完整藏文原文 · 德格版页 当前仅加载第 71 函德格 195b 版页；藏文 NFD、目录标记与异常页序保留在来源切片中，重复版页行以稳定序号区分。
ནོ། །གཞན་ཡང་རྣལ་འབྱོར་སྤྱོད་པ་ཕྱི་རོལ་གྱི་ལུས་ཀྱིས་ལུས་ལ་རྗེས་སུ་ལྟ་ཞིང་གནས་ཏེ། རི་དེ་དག་རྣམས་ལ་མེ་ཏོག་དང་འཁྲི་ཤིང་གི་ཚོགས་འཁྲིལ་བ་དང་། མཚོ་དང་། ཆུ་ཀླུང་དང་། བྱ་དང་། འབྲས་བུ་དང་། {རི་དགས་,རི་དྭགས་}ཀྱི་རིགས་ཅི་ཡོད་པ་རྣམས་དེས་ཐོས་པ་ལས་
D287.071.0195b01.01བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ། སང་ཀཱ་ཤའི་རི་ལ་སང་ཀཱ་ཤཱ་ཞེས་བྱ་བའི་ལྗོན་ཤིང་དུས་དྲུག་ཏུ་མེ་ཏོག་འབྱུང་བར་འགྱུར་རོ། །ལྗོན་ཤིང་དེ་དག་རྣམས་ལ་ཉིན་མཚན་དུ་འོད་འབྱུང་བར་འགྱུར་ཏེ། འཛམ་བུའི་གླིང་གི་མཚན་མོའི་མར་མེ་རྣམས་བཞིན་
D287.071.0195b02.01ནོ། །དྲི་ཡང་དཔག་ཚད་དུ་རབ་ཏུ་འཕྱུར་བ་ཡིན་ཏེ། ཇི་ལྟར་ཅུང་ཟད་ཅིག་ཀྱང་འཛམ་བུའི་གླིང་ནི་ཆ་འདྲ་བ་ནི་མེད་དོ། །སཾ་ཀཱ་ཤའི་རི་དེ་ལ་ནགས་ལྔ་ཡོད་པ་རྣམས་ནི་འདི་ལྟ་སྟེ། གྲིབ་མ་སྔོན་པོ་ཞེས་བྱ་བའི་ནགས་དང་། བྱ་ངེས་པར་གནས་པ་ཞེས་བྱ་བའི་ནགས་དང་། ཟབ་
D287.071.0195b03.01མོ་ཞེས་བྱ་བའི་ནགས་དང་། སྤྲིན་དཀར་པོ་ཞེས་བྱ་བའི་ནགས་དང་། རྣམ་པར་འབབ་པ་ཞེས་བྱ་བའི་ནགས་རྣམས་སོ། །དེ་ལ་སཾ་ཀཱ་ཤའི་རི་དེ་ལས་སྤྲིན་དང་འདྲ་བར་གྱུར་པའི་མེ་ཏོག་རྣམས་རྒྱས་པའི་ཕྱིར་ན་འདི་ནི་ནམ་མཁའ་དང་མཚུངས་པ་ཡིན་ནོ། །དེས་ན་འདི་ནི་སཾ་ཀཱ་
D287.071.0195b04.01ཤའི་རི་ཞེས་བྱའོ། །དེ་ལ་ཕྱོགས་གཅིག་ན་གྲིབ་མ་སྔོན་པོ་ཞེས་བྱ་བའི་ནགས་ཡོད་དོ། །དེ་ལ་གང་ཅུང་ཟད་དཀར་པོར་གྱུར་པའི་གཟུགས་སོང་ཞིང་འགྲོ་ལ་སོ་སོར་འགྲོ་བར་འགྱུར་བ་རྣམས་ཀྱང་ནགས་དེའི་འོད་ཀྱིས་ཀུན་དུ་སྣང་བར་བྱས་པའི་སྟོབས་ཀྱིས་བཻ་ཌཱུརྱ་སྔོན་པོའི་མདོག་
D287.071.0195b05.01ཏུ་འགྱུར་རོ། །བྱ་རྣམས་ཀྱང་སྔོན་པོ་དེ་དག་ཉིད་ན་གནས་པ་ཡིན་ནོ། །འདི་ལྟ་སྟེ། ཡིད་ཀྱི་རྗེས་སུ་འཐུན་པ་ཞེས་བྱ་བའི་བྱ་ནི་བྱང་ཕྱོགས་སྒྲ་མི་སྙན་པའི་མི་རྣམས་གྲིབ་མ་སྔོན་པོའི་ནགས་སུ་ཞུགས་པར་གྱུར་ནས་ཡིད་ཀྱི་རྗེས་སུ་འཐུན་པ་གང་དག་སྤྱོད་པར་བྱེད་ན་དེ་དག་བྱ་དེ་དག་
D287.071.0195b06.01རྣམས་ཀྱིས་རྩེ་བར་བྱེད་དོ། །རྟག་པར་རབ་ཏུ་དགའ་བ་ཞེས་བྱ་བའི་བྱ་ལེགས་པར་གནས་པས་ནི་དེ་མཐོང་བར་གྱུར་པས་ཀྱང་བྱང་ཕྱོགས་སྒྲ་མི་སྙན་གྱི་སྐྱེས་བུ་རྣམས་ཕྱིར་ཞིང་ཆེས་རབ་ཏུ་དགའ་བར་འགྱུར་རོ། །གྲང་བ་དང་དྲོ་བ་ཞེས་བྱ་བའི་བྱ་དེ་དག་མཐོང་བར་གྱུར་པས་ཀྱང་
D287.071.0195b07.01