས་འཇི་བར་ཡང་འགྱུར་རོ། །བདག་གི་ལུས་པོ་རྣམས་ལ་རྟག་ཏུ་བ་སྤུ་ལངས་པར་ཡང་འགྱུར་རོ། །དབང་པོ་རྣམས་ཐམས་ཅད་ཀྱང་ནད་དང་བཅས་པར་འགྱུར་རོ། །བདག་
D287.071.0154b01.01གི་མགོ་བོ་ལ་ཡང་ཚོར་བ་རྣམས་རྒྱུན་གྱིས་འཇུག་པར་ཡང་འགྱུར་རོ། །བདག་གི་མགོ་བོ་ལ་ཀུན་དུ་སྤྱོད་པར་བྱེད་པའི་སྲིན་རྣམས་ཀྱང་རྟག་ཏུ་རླུང་གིས་མགོ་བོའི་ནང་དུ་སོང་བར་གྱུར་ནས་རྣམ་པར་སྐྱོད་པར་བྱེད་དོ། །དེ་རྣམ་པར་སྐྱོད་པར་གྱུར་པས་ཀྱང་ཁབ་བཞིན་དུ་བདག་གི་མགོ་བོ་
D287.071.0154b02.01འབིགས་པར་བྱེད་དོ། །གལ་ཏེ་ཡང་འཁྲུགས་པར་མ་གྱུར་ན་ནི་ཇི་སྐད་དུ་བཤད་པའི་ནད་དེ་དག་རྣམས་རབ་ཏུ་འབྱུང་བར་མི་འགྱུར་རོ། །དེས་ལྟ་བ་ཀུན་དུ་སུན་འབྱིན་པའི་རླུང་ལ་སོ་སོར་བརྟགས་པར་གྱུར་པས་ཀྱང་ཡང་དག་པ་ཇི་ལྟ་བ་བཞིན་དུ་ལུས་སོ་སོར་རིག་པར་བྱེད་དོ། །གཞན་
D287.071.0154b03.01ཡང་རྣལ་འབྱོར་སྤྱོད་པ་ནང་གི་བདག་ཉིད་ཀྱི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། གཞན་བདག་གི་རླུང་འཁྲུགས་པར་གྱུར་པ་དང་འཁྲུགས་པར་མ་གྱུར་པ་ན་བདག་ལ་ལས་ཅི་ཞིག་བྱེད་པ་ཡིན་ན། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་
D287.071.0154b04.01པ། པགས་པ་ཀུན་དུ་སུན་འབྱིན་པ་ཞེས་བྱ་བའི་རླུང་བདག་གི་ལུས་ལ་རབ་ཏུ་གནས་པ་ཡིན་ཏེ། དེ་འཁྲུགས་པ་དང་མ་འཁྲུགས་པ་ན་བདག་ལ་ལས་ཅི་ཞིག་བྱེད་པ་ཡིན་པ་ཡང་། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ་ནི་གལ་ཏེ་པགས་
D287.071.0154b05.01པ་ཀུན་ནས་སུན་འབྱིན་པའི་རླུང་ལུས་ལ་རབ་ཏུ་གནས་པ་འཁྲུགས་པར་གྱུར་ན་ཡང་དེ་ཡིས་བདག་གི་པགས་པའི་མདོག་རྣམས་དང་བྲལ་བར་འགྱུར་རོ། །ལུས་ཐམས་ཅད་ཀྱང་རྩུབ་མོ་ཧྲུད་པོར་འགྱུར་ཞིང་གླང་པོའི་པགས་པའི་ཀབ་ཀོབ་པོ་རྣམས་དང་འདྲ་བར་པགས་པའི་
D287.071.0154b06.01ཡུལ་ཀུན་ལ་ཐིག་ལེ་དུ་མ་ཉེ་བར་སྐྱེས་པར་འགྱུར་རོ། །ཡན་ལག་རྣམས་ལས་ཐོགས་པ་མེད་ཅིང་མྱུར་བར་རྔུལ་ཡང་འབྱུང་བར་འགྱུར་རོ། །ཉལ་བར་གྱུར་པ་ན་བདག་གི་ལུས་རྣམས་རྩུབ་པར་འགྱུར་རོ། །བདག་གི་ལུས་རྐྱོང་བར་ཡང་མི་ནུས་ལ་བསྐུམས་པར་གྱུར་པ་ན་ཡང་
D287.071.0154b07.01