完整藏文原文 · 德格版页 当前仅加载第 71 函德格 84b 版页；藏文 NFD、目录标记与异常页序保留在来源切片中，重复版页行以稳定序号区分。
པས་རྒྱགས་པ་ལ་དོན་གཅིག་པའི་བུད་མེད་རྣམས་ཀྱིས་ཡོངས་སུ་བསྐོར་ནས་མྱོས་བྱེད་ཀྱི་བཏུང་བ་ཀུན་ཏུ་སྟེན་པར་བྱེད་དེ། མྱོས་པའི་སྐྱོན་རྣམས་དང་བྲལ་བར་གྱུར་པ་རབ་ཏུ་དགའ་བའི་ལྷ་རྣམས་ཕྱིར་ཞིང་ཕྱིར་ཞིང་དེ་ཉིད་ཀྱིས་རབ་ཏུ་དགའ་བ་ཀུན་ཏུ་སྐྱེད་པར་བྱེད་པ་འབའ་ཞིག་
D287.071.0084b01.01ཡིན་ནོ། །ཡོན་ཏན་དེ་ལྟ་བུ་རྣམས་དང་ལྡན་པའི་ཡུལ་གྱིས་རབ་ཏུ་དགའ་བའི་དུ་བ་དང་མེས་སླར་ཡང་ཉིས་འགྱུར་དུ་སྲེག་པར་བྱེད་དོ། །དེ་ནས་དེ་ལྟར་ཀུན་ཏུ་གནས་པའི་ལྷ་དེ་དག་རྣམས་ལ། དེ་ཁོ་ན་ཉིད་རིག་པ་ཞེས་བྱ་བའི་བྱས་ཚིགས་སུ་བཅད་པ་འདོན་པར་བྱེད་པ་ལ།
D287.071.0084b02.01ཇི་ལྟར། འབར་བ་ལྔ་ལ་རབ་ཆགས་པའི། །སྲེད་པའི་རླུང་གིས་བདས་པ་ཡི། །བག་མེད་མེ་ཡིས་ལྷ་རྣམས་ནི། །འདོད་པས་རྨོངས་ནས་སྲེག་པར་བྱེད། །སྔ་མའི་ལས་ནི་ཟད་པར་འགྱུར། །གསར་པ་ཉིད་ཀྱང་ཉེར་མི་སྤེལ། །དེ་ཟད་ནས་ནི་ལྟུང་བར་ཡང་། །
D287.071.0084b03.01ལྷ་རྣམས་ཐམས་ཅད་མཐོང་བ་ཡིན། །འཆི་བའི་དུས་ནི་ཉེར་བྱུང་ན། །སྡུག་བསྔལ་གྱིས་ནི་སེམས་ཉེར་བཅོམ། །གང་ཡང་དགེ་བ་མ་གཏོགས་པ། །སྐྱབས་གཞན་རྣམས་ནི་ངས་མ་མཐོང་། །བུད་མེད་ཆེད་ཆེར་ལྟ་བ་དང་། །རྙེད་དང་ལོངས་སྤྱོད་ལ་རབ་ཆགས། །
D287.071.0084b04.01རང་གི་སེམས་ཀྱིས་བསླུས་པ་ཡི། །ཐ་མའི་གནས་སུ་མྱུར་འགྲོ་འགྱུར། །གསོན་པ་འཆི་བའི་མཐའ་ཡིན་པ། །དེ་དག་རྣམས་ཀྱིས་གོ་འམ་ཅི། །འདོད་པ་རྣམས་ནི་རབ་འཇིག་ཅིང་། །རྟག་པ་ལ་ཡང་འཐད་པ་མེད། །ཡུལ་གྱིས་རྣམ་པར་བཤིག་པ་དང་། །
D287.071.0084b05.01རང་ལས་ཀྱིས་ཀྱང་བསླུས་པ་ཡིན། །སྲེད་པས་ཉེ་བར་བཅོམ་པའི་སེམས། །ལྷ་རྣམས་ཚེ་ནི་འགྲོ་བ་ཡིན། །རྩིག་པ་ཞིག་པ་ཇི་བཞིན་དུ། །རི་མོའི་ལས་ཀུན་རབ་ཏུ་འཇིག །ལས་རྣམས་ཟད་པས་དེ་བཞིན་དུ། །ལྷ་རྣམས་འཇིག་པར་འགྱུར་བ་ཡིན། །
D287.071.0084b06.01དབང་པོ་རྣམས་ཀྱང་ཡུལ་རྣམས་ཀྱིས། །ངོམས་པ་ནམ་ཡང་ཡོད་མ་ཡིན། །མར་སར་བླུགས་པར་གྱུར་པ་ཡི། །འབར་བའི་རིམ་པ་ཇི་བཞིན་ནོ། །དེ་ལྟར་བྱ་དེས་ལྷ་དེ་དག་རྣམས་ཀྱི་བག་མེད་པའི་ཡིད་འཇོམས་པ་ཆོས་དང་ལྡན་པས་ཀུན་ཏུ་རྟོགས་པར་བྱེད་པའི་ཚིགས་སུ་
D287.071.0084b07.01