完整藏文原文 · 德格版页 当前仅加载第 71 函德格 115b 版页；藏文 NFD、目录标记与异常页序保留在来源切片中，重复版页行以稳定序号区分。
མཐོ་འཚམ་པ་ཡང་མེད་དོ། །རང་གི་ཡུལ་གྱི་ལྷ་རྫས་རྣམས་ཀྱིས་ཉིན་དང་མཚན་དུ་འཕེལ་བར་བྱེད་དོ། །ལེགས་པར་བྱས་པའི་ལས་བྱས་པ་རྣམས་ནི་འདོད་པའི་ཡོན་ཏན་ལྔ་འབྱོར་ཞིང་རྫོགས་པ་རབ་ཏུ་ལྡན་པར་གྱུར་པ་ཡིན་ཏེ། དེ་དག་རྣམས་ནི་ཐམས་ཅད་དུ་འགྱུར་བ་ཡིན་ནོ། །དེ་ལྟར་རྣལ་
D287.071.0115b01.01འབྱོར་སྤྱོད་པ་ལུས་ལ་ལུས་ཀྱི་རྗེས་སུ་ལྟ་ཞིང་གནས་སོ། །གཞན་ཡང་རྣལ་འབྱོར་སྤྱོད་པ་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། ཇི་ལྟར་སུམ་ཅུ་རྩ་གསུམ་པའི་ལྷ་རྣམས་ཀྱི་ལུས་ཡིན་ཞིང་ཡུལ་རྣམས་ལ་ཡང་ཇི་ལྟར་འཇུག་པ་ཡིན་ན། དེས་ཐོས་པ་ལས་བྱུང་བའི་ཤེས་རབ་
D287.071.0115b02.01བམ་ལྷའི་མིག་གིས་མཐོང་བར་གྱུར་པ། ཇི་ལྟར་རྒྱལ་ཆེན་བཞིའི་ལྷ་རྣམས་ཀྱི་ཡུལ་གྱི་བདེ་བ་དེ་དག་རྣམས་ལས་སུམ་ཅུ་རྩ་གསུམ་པའི་ལྷ་རྣམས་ཀྱི་འདོད་པར་གྱུར་པའི་སྒྲ་དང་། རེག་བྱ་དང་། རོ་དང་། གཟུགས་དང་། དྲི་རྣམས་ནི་སྟོང་འགྱུར་དུ་གྱུར་པ་ཡིན་ནོ། །དེ་ཅིའི་ཕྱིར་ཞེ་ན།
D287.071.0115b03.01རྒྱལ་ཆེན་རིས་བཞིའི་ལྷ་རྣམས་ཀྱི་དྲུང་ན་སུམ་ཅུ་རྩ་གསུམ་པ་རྣམས་ཀྱིས་ནི་ཤིན་ཏུ་འདོད་པར་གྱུར་པ་དང་། ཤིན་ཏུ་ཕལ་ཆེ་བ་དང་། རབ་ཏུ་དགའ་བར་གྱུར་པ་དང་། མཆོག་ཏུ་ཡིད་དུ་འོང་བ་དང་། ཁྱད་པར་དུ་འཕགས་པའི་ལས་རྣམས་སུམ་ཅུ་རྩ་གསུམ་པའི་ལྷས་བྱས་པའི་
D287.071.0115b04.01ཕྱིར་རོ། །དེ་ཅིའི་ཕྱིར་ཞེ་ན། སུམ་ཅུ་རྩ་གསུམ་པའི་ལྷ་རྣམས་ནི་ལེགས་པར་བྱས་པའི་ཕུལ་དུ་བྱུང་བ་ཡིན་པའི་ཕྱིར་ན་རྒྱལ་ཆེན་རིས་བཞི་པ་རྣམས་ཀྱིས་ནི་སུམ་ཅུ་རྩ་གསུམ་གྱི་ལྷ་རྣམས་ཀྱི་བདེ་བའི་དབང་དུ་བྱས་ནས་མཉམ་པར་ནུས་པ་ཡང་མ་ཡིན་ནོ། །དེ་ལྟར་རྣལ་འབྱོར་སྤྱོད་པ་
D287.071.0115b05.01པ་ཞིབ་མོར་ལུས་ལ་ལུས་ཀྱི་རྗེས་སུ་ལྟ་ཞིང་གནས་པ་ཡིན་ནོ། །གཞན་ཡང་རྣལ་འབྱོར་སྤྱོད་པ་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། ཇི་ལྟར་དམྱལ་བ་པའི་སྐྱེ་བོ་རྣམས་ཀྱི་ལུས་ཡིན་ན། ཡང་སོས་དང་། ཐིག་ནག་དང་། བསྡུས་འཇོམས་དང་། ངུ་འབོད་དང་། ངུ་འབོད་
D287.071.0115b06.01ཆེན་པོ་དང་། ཚ་བ་དང་། རབ་ཏུ་ཚ་བ་དང་། མནར་མེད་པ་དང་། དམྱལ་བ་ཆེན་པོ་རྣམས་དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ། མི་འདོད་པ་དང་། མི་སྡུག་པ་དང་། ཡིད་དུ་མི་འོང་བར་གྱུར་པའི་ལས་རྣམ་པ་གསུམ་པོ་ལུས་ཀྱིས་དང་ངག་
D287.071.0115b07.01