完整藏文原文 · 德格版页 当前仅加载第 71 函德格 212b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་གཟི་བརྗིད་ཆེ་བ་དང་། གཟུགས་ཆེན་པོ་དང་ལྡན་པ་དང་། མཆོག་ཏུ་དགའ་བ་དང་། མཆོག་ཏུ་མཛེས་པ་དང་། མེ་ཏོག་གི་ཕྲེང་བ་དང་། ཕྱེ་མ་དང་། དྲི་དང་། བྱུག་པ་དང་། རྒོད་པ་དང་། འགྱིང་བག་དང་། གར་དང་། གླུ་དང་། རོལ་མོའི་སྒྲ་རྣམས་ལ་དགའ་བར་གྱུར་པ་
D287.071.0212b01.01དང་། ཕན་ཚུན་ཕྲག་དོག་དང་སེར་སྣའི་དྲི་མ་རྣམས་ཉེ་བར་བཅོམ་པ་དང་། བདག་གི་བ་མེད་ཅིང་ང་རྒྱལ་མེད་པ་དང་། སྐྱ་བོར་སྣང་བའི་སྐྱེས་བུ་རྣམས་ཐམས་ཅད་ཉིད་ཀྱང་ཕྲེང་བ་དང་། ཕྱེ་མ་དང་། དྲི་དང་། བྱུག་པ་རྣམས་ཀྱིས་ལུས་བརྒྱན་པ་ཡིན་ནོ། །རྣམ་པ་སྣ་ཚོགས་
D287.071.0212b02.01པའི་རོལ་མོའི་སྒྲ་དང་། གླུ་དང་། དྲི་ཟའི་སྒྲ་རྣམས་ཀུན་ནས་རྗོད་པར་བྱེད་པའི་ཆོས་དགའ་བར་འགྱུར་བ་རྣམས་ཀྱིས་ཐམས་ཅད་ཉིད་དགའ་བར་བྱེད་དོ། །ཡིད་ལ་སྨོན་པའི་ཀུན་ཏུ་བསམས་པ་རྣམས་ཀྱང་གང་དང་གང་དག་ཡིད་ལ་སེམས་པར་བྱེད་པ་དེ་རྣམས་དེ་དག་ལས་འབྱུང་བར་
D287.071.0212b03.01འགྱུར་ཏེ། འདི་ལྟ་སྟེ་མ་བཏགས་པའི་གོས་དང་རྣམ་པ་སྣ་ཚོགས་པ་རྣམས་དང་། རྣམ་པ་སྣ་ཚོགས་པའི་དོ་ཤལ་རྣམས་དང་། དེ་ལ་འོས་པར་གྱུར་པའི་རྣམ་པ་སྣ་ཚོགས་པའི་རྒྱན་རྣམས་དང་། ཉལ་བའམ་རབ་ཏུ་སད་པར་གྱུར་པ་ན་ཡང་ཐོས་ན་དགའ་བར་འགྱུར་བ་ཡིད་དུ་འོང་
D287.071.0212b04.01བ་ལས་ཀྱང་ཡིད་དུ་འོང་བར་གྱུར་པའི་སྒྲ་མ་འདྲེས་པ་རྣམས་རྣམ་པ་སྣ་ཚོགས་པའི་བྱ་བརྒྱ་སྟོང་དུ་མ་རྣམས་ཀྱིས་སྒྲོགས་པར་བྱེད་དོ། །རིགས་བརྒྱ་ཕྲག་དུ་མའི་པད་མའི་རྫིང་བུ་རྣམས་ཀྱི་དྲི་ཞིམ་པོ་རྣམས་ཀྱང་རྟག་ཏུ་སྣོམ་པར་བྱེད་དོ། །སྐྱ་བོར་སྣང་བའི་སྐྱེས་བུ་རྣམས་ཀྱིས་དེ་ལྟར་
D287.071.0212b05.01བཟང་པོའི་ལས་ཀྱི་འབྲས་བུ་སྤྲུལ་པའི་བདེ་བ་རྣམས་ཉམས་སུ་མྱོང་བར་བྱེད་དོ། །དེ་བཞིན་དུ་དམན་པ་དང་། བར་མ་དང་། མཆོག་ཏུ་ལེགས་པར་བྱས་པ་རྣམས་ཀྱང་ཡིན་ནོ། །གཞན་ཡང་རྣལ་འབྱོར་སྤྱོད་པ་པ་ལས་ཀྱི་ཆོས་ཀྱི་རྣམ་པར་སྨིན་པ་ལ་རྗེས་སུ་ལྟ་བར་བྱེད་དེ། ཀྱེ་མ་
D287.071.0212b06.01ཇི་ལྟར་ན་སེམས་ཅན་འདི་དག་རྣམས་ཀྱིས་ལེགས་པར་བྱས་པའི་ལས་ཟད་པ་རྗེས་སུ་མ་མཐོང་བ་ཡིན། འདི་དག་རྣམས་ཀྱི་མངོན་སུམ་དུ་མ་གྱུར་པ་ཡིན་ནམ་ཅེ་ན། ཇི་ལྟར་སྐྱེ་བའི་སྡུག་བསྔལ་ནི་དང་པོ་ཉིད་དུ་ཕ་མ་གཉིས་ཀྱི་ཁུ་ཆུ་དང་ཁྲག་དེ་དག་གཉིས་ཀྱིས་མི་སྟོང་པར་གྱུར་པའི་
D287.071.0212b07.01