完整藏文原文 · 德格版页 当前仅加载第 71 函德格 63b 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་རྣམ་པར་དག །རྩེ་གཅིག་ཡིད་ལ་མངོན་པར་དགའ། །སེམས་གང་ཤིན་ཏུ་རྩེ་གཅིག་པ། །དེ་ནི་སྐྱོན་གྱིས་འཆིང་བ་མེད། །སྐྱོན་བཅས་འཇིགས་ལས་ངེས་གྲོལ་བ། །འདི་ལ་རང་བཞིན་གནས་ཞེས་བརྗོད། །རྩེ་གཅིག་ལ་ནི་མངོན་དགའི་སེམས། །རྣམ་རྟོག་
D287.071.0063b01.01ཉིད་ཀྱིས་སྒྲུབ་པ་མིན། །རྣམ་པར་རྟོག་ལས་རྣམ་གྲོལ་དེ། །མཛེས་པར་རང་བཞིན་གནས་པར་འགྱུར། །གང་གི་སེམས་ནི་རྟག་ཏུ་ཞི། །རྒྱུན་དུ་མྱ་ངན་འདས་མངོན་དགའ། །དེ་ནི་མི་དགེའི་རྒྱུ་རྣམས་ཀྱི། །དབང་སྐྱེས་སྐྱོན་ནི་འགྱུར་མ་ཡིན། །གང་ཡང་བསམ་
D287.071.0063b02.01གཏན་གྱིས་བྱས་བདེ། །གང་ཡང་ཏིང་འཛིན་ལས་སྐྱེས་བདེ། །དེ་ཀུན་རྩེ་གཅིག་བློ་ཡི་ནི། །རྟག་ཏུ་ལུས་ཅན་རྣམས་ལ་འགྱུར། །རྩེ་གཅིག་དགའ་བའི་སྡོམ་བརྩོན་གྱི། །བདེ་གང་སྙིང་ལ་སྐྱེ་བ་ནི། །དེ་འདིར་བདེ་བར་རྣམ་ཤེས་ཀྱིས། །འཇིག་རྟེན་པ་ཡི་བདེན་
D287.071.0063b03.01མིན་འདོད། །རྩེ་གཅིག་སེམས་ལ་མངོན་པར་དགའ། །རྣམ་པར་དག་པ་བྱས་ཉིད་དེ། །སྐྱོན་དྲི་ལས་ནི་རྣམ་གྲོལ་བའི། །དེས་ནི་ཞི་བ་རྟོགས་པར་འགྱུར། །རྟག་ཏུ་ཡིད་ནི་གཅིག་ཏུ་ངེས། །དབང་པོ་ལྔ་རྣམས་ཀུན་ཏུ་བསྡུས། །སྲེད་པའི་མེས་སྲེག་མི་བཟད་པ། །
D287.071.0063b04.01བློ་ཡི་ཡེ་ཤེས་ཆུ་ཡིས་འཇོམས། །སྲེད་པ་དང་ནི་ལྡན་མིན་ཏེ། །རྣམ་པར་དག་པའི་བདེ་འདོད་པ། །ཟད་མེད་འགྲིབ་པ་མེད་ཉིད་ཀྱི། །གོ་འཕང་མདུན་ན་གནས་དང་འདྲ། །རྣམ་པར་རྟོག་པ་གྱ་གྱུའི་སེམས། །གང་དང་གང་ལ་སྐྱེ་འགྱུར་བ། །གཅིག་ལ་དམིགས་པ་དང་
D287.071.0063b05.01ལྡན་པའི། །ཏིང་འཛིན་དེ་ཡིས་འཛིན་པར་བྱེད། །དེ་ཕྱིར་ཆོས་དེ་དག་གི་མཆོག །མྱ་ངན་འདས་གྲོང་འགྲོ་བ་ཡི། །གང་ནི་རྩེ་གཅིག་ཡིད་བྱས་ལ། །བདུད་ཀྱི་སྒྲུབ་བྱེད་གཞོམ་པར་གྱིས། །རབ་བརྟན་ཡེ་ཤེས་འོད་ཟེར་གྱིས། །ཡིད་ཀྱི་རྟ་ནི་བཏུལ་བཟུང་ནས། །མྱ་
D287.071.0063b06.01ངན་ཉོན་མོངས་བཅོམ་པ་ཡི། །མཆོག་གི་གནས་སུ་འགྲོར་འགྱུར་ཏེ། །སྙིང་པོ་དེ་ནི་བརྟན་རྣམས་ཀྱིས། །རྣལ་འབྱོར་མཆོག་ཏུ་འགྲོ་རྣམས་ཀྱིས། །རྩེ་གཅིག་ཡིད་ནི་གང་བྱས་པས། །གོ་འཕང་འཕོ་བ་མེད་པར་འགྲོ། །དེ་ལྟར་རྨ་བྱའི་བདག་པོ་དེས་རྣམ་པ་དུ་མར་ཆོས་སྟོན་
D287.071.0063b07.01