完整藏文原文 · 德格版页 当前仅加载第 71 函德格 219a 版页；藏文 NFD、目录标记与异常页序保留在来源切片中，重复版页行以稳定序号区分。
གསལ་བ་དང་། གང་ཀ་ར་དང་། དེ་ལྟ་བུ་ལ་སོགས་པའི་གྲོང་རྣམས་ཡིན་ནོ། །དབུས་ཀྱི་གྲོང་ཁྱེར་གྱི་གཙོ་བོ་རྣམས་ཀྱང་འདི་ལྟ་སྟེ། བྱ་བ་མེད་པ་དང་། སེམས་སོང་བ་དང་། ཀུན་ཏུ་ཉམས་པའི་སྟོབས་ཀྱི་མཐའ་དང་ཨ་ཎི་རའོ། །ཡུལ་ལྗོངས་ཀྱི་གཙོ་
D287.071.0219a01.01བོ་རྣམས་ལ་འདི་ལྟ་སྟེ། འཛམ་བུའི་གླིང་ན་ཀ་ཤི་དང་། ཀོ་ཤ་ལ་དང་། མ་ག་དྷཱའོ། །དེ་བཞིན་དུ་ཇི་ལྟར་ནུབ་ཀྱི་བ་ལང་སྤྱོད་ཀྱི་གླིང་གི་གཙོ་བོར་གྱུར་པའི་ཡུལ་ལྗོངས་རྣམས་འདི་ལྟ་སྟེ། མི་ཐི་ལོ་ཞེས་བྱ་བའི་ཡུལ་ལྗོངས་དང་། ཏཎྜིཞེས་བྱ་བའི་ཡུལ་ལྗོངས་དང་། ཙ་ཏུ་རོ་
D287.071.0219a02.01ཞེས་བྱ་བའི་ཡུལ་ལྗོངས་དང་། ཀོ་རཎྜོ་ཞེས་བྱ་བའི་ཡུལ་ལྗོངས་དང་། སེམས་ཀྱི་དྲི་མ་ཞེས་བྱ་བའི་ཡུལ་ལྗོངས་དང་། རི་རབ་ཏུ་རྒྱུ་བ་ཞེས་བྱ་བའི་ཡུལ་ལྗོངས་དང་། དེ་དག་རྣམས་ནི་ཇི་ལྟར་ཡུལ་ལྗོངས་ཀྱི་གཙོ་བོར་གྱུར་པ་རྣམས་ཡིན་ནོ། །བ་ལང་སྤྱོད་ཀྱི་ཡུལ་ལྗོངས་རྣམས་
D287.071.0219a03.01ཐམས་ཅད་བསྡུས་པར་གྱུར་ན་ནི་ཡུལ་ཉི་ཤུ་རྩ་ལྔ་ཡིན་ནོ། །ཇི་ལྟར་འཛམ་བུའི་གླིང་གི་ཡུལ་ལྗོངས་{བཅྭ་,བཅོ་}བརྒྱད་བཞིན་ནོ། །བ་ལང་སྤྱོད་ཀྱི་གླིང་ན་ཆུ་བོ་ཆེན་པོ་ལྔ་ཡིན་ནོ། །འདི་ལྟ་སྟེ། ཡངས་པ་ཅན་དང་། ཙུན་ཙུམྤ་ཏཱི་དང་། ཟླ་བའི་ཤུགས་དང་། ཆུ་བཟང་པོ་དང་། ཀུན་
D287.071.0219a04.01ཏུ་འདྲེས་པའོ། །དཔེར་ན་འཛམ་བུའི་གླིང་གི་ཆུ་བོ་ཆེན་པོ་བཞི་བཞིན་ཏེ། འདི་ལྟ་སྟེ། གང་གཱ་དང་། ཡ་མུ་ན་དང་། པཀྵུ་དང་། སིཏཱའོ། །ནུབ་ཀྱི་བ་ལང་སྤྱོད་ཀྱི་གླིང་གི་རི་ཆེན་པོ་ལྔ་ལ་འདི་ལྟ་སྟེ། ནཱ་ཌོ་ཌཱི་ན་དང་། རྭ་གསུམ་པ་དང་། ནོར་བུའི་རྟ་བབས་དང་། པར་བརྒྱ་
D287.071.0219a05.01པ་དང་། རྩུབ་པ་དང་རྣམས་སོ། །ཇི་ལྟར་འཛམ་བུའི་གླིང་ན་རི་ཆེན་པོ་རྣམས་ལ་འདི་ལྟ་སྟེ། གངས་ཅན་དང་། འབིགས་བྱེད་དང་། མ་ལ་ཡ་དང་། ཀཻ་ལཱ་ས་ར་དང་རྣམས་བཞིན་ནོ། །བ་ལང་སྤྱོད་ཀྱི་གླིང་གི་མཚོ་ཆེན་པོ་ནི་གསུམ་ཡིན་ནོ། །འདི་ལྟ་སྟེ། གམ་བྷི་
D287.071.0219a06.01ར་ཛ་ལང་དང་། བར་མེད་པ་དང་། གམ་བྷི་རོ་དཀར་རྣམས་ཏེ། ཇི་ལྟར་འཛམ་བུའི་གླིང་གི་མ་དྲོས་པ་དང་། མ་ཕམ་དང་མཚོ་ཆེན་པོ་གཉིས་བཞིན་ནོ། །གཞན་ཡང་རྣལ་འབྱོར་སྤྱོད་པ་ཕྱི་རོལ་གྱི་ལུས་ཀྱིས་ལུས་ལ་རྗེས་སུ་ལྟ་ཞིང་གནས་ཏེ། ནུབ་ཀྱི་བ་ལང་སྤྱོད་པའི་མི་
D287.071.0219a07.01