完整藏文原文 · 德格版页 当前仅加载第 71 函德格 143a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་རོ། །གལ་ཏེ་ལྒང་པག་རེངས་པར་བྱེད་པའི་རླུང་མི་འཁྲུགས་ན་ནི་ཇི་སྐད་དུ་བཤད་པར་གྱུར་པའི་ནད་དེ་དག་རྣམས་རབ་ཏུ་འབྱུང་བར་མི་འགྱུར་རོ། །དེས་ལྒང་པག་རེངས་པར་བྱེད་པའི་རླུང་ལ་སོ་སོར་བརྟགས་པར་གྱུར་པས་ཀྱང་ཡང་དག་པ་ཇི་ལྟ་བ་བཞིན་དུ་ལུས་
D287.071.0143a01.01སོ་སོར་རིག་པར་བྱེད་དོ། །གཞན་ཡང་རྣལ་འབྱོར་སྤྱོད་པ་ནང་གི་བདག་ཉིད་ཀྱི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། བདག་གི་རླུང་གཞན་གང་དག་གིས་འཁྲུགས་པར་གྱུར་པ་དང་། འཁྲུགས་པར་མ་གྱུར་པ་ན་ལས་ཅི་ཞིག་བྱེད་པ་ཡིན་ན། དེས་ཐོས་པ་ལས་བྱུང་བའི་
D287.071.0143a02.01ཤེས་རབ་ཀྱིས་སམ། ལྷའི་མིག་གིས་མཐོང་བར་གྱུར་པ། བཤང་བ་སྐམ་པོར་བྱེད་པ་ཞེས་བྱ་བའི་རླུང་བདག་གི་ལུས་ལ་རབ་ཏུ་གནས་ཏེ། དེ་བདག་ལ་འཁྲུགས་པ་དང་། མ་འཁྲུགས་པ་ན་ལས་ཅི་ཞིག་བྱེད་པ་ཡིན་པ་ཡང་། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་
D287.071.0143a03.01ལྷའི་མིག་གིས་མཐོང་བར་གྱུར་པ་ལ། བདག་གི་བཤང་བ་ཀུན་དུ་སྐམས་པར་བྱེད་པ་ཞེས་བྱ་བའི་རླུང་གལ་ཏེ་འཁྲུགས་པར་གྱུར་ན། དེས་བདག་གལ་ཏེ་རབ་ཏུ་ཕལ་ཆེ་བའི་བཟའ་བར་བྱ་བ་དང་། བཅའ་བར་བྱ་བ་རྣམས་བསོད་པར་གྱུར་པའི་འདུ་ཤེས་སུ་བྱས་ནས་མང་དུ་ཟས་
D287.071.0143a04.01སྐོམ་རྣམས་མིད་པར་གྱུར་པ་ན། དེ་ལུས་ཀྱི་གསེབ་ཏུ་སོང་བར་གྱུར་ནས་དང་། འགྲམ་སོའི་གསེབ་ཏུ་སོང་བར་གྱུར་ནས་དང་། ལུས་ཀྱི་གསེབ་ན་གནས་པ་དང་། མནན་པའི་བར་དུ་གནས་པ་དང་། ལུས་ཐམས་ཅད་ཀྱི་གསེབ་ཏུ་སོང་བར་གྱུར་ནས་ཀྱང་བདག་ལ་ལྷང་
D287.071.0143a05.01ཀྱོག་དུ་བྱེད་དོ། །ངའི་བཤང་བ་ཡང་སྐམ་པར་བྱེད་དོ། །ཞག་གཉིས་སམ། ཞག་གསུམ་མམ། ཞག་བཞིར་ཡང་བདག་གི་རྟུག་པ་གཏང་བར་མི་ནུས་སོ། །གལ་ཏེ་བདག་གིས་ནུས་པར་གྱུར་ན་ཡང་ཚོར་བ་ཆུང་ངུ་བདག་ལ་འབྱུང་བར་འགྱུར་རོ། །གལ་ཏེ་ཡང་
D287.071.0143a06.01བདག་གི་བཤང་བ་སྐམས་པར་བྱེད་པའི་རླུང་དེ་འཁྲུགས་པར་མ་གྱུར་ན་ནི། ཇི་སྐད་དུ་བཤད་པའི་ནད་དེ་དག་རྣམས་རབ་ཏུ་འབྱུང་བར་མི་འགྱུར་རོ། །བཤང་བ་ཀུན་དུ་སྐམ་བྱེད་ཀྱི་རླུང་ལ་སོ་སོར་བརྟགས་པར་གྱུར་པས་ཀྱང་ཡང་དག་པ་ཇི་ལྟ་བ་བཞིན་དུ་ལུས་སོ་སོར་རིག་པར་བྱེད་
D287.071.0143a07.01