完整藏文原文 · 德格版页 当前仅加载第 71 函德格 13a 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱོན་གྱི་ཕ་རོལ་འགྲོ་བར་འགྱུར། །ཤེས་རབ་རི་ཡི་རྩེར་སོང་ནས། །ཚུལ་ཁྲིམས་ཕུག་ནི་མཛེས་པ་ལས། །སྲིད་པའི་སྐྱོན་ནི་འདི་དག་ཀུན། །གཞལ་དུ་མེད་པའི་མིག་གིས་མཐོང་། །སྐྱེས་བུ་ཆོས་སྤངས་པ་དེ་ནི། །ཕྱི་དང་ནང་ཡང་སྟོང་པ་ཡིན། །གང་
D287.071.0013a01.01དག་ཆོས་ནི་མི་འདོད་པ། །དབུ་བ་བཞིན་དུ་སྙིང་པོ་མེད། །ཕྱི་དང་ནང་ཡང་སྙིང་པོ་དེ། །སྐྱེས་བུ་རྡོ་རྗེ་ལྟར་བརྟན་པ། །གང་དག་ཞི་བའི་ཆོས་སྤྱོད་པ། །སེམས་ཅན་གཞན་ལ་ཕན་པ་ཡིན། །བག་མེད་འདམ་དུ་བྱིང་བ་ཡི། །མི་གང་ཡུལ་ལ་སྤྱོད་པ་ནི། །རྨོངས་
D287.071.0013a02.01པ་དེ་ནི་སྲིན་བུས་ཟོས། །བདེ་བ་མཆོག་གི་སྐལ་ལྡན་མིན། །དེ་ཕྱིར་བདེ་དོན་གཉེར་སྐྱེས་བུས། །བག་མེད་རྗེས་སུ་བསྟེན་མི་བྱ། །བག་མེད་འཇིགས་པ་དང་བྲལ་བར། །གནས་པའི་བདེ་བ་དཔག་ཏུ་མེད། །དཔྱོད་པ་པོས་ནི་བག་མེད་ལ། །རྗེས་སུ་ཡིད་བརྟན་མ་བྱེད་
D287.071.0013a03.01ཅིག །དེས་བལྟས་པ་ཡི་མི་རྣམས་ནི། །འགྲོ་བ་ལྔར་ནི་འཁོར་བ་ཡིན། །དེ་ལྟར་དེ་དག་གིས་ལྷ་དེ་དག་རྣམས་ལ་རྗེས་སུ་གདམས་པར་བྱེད་པའི་ཚིགས་སུ་བཅད་པ་རྣམས་ཀྱིས་རྗེས་སུ་འདོམས་པར་བྱེད་དོ། །དེ་ལྟར་རྟོགས་པར་བྱེད་པར་གྱུར་ན་ཡང་ཀུན་ཏུ་རིག་པ་ཡང་མ་ཡིན་ཏེ།
D287.071.0013a04.01དེ་དག་འདོད་པའི་བདེ་བ་རྣམས་ཀྱིས་ཀུན་ཏུ་མི་རྟོགས་སོ། །དེ་དག་རྣམས་ཀྱིས་དེ་དག་རྣམས་ལ་བརྩི་བགྲངས་མ་བྱས་པས་ཕྱིར་ཡང་དེ་ཁོ་ན་ལྟར་གར་བྱེད་པར་གྱུར་ཅིང་འདོད་པའི་དགའ་བ་རྣམས་ལ་རྣམ་པར་ཆགས་པར་གྱུར་ཏོ། །དེ་ནས་བློ་རྟག་ཏུ་མཉམ་པར་བཞག་པ་སེམས་
D287.071.0013a05.01ཅན་རྣམས་ཐམས་ཅད་ལ་གཅིག་ཏུ་ཕན་པ་བྱེད་པ། གཅིག་པུ་ལ་བློ་མཉམ་པར་བཞག་པའི་བྱང་ཆུབ་སེམས་དཔའ་དུས་{བཟངས་,བཟང་}དེ་ངང་པ་དེ་དག་གི་ནང་དུ་སོང་བར་གྱུར་ཏོ། །དེ་གལ་ཏེ་ན་སྐལ་བ་འཐུན་པར་གྱུར་པ་ཉིད་ཀྱི་ཕྱིར་བྱ་དེ་དག་གི་དབུས་སུ་དགའ་བར་བྱེད་དོ། །གལ་ཏེ་
D287.071.0013a06.01ན་ཕུག་བཟང་པོ་དེར་རང་ཉིད་གཅིག་པུ་ཞིག་བློ་ལེགས་པར་མཉམ་པར་བཞག་པས་ཆོས་སེམས་པར་བྱེད་དོ། །དེ་ལྟར་བྱའི་རྒྱལ་པོ་དུས་{བཟངས་,བཟང་}འདི་རྩེ་དགའ་བར་བྱེད་པ་ཉིད་དང་ལྷན་ཅིག་རྗེས་སུ་སྤྱོད་པའི་ངང་པ་གཞན་རྣམས་ཆོས་ཀྱི་གཏམ་རྣམས་ཀྱང་བྱེད་དོ། །བྱའི་ཚོགས་དེ་དག་
D287.071.0013a07.01