完整藏文原文 · 德格版页 当前仅加载第 71 函德格 194b 版页；藏文 NFD、目录标记与异常页序保留在来源切片中，重复版页行以稳定序号区分。
བར་གྱུར་པ་རི་དང་། ནགས་དང་། ཉེ་བའི་ནགས་དང་། {རི་དགས་,རི་དྭགས་}དང་། བྱ་ཡང་རྣམ་པ་སྣ་ཚོགས་པ་རྣམས་ཀྱིས་ཀུན་དུ་གང་བར་གྱུར་པ་དང་། རྟག་ཏུ་དགའ་བར་གྱུར་པའི་ལྷ་གསང་བ་པ་རྣམས་ཀྱིས་གང་བར་གྱུར་པ། རྣམ་པ་སྣ་ཚོགས་པའི་ལྗོན་ཤིང་དང་མེ་ཏོག་གི་
D287.071.0194b01.01ཚོགས་ཀྱིས་ཀུན་ནས་དུད་པར་གྱུར་པ་རྣམས་ཀྱིས་གང་བར་གྱུར་པས་ཉེ་འཁོར་ཉམས་དགའ་བ་ཡིན་ནོ། །གཞན་ཡང་རྣལ་འབྱོར་སྤྱོད་པ་ཕྱི་རོལ་གྱི་ལུས་ཀྱིས་ལུས་ལ་རྗེས་སུ་ལྟ་ཞིང་གནས་ཏེ། བྱང་གི་སྒྲ་མི་སྙན་དང་འཛམ་བུའི་གླིང་གི་བྱང་ངོས་ན་རིའི་རིགས་སུ་
D287.071.0194b02.01གྱུར་པའམ། ཆུ་བོའི་རིགས་སུ་གྱུར་པ་གཞན་ཅི་དག་ཡོད་ན། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ། གླིང་གཉིས་པོ་འདི་དག་གཉིས་ཀྱི་བར་ན་ཡུལ་ཕྱོགས་འགའ་ཞིག་ཀྱང་ཡོད་པ་མ་ཡིན་ནོ། །བྱང་ཕྱོགས་སྒྲ་མི་སྙན་གྱི་
D287.071.0194b03.01གླིང་ཆེན་པོ་ནི་མ་གཏོགས་ཏེ། རྒྱ་ཁྱོན་དུ་ནི་དཔག་ཚད་སྟོང་ཕྲག་བཅུ་ཡིན་ནོ། །གྲོང་བྱེ་བ་ཕྲག་སུམ་ཅུ་རྩ་དྲུག་གི་རྣམ་པ་རྣམས་ཀྱིས་ཉེ་འཁོར་རྣམས་ཀུན་དུ་གང་བར་གྱུར་པ་སྟེ། མཆོག་ཏུ་དགའ་བ་དང་སྐལ་བ་གཞན་རྣམས་ལ་ཡང་དགའ་བ་ཡིན་ནོ། །ཤ་དང་།
D287.071.0194b04.01རུས་པ་དང་། ཆུ་སེར་རྣམས་དང་བྲལ་བར་གྱུར་པ་མ་གཏོགས་པ་རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་དྲུང་ན་ནི་འཇིགས་པ་མེད་པ་ཡང་ཡིན་ནོ། །ལྷ་རྣམས་ནི་མིག་མི་འཛུམས་པ་ཡིན་ལ། བྱང་ཕྱོགས་སྒྲ་མི་སྙན་པ་རྣམས་ནི་པགས་པ་དང་། ཤ་དང་། རུས་པ་དང་། ཆུ་
D287.071.0194b05.01སེར་དང་། མིག་འཛུམས་པར་བྱེད་པ་དང་བཅས་པ་ཡིན་ཞིང་བདག་གི་བ་མེད་པ་དང་། ང་རྒྱལ་ཅན་མེད་པ་ཡིན་ཏེ། ཤི་ནས་ཀྱང་ངེས་པར་ལྷ་རྣམས་སུ་སྐྱེ་བར་འགྱུར་བ་ཡིན་ནོ། །སྒྱུ་དང་། གཡོ་དང་། ཕྲག་དོག་དང་། ཁེངས་པ་རྣམས་དང་བྲལ་བར་གྱུར་པ་དང་། རྟག་པར་
D287.071.0194b06.01རབ་ཏུ་དགའ་བར་གྱུར་པ་ཡིན་ནོ། །སྲིན་མོ་དང་། ཤ་ཟ་དང་། གྲུལ་བུམ་དང་། སེང་གེ་དང་། སྟག་དང་། གུང་དང་། སྤྱང་ཀི་དང་། ཀླུ་དང་། ལྟོ་འཕྱེ་དང་། སྦྲུལ་གདེངས་ཀ་ཅན་དང་། མུ་གེ་དང་། ཚད་པ་དང་། གྲང་བ་དང་། ལྟོགས་པ་དང་། སྐོམ་པ་དང་། ནད་དང་། ལྷས་
D287.071.0194b07.01