完整藏文原文 · 德格版页 当前仅加载第 71 函德格 35b 版页；藏文 NFD、目录标记与异常页序保留在来源切片中，重复版页行以稳定序号区分。
གཟི་བརྗིད་རྣམས་ཉེ་བར་བཅོམ་པར་གྱུར་ཏོ། །ཡིད་ཀྱི་རྒྱལ་སྲིད་ཕབ་པར་བྱས་པ་དང་། ནམ་མཁའི་དཀྱིལ་དུ་འཕགས་ནས་དེ་མྱུར་དུ་འགྲོ་བ་ཡིན་པས་དུས་མི་རིང་བ་དང་། གང་ན་གཞན་འཕྲུལ་དབང་བྱེད་ན་འདོད་པའི་ཁམས་པ་རྣམས་ཀྱི་དབང་ཕྱུག་བདུད་སྡིག་ཅན་
D287.071.0035b01.01ཡོད་པ་དེར་ཐམས་ཅད་ཀྱིས་ཕྱིན་ནོ། །དེ་ནས་བདུད་ཀྱིས་དེ་དག་ལ་འདི་སྐད་ཅེས་བརྗོད་དེ། བདུད་རྣམས་བྱ་བ་འགའ་ཞིག་བྱས་སམ། ཡིད་ལ་རེ་བ་དེ་དག་ཉིད་ཐམས་ཅད་ཡོངས་སུ་རྫོགས་ནས་ངའི་དྲུང་དུ་ཁྱེད་ཀྱིས་སླེབ་པ་ཡིན་ནམ། དེ་ལྟར་ཐོས་ནས་དེས་བདུད་དེའི་
D287.071.0035b02.01དྲུང་དུ་འདི་སྐད་ཅེས་བརྗོད་དེ། ལྷ་ལགས་ཕར་ལ་གནོན་པའི་སྟོབས་རྣམས་ནི་ཇི་ལྟ་བ་བཞིན་དུ་ཉམས་ནས་བདག་ཅག་ལྷའི་རིགས་འདིར་རྗེས་སུ་སླེབ་པར་གྱུར་ཏོ། །འཐབ་བྲལ་གྱི་བདག་པོ་དེ་གོམ་པ་གཅིག་ཀྱང་བསྐྱོད་པར་བདག་ཅག་གིས་བདག་ཅག་ལ་མ་ནུས་ཏེ། དེ་
D287.071.0035b03.01བཞིན་དུ་འདི་དམ་པའི་ཆོས་ལ་ངེས་པར་དགའ་བའི་བློ་དང་ལྡན་པའི་ལྷན་ཅིག་སྤྱོད་པ་དེ་ལ་བདག་ཅག་གིས་ཅི་བྱར་ཡོད། བདུད་སྡིག་ཅན་གྱིས་དེ་ལྟར་ཐོས་པར་གྱུར་ནས་དེ་འདི་སྙམ་དུ་སེམས་ཏེ། གང་བག་མེད་པའི་ལྷ་ཆོས་ཐམས་ཅད་ལ་རབ་ཏུ་ཞུགས་པ་རྣམས་ངས་འདོད་
D287.071.0035b04.01པའི་སྤྱོད་པ་རྣམས་ལ་རབ་ཏུ་དགོད་པར་བྱའོ། །དེ་ལ་ཡང་བག་ཡོད་པ་དེ་དག་རྣམས་ཀྱི་དབང་གིས་འདི་རྣམས་ཉིད་ཐམས་ཅད་ཀྱི་ཕ་རོལ་གནོན་པའི་སྟོབས་རྣམས་ཉེ་བར་བཅོམ་ནས་ངའི་དྲུང་དུ་ཉེ་བར་འོངས་པ་ཡིན་ནོ། །དེ་ནས་འདི་དག་རྣམས་གོ་ནས་འདི་སྐད་ཅེས་བརྗོད་དེ།
D287.071.0035b05.01དུས་འདས་ནས་བྱེད་པའི་ཚིག་རྣམས་ཇི་ལྟར་དུས་གཞན་དུ་བདག་ཅག་གིས་བག་མེད་པར་ནུས་ཀྱི་འཐབ་བྲལ་གྱི་བདག་པོ་མུ་སུ་ལུན་དྷ་དེ་ལ་སོ་སོའི་ཐབས་རྣམས་བདག་གིས་བྱའོ། །དེའི་ཕྱིར་ན་ཁྱེད་མ་{རིངས་,རིང་}ཅིག་བདག་ཅག་ཐམས་ཅད་ཀྱིས་དུས་གཞན་ན། ཕྱིར་བཟློག་པར་བྱའོ་
D287.071.0035b06.01ཞེས་དེ་ལྟར་སྡིག་ཅན་དེས་དུས་གཞན་འཕེན་པར་བྱེད་པའི་ཚིག་རྣམས་བརྗོད་ནས་རྣམ་པར་གནས་ཏེ། མཚུངས་པ་མེད་པའི་ལྷ་རྫས་ཀྱི་འདོད་པ་རྣམས་ལ་རབ་ཏུ་ཆགས་པར་གྱུར་པས་བདེ་བར་གནས་སོ། །བག་མེད་པའི་ས་རྣམས་ལས་སླར་ཡང་རབ་ཏུ་སྤེལ་བར་མི་འགྱུར་བའི་
D287.071.0035b07.01