完整藏文原文 · 德格版页 当前仅加载第 71 函德格 83b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་ཏུ་སྐྱེ་བར་འགྱུར་རོ། །རྒྱུ་མཚན་དེས་ན་ལྷ་གསར་དུ་སྐྱེས་པ་དེ་སྔུན་གྱི་ལྷ་མེད་པར་ལྷ་མོ་དེ་དག་རྣམས་ཀྱིས་ལྷ་གསར་དུ་སྐྱེས་པ་དེ་ལ་ཉེ་བར་སྙེན་པར་བྱེད་དོ། །ཉེ་བར་འདྲེས་ནས་ཀྱང་ཀུན་ནས་དེ་ཡོངས་སུ་བསྐོར་ཅིང་གང་ན་ནགས་ཆེན་པོ་ཡོད་པ་དེར་ཉེ་བར་འགྲོ་བར་བྱེད་དོ། །
D287.071.0083b01.01རྒྱགས་པ་ལ་དོན་གཅིག་པས་བདེ་བར་རྒྱུ་བས་དེ་དག་རྣམས་ཐམས་ཅད་ཀྱང་གང་ན་ལྷའི་ཚོགས་དེ་དག་ཡོད་པ་དེར་ལེགས་པར་ཉེ་བར་འགྲོའོ། །དེ་ནས་ལྷའི་ཚོགས་དེ་དག་རྣམས་ཀྱིས་ལྷ་གསར་དུ་སྐྱེས་པ་དེ་མངོན་པར་མཐོང་ནས་ཆེས་རབ་ཏུ་དགའ་བར་གྱུར་པའི་ཡིད་ཀྱིས་ལྷན་
D287.071.0083b02.01ཅིག་སྤྱོད་པའི་འཁོར་རྣམས་དང་བཅས་ནས་རྫིང་བུ་དེ་ཉིད་དུ་ཕྱིན་པར་གྱུར་ཏོ། །བརྒྱ་ཕྲག་དང་དེ་ནས་སྟོང་ཕྲག་རྣམས་སུ་ཡང་སྟེ་ནགས་དང་ཉེ་བའི་ནགས་རྣམས་དང་ལྡན་པ་དང་། དཔག་བསམ་གྱི་ཤིང་རྣམས་དང་ལྡན་པ་ལ་བྱའི་ཚོགས་རྣམ་པ་དུ་མས་ཡོངས་སུ་གང་བ་རྣམས་དང་
D287.071.0083b03.01པད་མའི་རྫིང་བུ་བརྒྱ་སྟོང་གིས་རབ་ཏུ་བརྒྱན་པ་རྣམས་དང་། རྒྱགས་པའི་ཀ་རཎྜ་བ་དང་། ངང་ངུར་དག་གིས་ཉེ་བར་མཛེས་པ་རྣམས་དང་། ཡོན་ཏན་དུ་མ་བརྒྱ་སྟོང་འདི་དག་རྣམས་ཀྱིས་བརྒྱན་པས་དགའ་བར་འགྱུར་བའི་རྫིང་ཆེན་པོ་དེར་དེ་དག་རྣམས་དུས་རིང་དུ་སྟེ། རྔ་སྐད་ཡན་ལག་
D287.071.0083b04.01ལྔ་པ་དང་ལྷ་རྫས་ཀྱི་འདོད་པའི་ཡོན་ཏན་ལྔས་དུས་ཤིན་ཏུ་རིང་བར་ཡུལ་རྣམས་ལ་རྗེས་སུ་ལོངས་སྤྱད་ནས་སླར་ཡང་ཡུལ་དེ་དག་ཉིད་ཀྱིས་ངོམས་པར་མ་གྱུར་པས་ནགས་དེ་ཉིད་དུ་རྣམ་པར་རྒྱུ་བར་བྱེད་པ་ལས། གང་ན་ཉེ་འཁོར་ཀུན་ཏུ་སྣང་བར་བྱེད་པ་ཞེས་བྱ་བའི་རི་བོ་ཡོད་པ་དེར་
D287.071.0083b05.01ལེགས་པར་ཉེ་བར་འགྲོའོ། །བདེ་བར་རྒྱུ་བའི་དོན་གྱིས་གར་བྱེད་པར་གྱུར་པ་དང་། རྒོད་པར་གྱུར་པས་པད་མའི་རྫིང་བུ་ནས་པད་མའི་རྫིང་བུ་རྣམས་དང་། ནགས་ནས་ནགས་རྣམས་སུ་དང་། ཉེ་བའི་ནགས་ནས་ཉེ་བའི་ནགས་རྣམས་སུ་དང་། འབབ་ཆུ་ནས་འབབ་ཆུ་
D287.071.0083b06.01རྣམས་སུ་དང་། རིའི་མཐོ་ས་ནས་རིའི་མཐོ་ས་རྣམས་སུ་དང་། རིའི་བང་རིམ་ནས་རིའི་བང་རིམ་རྣམས་ལ་དང་། རིའི་གསེབ་ནས་རིའི་གསེབ་རྣམས་སུ་དང་། འཁྲི་ཤིང་གི་ཚང་ཚིང་ནས་འཁྲི་ཤིང་གི་ཚང་ཚིང་རྣམས་ལ་དང་། མེ་ཏོག་གི་ནགས་ནས་མེ་ཏོག་གི་ནགས་རྣམས་སུ་
D287.071.0083b07.01