完整藏文原文 · 德格版页 当前仅加载第 71 函德格 163a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་གི་གཞང་ལ་ཀུན་དུ་རྒྱུ་བའི་རླུང་འཁྲུགས་པར་གྱུར་ན། དེས་བདག་གི་གཞང་ལ་འབྲུམ་བུའི་རིགས་ལྔ་དང་མཐུག་ཀོབ་ཏུ་གྱུར་པ་གསུམ་ཀུན་ནས་སྐྱེད་པར་བྱེད་དོ། །གཞང་ལ་ཀུན་དུ་བརྟེན་ནས་ཀྱང་རླུང་གིས་རྣག་རྣམས་འབྱིན་པར་བྱེད་དོ། །རྣམ་
D287.071.0163a01.01པར་སྲེག་པར་བྱེད་པ་དང་གཉིད་དུ་ཡང་འགྱུར་རོ། །རྒྱུས་པ་དང་གླད་ཕོར་དག་འཁྲུགས་ཅིང་འཁྲུགས་པར་ཡང་འགྱུར་རོ། །མེ་དྲོད་ཉམས་པར་ཡང་འགྱུར་བ་དང་། བདག་གི་ལྕེ་ཡང་རོ་ལ་སྲེད་པ་དང་བྲལ་བར་འགྱུར་རོ། །དེས་བཤང་བ་ལ་རྒྱུ་བའི་རླུང་ལ་སོ་སོར་བརྟགས་པར་
D287.071.0163a02.01གྱུར་པས་ཀྱང་ཡང་དག་པ་ཇི་ལྟ་བ་བཞིན་དུ་ལུས་སོ་སོར་རིག་པར་བྱེད་དོ། །གཞན་ཡང་རྣལ་འབྱོར་སྤྱོད་པ་ནང་གི་བདག་ཉིད་ཀྱི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། བདག་གི་ལུས་ལ་རླུང་གཞན་གང་དག་རབ་ཏུ་གནས་པ་ཡིན་ལ། དེ་བདག་ལ་འཁྲུགས་པར་གྱུར་པའམ་
D287.071.0163a03.01འཁྲུགས་པར་མ་གྱུར་པ་ན་ལས་ཅི་ཞིག་བྱེད་པ་ཡིན་ན། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ་དྲན་པ་ཀུན་ནས་འཇོམས་པ་ཞེས་བྱ་བའི་རླུང་བདག་གི་ལུས་ལ་རབ་ཏུ་གནས་པ་ཡིན་ཏེ། དེ་འཁྲུགས་པ་དང་མ་འཁྲུགས་པ་ན་བདག་ལ་ལས་
D287.071.0163a04.01ཅི་ཞིག་བྱེད་པ་ཡང་། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ་ལ། གལ་ཏེ་བདག་གི་དྲན་པ་ཀུན་ནས་སུན་འདོན་པའི་རླུང་འཁྲུགས་པར་གྱུར་ན། དེས་བདག་གི་དྲན་པ་རྣམས་འཇོམས་པར་བྱེད་དོ། །བདག་གིས་སྔོན་བླགས་པ་རྣམས་ནི་
D287.071.0163a05.01མི་དྲན་ནོ། །བདག་གིས་དམིགས་པ་མེད་པ་བཞིན་དུ་ཕྱོགས་རྣམས་མཐོང་ངོ་། །གློ་ལུ་བར་བྱེད་པ་དག་ཀྱང་ཡང་དང་ཡང་དུ་འགྱུར་རོ། །སྤུ་རྣམས་ཐམས་ཅད་ཀྱང་རྩུབ་མོར་འགྱུར་རོ། །བདག་གི་སེན་མོ་རྣམས་ཀྱང་མདངས་ཁྲག་མེད་པར་འགྱུར་རོ། །བདག་ལ་ཚ་གྲང་
D287.071.0163a06.01དག་ཀྱང་ལྷན་ཅིག་ཏུ་འགྱུར་རོ། །བདག་གིས་ཟོས་པ་རྣམས་ཀྱང་ཧ་ཅང་དྲན་པ་ཡང་མ་ཡིན་ནོ། །དེས་དྲན་པ་སུན་འབྱིན་པའི་རླུང་ལ་སོ་སོར་བརྟགས་པར་གྱུར་པས་ཀྱང་ཡང་དག་པ་ཇི་ལྟ་བ་བཞིན་དུ་ལུས་སོ་སོར་རིག་པར་བྱེད་དོ། །གཞན་ཡང་རྣལ་འབྱོར་སྤྱོད་པ་ནང་གི་
D287.071.0163a07.01