完整藏文原文 · 德格版页 当前仅加载第 71 函德格 98a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ཡང་གང་ཞེ་ན། འདི་ལྟ་སྟེ། ལས་ཀྱི་འབྲས་བུ་ཀུན་ཏུ་རིག་པའོ། །ལས་དང་འབྲས་བུའི་དེ་ཁོ་ན་ཉིད་གང་ཟག་གིས་མཐོང་བར་འགྱུར་བ་ནི་དམ་པའི་ཆོས་སྒྲོགས་པ་མ་གཏོགས་པ་གཞན་གྱིས་མ་ཡིན་ནོ། །དེ་ལ་གང་གི་ཚེ་མི་དགེ་བའི་སེམས་
D287.071.0098a01.01དང་ལྡན་པའི་མི་དགེ་བ་ལ་དམིགས་པར་གྱུར་ན་དེའི་ཚེ་མི་དགེ་བའོ། །ཞེས་སོ་སོར་མངོན་པར་ཤེས་སོ། །གང་གི་ཚེ་དགེ་བའི་སེམས་ཀུན་ཏུ་སྐྱེས་པར་གྱུར་པ་ན། དེའི་ཚེ་དགེ་བའོ་ཞེས་སོ་སོར་རབ་ཏུ་ཤེས་པར་འགྱུར་རོ། །དེས་ཇི་ལྟ་བ་བཞིན་དུ་ལས་ཀྱི་འབྲས་བུ་རྣམས་ཀུན་
D287.071.0098a02.01ཏུ་ཤེས་སོ། །ཇི་ལྟ་བ་ཉིད་དུ་མི་དགེ་བའི་སེམས་བདག་ལ་སྐྱེས་པར་གྱུར་པའི་མི་དགེ་བའི་སེམས་དེ་དག་གིས་ནི་ཕྱི་ནས་མི་འདོད་པ་མི་སྡུག་པའི་འབྲས་བུ་རྣམ་པར་སྨིན་པ་དམྱལ་བ་དང་{ཡི་དགས་,ཡི་དྭགས་}དང་དུད་འགྲོ་རྣམས་སུ་བདག་ལ་འབྱུང་བར་འགྱུར་རོ། །གང་གི་ཚེ་ངག་གི་ཉེས་པར་སྤྱོད་
D287.071.0098a03.01པ་རྣམས་བྱས་པར་གྱུར་པ་དེའི་ཚེ་འདི་སྙམ་དུ་སེམས་པར་འགྱུར་ཏེ། ཇི་ལྟར་མི་དགེ་བའི་ལས་སྐྱེས་པ་འདི་དག་རྣམས་ཀྱིས་བདག་ལ་མི་འདོད་པ་དང་། མི་སྡུག་པ་དང་ཡིད་དུ་མི་འོང་བ་དང་དམྱལ་བ་དང་{ཡི་དགས་,ཡི་དྭགས་}དང་དུད་འགྲོ་རྣམས་འབྱུང་བར་འགྱུར་རོ། །གང་གི་ཚེ་ལུས་ཀྱི་ཉེས་པར་
D287.071.0098a04.01སྤྱོད་པར་བྱེད་པ་རྣམས་བྱེད་པར་གྱུར་པ་དེའི་ཚེ་འདི་སྙམ་དུ་སེམས་ཏེ། ཇི་ལྟར་མི་དགེ་བའི་ལས་སྐྱེས་པ་དང་བྱས་པ་འདི་དག་གིས་ནི་དམྱལ་བ་དང་{ཡི་དགས་,ཡི་དྭགས་}དང་དུད་འགྲོ་རྣམས་སུ་བདག་ལ་རྣམ་པར་སྨིན་པ་མི་འདོད་པ་རྣམས་འབྱུང་བར་འགྱུར་རོ། །དེ་ལ་ལས་ཀྱི་རྣམ་པར་སྨིན་པ་རྣམ་པ་
D287.071.0098a05.01གསུམ་པོ་འདི་དག་རྣམས་ཀྱང་དམ་པའི་ཆོས་སྒྲོགས་པ་མ་གཏོགས་པ་གཞན་གྱིས་ནི་ཤེས་པར་འགྱུར་བ་མ་ཡིན་ནོ། །དེའི་ཕྱིར་ན་སྐྱེས་བུ་དམ་པ་རྣམས་ཀྱིས་ཇི་སྲིད་འཚོའི་བར་དུ་དམ་པའི་ཆོས་སྒྲོགས་པ་དང་མཉན་པར་ཡང་བྱའོ། །གང་གི་ཚེ་དམ་པའི་ཆོས་སྒྲོགས་པ་རྣམས་
D287.071.0098a06.01རྗེས་སུ་ཉན་པར་བྱེད་པ་དེ་ནི་ལེགས་པར་སྤྱོད་པར་བྱེད་པ་ཡིན་ནོ། །ཉེས་པར་སྤྱོད་པ་རྣམས་ནི་ཡོངས་སུ་སྤོང་བར་བྱེད་དོ། །གཞན་ཡང་དམ་པའི་ཆོས་སྒྲོགས་པར་བྱེད་པ་ལ་ཡོན་ཏན་ཡོད་དོ། །འདི་ཡང་གང་ཞེ་ན། འདི་ལྟ་སྟེ། ཚེ་རིང་པོ་ཀུན་ཏུ་འཕེལ་བར་བྱེད་པའི་
D287.071.0098a07.01