'phags pa dam pa'i chos dran pa nye bar gzhag pa/
当前为德格木刻版 188a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 188a
- 可引用原文
- 7 行
- 全文规模
- 全经 15132 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 4 函第 71 函 · 德格 188a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ། གསེར་གྱི་རི་བོ་སྟོང་ཕྲག་དྲུག་ཅུ་པ་རྣམས་ལ་གསེར་ས་ལེ་སྦྲམ་གྱི་རང་བཞིན་གྱི་ལྗོན་ཤིང་གིས་ཉེ་འཁོར་རྣམས་ཡོངས་སུ་ཁྱབ་པར་གྱུར་པ་དང་། {རི་དགས་,རི་དྭགས་}དང་བྱ་རྣམས་ཀྱིས་ཀྱང་ཀུན་དུ་གང་བར་གྱུར་པའི་ལྷའི་མེ་ཏོག་རྣམས་ཀྱིས་ཀྱང་ཀུན་དུ་རྒྱས་པར་གྱུར་པ། གསེར་གྱི་པད་མ་རྣམས་དང་པད་མའི་རྫིང་བུ་རྣམས་ཀྱིས་ཀྱང་རྟག་པར་ཡོངས་སུ་རྫོགས་པར་གང་བའི་ཆུ་སྟེ། རང་ཉིད་ཀྱི་འོད་ཀྱི་གཟི་བརྗིད་ཀྱིས་དེ་དག་རྣམས་ཀྱི་དབུས་ན་གནས་པར་གྱུར་པའི་རི་དེ་ནི་རི་རབ་ལྷུན་པོ་ཞེས་བྱ་བ་ཕྲེང་བ་ཐོགས་པ་
རྣམས་དང་། ལག་ན་གཞོང་པ་ཐོགས་པ་རྣམས་དང་། པི་ཝང་གསུམ་པ་རྣམས་དང་། རྒྱལ་ཆེན་རིས་བཞི་པ་རྣམས་དང་བཅས་པའི་ལྷ་རྣམས་ཀུན་གྱི་གནས་ཡིན་ནོ། །དེ་ལ་དཔག་བསམ་གྱི་ཤིང་ཡོད་པ་རྣམས་ལས་ནི་ལྷའི་འཇིག་རྟེན་པ་རྣམས་ཀྱི་གང་ཁོ་ན་ཡིད་ཀྱིས་བརྟགས་པར་གྱུར་པ་དེ་དག་རྣམས་ཤིང་དེ་ལས་འཐོབ་པར་འགྱུར་རོ། །བྱ་དང་{རི་དགས་,རི་དྭགས་}རྣམས་ཐམས་ཅད་དང་། གསེར་གྱི་མེ་ཏོག་རྣམས་དང་། མན་དཱ་ར་བ་དང་། པད་མ་ཀུ་ཤེ་ཤཱ་དང་རྣམས་ཀྱང་རུང་སྟེ། ངོས་བཞི་ལ་ཚལ་བཞི་པོ་རྣམས་འདི་ལྟ་སྟེ་དགའ་བའི་ཚལ་དང་། ཤིང་རྟ་སྣ་ཚོགས་ཀྱི་ཚལ་དང་། རྩུབ་
འགྱུར་དང་། ཡོངས་སུ་འདྲེས་པ་དང་རྣམས་སོ། །ནགས་དེ་ན་ནི་ཡོངས་འདུ་ཞེས་བྱ་བ་ཤིང་གི་རྒྱལ་པོ་ཡོད་པ་གང་གི་རྩ་བར་ལྷ་རྣམས་དབྱར་ཟླ་བ་བཞིར་ལྷའི་འདོད་པའི་ཡོན་ཏན་ལྔས་ཀུན་དུ་ཚིམ་ཞིང་ཡང་དག་པར་ལྡན་པར་གྱུར་པས་རྩེ་དགའ་བར་བྱེད་དོ། །དེ་ན་རྒྱལ་ཆེན་རིས་བཞིའི་ལྷ་དེ་དག་རྣམས་ཀྱིས་དགའ་བ་རྣམ་པ་སྣ་ཚོགས་པའི་རང་བཞིན་གྱི་ཕུན་སུམ་ཚོགས་པ་རྣམས་ཐོབ་ནས་ལྷ་རྣམས་སྐྱེད་མོས་ཚལ་གྱི་ལྟད་མོ་ཉམས་སུ་མྱོང་བར་བྱེད་དོ། །རྩུབ་འགྱུར་གྱི་ཚལ་དུ་ནི་རྣམ་པ་སྣ་ཚོགས་ཀྱི་ལས་བྱས་པའི་རང་བཞིན་གྱི་ཕུན་སུམ་ཚོགས་པ་རྣམས་ཐོབ་ནས་ཤིང་རྟ་རྣམ་པ་སྣ་
ཚོགས་པ་རྣམས་ཀྱིས་སྐྱེད་མོས་ཚལ་གྱི་ལྟད་མོ་བྱེད་དོ། །ཤིང་རྟ་སྣ་ཚོགས་སུ་ནི་ཡོངས་སུ་དགའ་མགུ་བར་གྱུར་ནས་སྡུག་པའི་སྒྲ་དང་། རོ་དང་། གཟུགས་དང་། དྲི་རྣམས་ཀུན་དུ་ཚིམ་པར་གྱུར་པས་དགའ་བར་བྱེད་དོ། །དེ་ལ་དགའ་བའི་ཚལ་གྱི་ལོགས་དེ་ན་ནི་ལྷ་རྣམས་རྩེ་དགའ་བར་བྱེད་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D287
- 德格版页
- 188a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0287 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。