完整藏文原文 · 德格版页 当前仅加载第 71 函德格 158b 版页；藏文 NFD、目录标记与异常页序保留在来源切片中，重复版页行以稳定序号区分。
ལུས་ལ་རབ་ཏུ་གནས་པ་ཡིན་ཏེ། དེ་བདག་ལ་འཁྲུགས་པར་གྱུར་པ་དང་འཁྲུགས་པར་མ་གྱུར་པ་ན་ལས་ཅི་ཞིག་བྱེད་པ་ཡང་། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ་ནི་གལ་ཏེ་ཟས་དང་ལྡན་པའི་རླུང་རབ་ཏུ་འཁྲུགས་པར་གྱུར་ན་རང་བཞིན་
D287.071.0158b01.01དུ་གནས་པར་གྱུར་པའི་ཟས་ལས་དེ་ཡང་གང་གི་ཚེ་ཟས་བཞི་འགྱུར་རམ་ལྔ་འགྱུར་དུ་ཡང་ཟ་བར་བྱེད་དོ། །དེ་བདག་ལ་རབ་ཏུ་འཁྲུགས་པར་གྱུར་ན་ཟས་དང་བཅས་པར་གྱུར་དུ་ཟིན་ཀྱང་སྤྲོ་བ་འཇིག་པར་བྱེད་དོ། །བདག་གིས་མིག་འབྱེད་པ་དང་འཛུམས་པར་བྱེད་ཀྱང་མི་ནུས་སོ། །
D287.071.0158b02.01རླུང་དེ་སྟོབས་དང་ལྡན་པར་གྱུར་པས་བདག་གི་ཡིད་ལ་ཆོས་རྣམས་སྲིད་པར་ཡང་མི་འགྱུར་རོ། །དེས་ཟས་དང་ལྡན་པའི་རླུང་ལ་སོ་སོར་བརྟགས་པར་གྱུར་པས་ཀྱང་ཡང་དག་པ་ཇི་ལྟ་བ་བཞིན་དུ་ལུས་སོ་སོར་རིག་པར་བྱེད་དོ། །གཞན་ཡང་རྣལ་འབྱོར་སྤྱོད་པ་ནང་གི་བདག་ཉིད་ཀྱི་
D287.071.0158b03.01ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། བདག་གི་རླུང་གཞན་གང་དག་འཁྲུགས་པར་གྱུར་པ་དང་འཁྲུགས་པར་མ་གྱུར་པ་ན་ལས་ཅི་ཞིག་བྱེད་པ་ཡིན་ན། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ། སྟེང་དུ་འགྲོ་བར་བྱེད་པ་ཞེས་
D287.071.0158b04.01བྱ་བའི་རླུང་བདག་གི་ལུས་ལ་རབ་ཏུ་གནས་པ་ཡིན་ཏེ། དེས་བདག་ལ་ལས་ཅི་ཞིག་བྱེད་པ་ཡིན་པ་ཡང་། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ་ནི་གལ་ཏེ་སོ་འབྱིན་པར་བྱེད་པའི་རླུང་འཁྲུགས་པར་གྱུར་ན་ནི་དེས་བདག་གི་སོ་ལ་ལྷང་ཀྱོག་
D287.071.0158b05.01དང་། སོ་འཇིག་པ་དང་། སོ་རྣམས་རྩ་བ་ནས་འབྲུལ་བ་དང་། སོ་རྣམས་རྙིལ་སྐྲང་བ་དང་། ཁ་སྐྲང་བ་དང་། མཆུ་སྐྲང་བ་དང་། རྐན་ཡང་སྔོན་པོར་བྱེད་དོ། །དེས་སོ་འབྱིན་པར་བྱེད་པའི་རླུང་ལ་སོ་སོར་བརྟགས་པར་གྱུར་པས་ཀྱང་ཡང་དག་པ་ཇི་ལྟ་བ་བཞིན་དུ་ལུས་སོ་སོར་
D287.071.0158b06.01རིག་པར་བྱེད་དོ། །གཞན་ཡང་རྣལ་འབྱོར་སྤྱོད་པ་ནང་གི་བདག་ཉིད་ཀྱི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། བདག་གི་ལུས་ལ་རླུང་གཞན་གང་དག་རབ་ཏུ་གནས་པ་ཡིན་ན། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ། ལྕེའུ་ཆུང་
D287.071.0158b07.01